عايز اعرف كل اسعار قطع غيار الفيكترا 2001-2003

[ELzanatti]

الشباب الجامد كييف الأحوال...
اخويا مقبل علي خطوة مجنونة و هيطلع من تحت البلاطة و هيشتري عربية بس هو دماغة فيكترا 2001-2003 1600 CC. او أوكتافيا A4 او باسات 2001
انا كنت عايز اعرف كل كل كل اسعار قطع الغيار للفيكترا و طبعا مشكورين لو حد يعرف للأتنين التانيين.
ارجوكم الرد علشان هو عايز يشتريها قريبا.

[zizo50001]

بص قطع الغيار مش غالية خالص على فكرة زى ما الناس فكرة القطع الغيار اللى غالية اللى هى بتبوظ كل فترة طويلة جدا زى مثلا اغلى حاجة شوفتها هى بلية الدبرياج دى ب 800 جنية بس معمرة طبعا بس و بالى العجل ودة مش بيبوظ بسهل بس دول قطع الغيارة اللى شفتهم غالى بس بعد كدة كل حاجة رخيص اللى هى بتتغير على طول زى التيل و الطنابير و العفشة وكدة وربنا يكرمك بحاجة حلوة

[ELzanatti]

انا متشكر ليك جدا بس انت مقلتليش الحاجات اللي بتتغير علطول تمنها كام

[lancerevolution]

هقولك على حاجات أنا إشترتها
سير الكاتينة 65-75 جنية
شداد موتور 65 جنية
سير عمومى 65 جنية
فلتر هوا 50 جنية
فلتر زيت 45 جنية
فلتر بنزين 35 جنية
بوجيهات بوش 2شمعة 65 جنيه جى إم 120 جنية
طقم مساحات بوش 45 جنية
كاوتشة كوبلن داخلية 50 جنية
دول من عند مستر أوبل و الخطيب الى فى طنطا
و سألت على الأتى
بيض مقص 125 جى إم و نوع تانى كدا 95
بيض دركسيون 85 جنيه
كاوتش إسكترا 65 الواحدة
دول من عند الشيماء و أمريكان ستار

[tamertamer]

بص اولا هو عايز 1600 منوال ام اتومتك لية بقا لان المنوال بتنزل بمتور والاوتومتك بتنزل بمتور تانى خالص ولكل متور قطعة الخاصة
المنوال متور 8 صباب 75 حصان قطع غيارة ببلاش رخيصة بالنسبة للالمانى كاكل لكن المتور الثانى 16 صباب 101 حصان صينتة مختلفة شوية ومكلفة حبتين بالمقرنة بالمنوال بس الميزة انة اوتومتك يعنى مثلا بلية الكتينة فى المنوال بلية وحدة لكن فى الاوتومتك 3 بليات كدة
بس دعنى اقول لك شيا اولا تبص على التكيف لانة قطع غيارة غلية جدا فلازم تخدة شغال وممتاز كفاية اقولك ان ثمنة فى التوكيل 12000 الف برة هيعمل رقم اقل بكتير بس بردة الفات مش قليلة
اغلاء الحجات هى علبة الدركسيون وهتعمل 800 الى 1300 فى استيراد وجديد هتعيش البدايل متاحة
بس نصحتى ليك لو العربية مجبتهاش حالة كويسة هتكرة اليوم قلى اتولت فية وفكرت تجيب اوبل لكن لو جبتها حالة نضيفة هتشكر فيها لك الناس بلاء مبلغة

[tananybasha]

الله ينور يا رجاله
بس برضوا الباشا بيتكلم فى تفاوت سعر كبير ما بين الفيكترا و الأوكتافيا و الباسات