طلب وسوْال

[Mostafa.Ismail]

السلام عليكم,

انا عندى طلب وسوْال, الطلب لو فى حد من اخوانا يعرف اجيب منين او ادامو الغطاء الفيبر بتاع المرايا اليمين (حتة الفيبر اللى على طول تقع دى) العربية استرا 2004 اوتوماتيك 1600. لو حد عندو ياريت يقولى علشان دوخت علية مش لاقية حتى منصور بيه قلى 180 جنية وقالولى هنطلبة لانو مش موجود :( وقلبت التوفيقية وهانى اوبل واخواتة .... مفيش. حتى لو بلاستيك مش لازم بتاعها يعنى.

السوْال بقى بخصوص الزيت, اية احسن زيت موتور موبيل 1 ولا شيل ؟
انا بستخدم موبيل 1 بس فى ناس كتير بتشكر فى شيل مش عارف مين احسن ...

شكرا واسف للأطالة.

[rabbat5]

من تجربتي شل أفضل من موبل.

[tamertamer]

لا فرق فى الزيت كلة واحد انا جربت الاثنين وندمت انى غيرت موبيل وهرجعلة تانى

[lancerevolution]

شوف الإستيراد ممكن تلاقى واحدة مفكوكة من مرايا مكسرة أو قواعدها مكسرة مش مشكلة هاتها و إلزقها فى الفكترا الصغيرة انا جايبها ب 35 عشان كانت من غير قاعدة تثبيت بس كانت لون العربية بالظبط

الزيت بقى أنا لسة مغير لفيسكو و الصراحة أحلى من موبيل

[Ahmed_lol2007]

أنا كنت بستخدم شل و غيرت لفيسكو وبصراحة تمام

[Mostafa.Ismail]

طيب تقييم الزيت انة حلو ولا وحش بيبقى على اى اساس؟

[mmamdouh73]

زيت فيسكو سعره كام ؟

[lancerevolution]

3000 كم إسمه فيسكو 2000 بيعمل 72 جنية و جنية تغير
ال 10000 إسمه فيسكو 3000 بيعمل 100 تقريبا أو 120
ال15000 إسمه فيسكو 5000 مش مش عارف تمنه كام الصراحة

[lancerevolution]

طيب تقييم الزيت انة حلو ولا وحش بيبقى على اى اساس؟

صوت الموتور و شكل الزيت بعد فترة كبيرة اللزوجة و ما شابه

[MohamedGafar]

فيسكو الأفضل منهم كلهم فعلاً.

تحياتي.

[Atef Saleh]

انا غيرت من شل لكاسترول و فعلاً التغيير للافضل بس انا كنت منتظر شويه علشان اقول لحضراتكم بعد مرور الف كيلو على الزيت و هكذا بس طالما السيره اتفتحت يبقى نتكلم الزيت ممتاز جدا و احسن من موبيل و شل بمراحل انا غيرت زيت ال3 عربيات للزيت ده و الحمد لله الفرق فى صوت الموتور واضح جداً و كلكم عارفين صوت موتور الاسكودا بيكون عامل ازاى دلوقتى بقى حرير و الاوبل صوتها ناعم جداً و كمان صوت الدايو الجباره ذات السمعه العالميه المحترمه ستى و تاج راسى ( طبعا عارفين الكلمتين دول ليه ) اللى مش باحب اركبها برضه و ده حقى محدش ليه دعوه بقى اقل كتير جداً عن الاول .
انا جبت بتاع ال10 الاف و هابقى احكيى لحضراتكم عن اخباره كمان 5 شهور لأنى عمرى ماباعمل ال10 الاف فى اى عربيه علشان كده باغير كل 6 شهور فات منهم شهر و نوافيكم بالتفاصيل
عاطف صالح من امام سنترال رمسيس موسكووووووووووو

[ali.mahmoud]

وايه اخبار موبيل xhp فى احسن ولا ده كويس انا شغال بيه على طول

[Mostafa.Ismail]

انا غيرت من شل لكاسترول و فعلاً التغيير للافضل بس انا كنت منتظر شويه علشان اقول لحضراتكم بعد مرور الف كيلو على الزيت و هكذا بس طالما السيره اتفتحت يبقى نتكلم الزيت ممتاز جدا و احسن من موبيل و شل بمراحل انا غيرت زيت ال3 عربيات للزيت ده و الحمد لله الفرق فى صوت الموتور واضح جداً و كلكم عارفين صوت موتور الاسكودا بيكون عامل ازاى دلوقتى بقى حرير و الاوبل صوتها ناعم جداً و كمان صوت الدايو الجباره ذات السمعه العالميه المحترمه ستى و تاج راسى ( طبعا عارفين الكلمتين دول ليه ) اللى مش باحب اركبها برضه و ده حقى محدش ليه دعوه بقى اقل كتير جداً عن الاول .
انا جبت بتاع ال10 الاف و هابقى احكيى لحضراتكم عن اخباره كمان 5 شهور لأنى عمرى ماباعمل ال10 الاف فى اى عربيه علشان كده باغير كل 6 شهور فات منهم شهر و نوافيكم بالتفاصيل
عاطف صالح من امام سنترال رمسيس موسكووووووووووو

هايل جدا انا نسيت اسئل علية برضو ... ممكن بس تقولة جبتو منين وبكام علشان انا لازم اغير زيت انهاردة ضرورى ؟