طلب مساعده عاجله من عصابه الأوبل

[ahmedpharma]

متشكر أوي يا أحلى عصابه على ردودكم و تفاعلكم الدايم مع كل المواضيع اللي الناس بتكتبها هنا في المنتدى

فعلا بجد أحلى عصابه دي حتى أحلى من عصابه حماده و توتو هههههههههه

و الحمدلله أن الفاس ما وقعتش في الراس
الدرس اللي استفدته من الموضوع ده و اللي أتمنى ان كل الناس هنا تستفيده
أن الواحد لما ييجي يعاين العربيه معاينه مبدئيه لازم يكون واخد معاه واحد صنايعي فاهم سمكري أو بتاع دوكو
عشان مهما كانت خبرتنا في العربيات بس الصنايعيه دول شغلهم بيخليهم فاهمين أكتر مني و منك كتيير
و بالنسبه للأوبل بالذات لازم تروح التوكيل تكشف على العربيه

و أهم درس خلي بالك من التجار النصابين
مش معنى كلامي أن كل التجار نصابين أكيد فيهم ناس كويسه بس الغالبيه منهم للأسف نصابين

[ahmedpharma]

والله انا مش قصدي حاجة بس فعلا لسه هتشوف من ده كتيييييييييييير و انيل من كده بس ده بيثبت كلامي مفيش عربية نضيفة بالسعر ده يعني ما يجيش حد يقول اوبل 2003 بـ 65 الف ماينفعش
بص اللي بيبع الاوبل ده حاجتين
1- واحد العربية مطلع عينيها فمطلعة عينيه و مبهدلاه فعايز يبيع و خلاص و هتلاقي من ده كتير (لدواعي السفر و لظروف خاصة) و ممكن يكون تاجر بيقلب عربيات على طول و الاتنين دول ممكن يكونوا طالبين في الاقل من العادي بكتير و دول سبب السوق المتفاوت
2- واحد و دول مش كتير صاين عربيتة في التوكيل او برة بس المهم مش بيسيب اي حاجة فيها و بيخاف عليها و بيصرف عليها و ده صعب انه يبيع الا اذا كان هيغير لحاجة اكبر بكتير عشان العربية مرياحاة و ده عادة بيطلب السعر العادي او اعلى من العادي شوية(بس رايي برده ده عادي لان الاوبل تسوى اكتر من كده في مصر) و من حقة
انا شفت من النوع الاول ده كتيييير جدا و النوع التاني ده مثلا 2 ولا 3
ربنا يوفقك ان شاء الله و تلاقي حاجة كويسة هتتعب شوية بس ربنا بوفق ان شاء الله

يا أستاذ احمد اللي يعيش ياما يشوف و أكيد عشان ألاقي عربيه كويسه هأقابل في النص كام عربيه مش حلوين
بالنسبه للسعر 65 ألف ده كان سعر 2001 مش 2003 و ده على اساس أن العربيه مفيهاش الهوا يعني فابريكه بره و جوه
و مش محتاجه مليم مصاريف كاوتش جديد و عفشه جديده و صالون جلد و تاره ملتي الخ من الكماليات المعتاده

و اسمحلي أقولك حاجه تاني بالنسبه للسعر
ادامي عربيه بتاعت واحد صاحبي جدا 2000 سي سي أوتوماتيك موديل 2003 لونها سيلفر
عامله لحد دلوقتي 120 ألف كيلو
و صاحبي ده محسوك في العربيه بطريقه ما تتخيلهاش ما بيحطش في العربيه مسمار مش أصلي
حتى الفيوزات العاديه بيجيبها الأصلي استيراد من الحرفيين بيروح يفكها من العربيات الأنصاص الموجوده هناك
و العربيه مفيهاش الهوا بمعنى الكلمه فابريكه بره و جوه رشه اكصدامين فقط لا غير
عفشه مجددها في شهر 12 اللي فات و كاوتش جديد طبعا مع تجديد العفشه
و جابلها تاره ملتي و ركبها بدل التاره العاديه و شغلها لأنه جاب كاسيت باناسونيك الأصلي بتاعها و السي دي ال 6 اسطوانات الأصلي بتاعها
و الكلام ده كله ادام عيني
و طالب فيها 70 ألف جنيه

بس المشكله أنه بيدور على عربيه 180 c موديل 97 حالتها ممتازه و فابريكه بالكامل
و مش هيبيع الفيكترا الا لما يلاقي العربيه التانيه دي
و بقالو دلوقتي حوالي شهرين بيدور و مش لاقي
أنا نفسي أخد العربيه دي بس هو مش ممكن يسيبها الا لما يلاقي العربيه التانيه و ده حوار طويل