216 كم فى الصفيحة

[lancerevolution]

هو الخواجه ماتكلمش عن الاستهلاك داخل المدن و تحديداً القاهره علشان الواحد يعرف الدنيا مظبوطه عنده و الا فى لخبطه و شكراً ( على فكره انا مش باتكلم بتهكم انا باتكلم جد علشان ماحدش يتنرفز من كلامى ) .

كدا أنا أزعل منك يا عم بلاش الكلام ده فكك بقى
فعلا كل مدينة هتختلف عن التانية عشان الزحمة و الإشارات

[Atef Saleh]

و الله انا عايز اعرف بجد الاستهلاك ده مظبوط و الا فى مشكله و يا عمنا ربنا مايجيب زعل ابداً بس انا عايز اعرف للأطمئنان ليس الا علشان لو فى حاجه نشوف لها حل لأنى شايف ان الفرق بين الطريق السريع و داخل المدينه فرق كبير شويه خاصه ان عندى الاستهلاك على الطريق السريع بيكون افضل من الرقم اللى اتكتب ده كمان لكن جوه البلد سواء بتكييف او بدون نفس الاستهلاك و دى غريبه لأن على حسب معلوماتى التكييف بيزود الاستهلاك صح الكلام كده ؟؟؟؟؟

[lancerevolution]

و الله انا عايز اعرف بجد الاستهلاك ده مظبوط و الا فى مشكله و يا عمنا ربنا مايجيب زعل ابداً بس انا عايز اعرف للأطمئنان ليس الا علشان لو فى حاجه نشوف لها حل لأنى شايف ان الفرق بين الطريق السريع و داخل المدينه فرق كبير شويه خاصه ان عندى الاستهلاك على الطريق السريع بيكون افضل من الرقم اللى اتكتب ده كمان لكن جوه البلد سواء بتكييف او بدون نفس الاستهلاك و دى غريبه لأن على حسب معلوماتى التكييف بيزود الاستهلاك صح الكلام كده ؟؟؟؟؟

تقريبا التكيف بيرفع الإستهلاك ل 10 %
أما فرق الطريق السريع و البلد
إن على السريع بتبقى العربية مستريحة شوية أو ثابتة على حاجة وكمان ما بتحتجش قوة كبيرة عشان تحركها أما جوة البلد فبتقف تمشى تقف تجرى تمشى براحة تقف تانى كل دا بيحتاج قوة زيادة فى الطلعة عشان تحرك من السكون دا يما تغير الوضع بيستهلك طاقة أكبر من الحفاظ عليه
و دا تفسيرى انا

[hardman20060]

انت كده عربيتك بسم الله ما شاء الله زي ما الكتاب بيقول بس لو حطيت 92 هتظبط معاك اكتر من كده وده عن تجربه شخصيه.

[tananybasha]

هو فى الكتالوج فيه جوه البلد بس على رايك مش القاهره

[honda forever]

متهيألى متوسط الأستهلاك بيكون على الطريق بس وعند سرعه معينه كمان

[Atef Saleh]

هو فى الكتالوج فيه جوه البلد بس على رايك مش القاهره

يعنى انا كده فى التمام الحمد لله نشوف موضوع الصرتين اللى ادام هما اللى فاضلين و يبقى كله تمام شكراً للساده الافاضل .

[tananybasha]

متعرفش سعر البلى قدام كام يا عم عاطف

[Atef Saleh]

بلى ايه يا طنانى بك انا عندى الصره بتيجى كامله بالبليه و تمنها 475 جنيه بالنسبع لعربيتك مش عارف بس ممكن اشوف على البرنامج اللى عندى و اجيب مقاساتها و اسأل لحضرتك عليها و لو تعرف المقاس قوللى و انا تحت امر امعاليك .

[Atef Saleh]

انا شفت مقاساتها على البرنامج و لقيتها كالتالى 72 * 39 * 37 لو المقاسات دى مظبوطه قوللى و انا اجيبهالك .

[Atef Saleh]

يا سبحان الله تخيل يا سيد طنانى ان المقاس ده عندى اتأكد منه لو سمحت 72 * 39 * 37 انا دورت فى البرنامج على عربيه فيكترا a موتور 2000 متهيألى دى عربيتك صح كده و الا انا غلطان لو صح يبقى هو المقاس اللى عندى و كده انا هاعمل معاك واجب محترم جداً لأنى باستورد نوع بلى كويس مش هاقول اسمه علشان الاداره و الاعلانات و بالنسبه للجوده معاك ضمان للفتره اللى انت شايفها و الدفع بالتقسيط زى ماتفقنا قبل كده على 36 شهر بدون فوايد و تقبل تحياتى .

[tananybasha]

ربنا يباركلك يا باشا
ده كتير عليا قوى الأهتمام ده
و هاشوف و اتأكد و ابعت لحضرتك تانى

[tananybasha]

بلاش اسمه و لا صناعته ايه ده كفاية انه من عندك

[Atef Saleh]

ههههههههههههههههههههههههههههههههههه
يا عمنا كده كتير اتأكد الاول من كلامى فى موضوع المقاسات و رد عليا .

[tananybasha]

العفو يا باشا
هو سؤال هى قدام بلى و اللى ورا صرر كامله
صح كده
طيب ليه البلى اللى جوه السره مينفعش يتغير
حد هيقول ما بيتفورش
اى حاجة خراط شاطر يفورها الأهم مقاس البلى ده موجود ولا لأ