السنتر بايظ

[Ahmed_lol2007]

بص يا اسلام باشا أنت ممكن تجرب تفتح الوحدة اللى إنتا فكيتها دى وترش عليها أى منظف الكترونيات أو برفان على منديل وتمسح عليها عشان لو فى أى أتربة أو رواسب ممكن تفصل أى خط توصيل من البوردة بتاعتها
ولو مالكش بال للفك ممكن توديه لبتاع سنتر يبص لك عليه
وربنا معاك يا باشا وإبقى طمنا

[ENG\AHMED]

راجعت عليها ونضفتها ب wd 40
شغلها اتحسن عن الاول بس برضه لسه الشنطه ولا الباب اللي وراء السواق ما بيتفتحوش

هي المكنه دي بكام ياباشا ولا ممكن تتفك وتتصلح

الابواب كانت كلها مش شغالة ولما نضت المكن اشتغلوا معادا الباب الخلفى والشنطة؟؟
اعتقد كدة مشكلة نضافة , جرب تنضفهم كويس
ابدأ بالشنطة اسهل وشوف النتيجة

[islambana]

لا ياباشا كانوا علي نفس الوضع بس دلوقتي حركتهم بقت اسهل
وبعدين معقوله هيتوسخوا كلهم في يوم واحد ههههههههههه

[tananybasha]

راجع الكنترول يونت و الخط المفصول يتعمله كوبرى

[islambana]

اخر المستجدات
الكونترول سليمه
لكن العيب في ماكينه باب السواق لانها لما بتفتح بكامل قوتها السنتر بيرجع لطبيعته اما لو فتحت بضعف بيختلف عدد الابواب اللي بيفتحها وطبعها هي بحالات ساعات تشتغل كويل وتخلي كل الابواب تشتغل وساعات تلاقيها ضعيفه وتفتح بابين بس وساعات تعلق خالص ومايتفتحش غير باب السواق بس

ايه العمل بقي اغيرها استيراد ولا هلاقيها جديده ولا فيه امكانيه اني اركب قربه سنتر عاديه غيرها

[tananybasha]

ما اعتقدش فيه منها جديده
و لو جديده هتبقى غالية بغبا
استيراد افضل

[honda forever]

اخر المستجدات
الكونترول سليمه
لكن العيب في ماكينه باب السواق لانها لما بتفتح بكامل قوتها السنتر بيرجع لطبيعته اما لو فتحت بضعف بيختلف عدد الابواب اللي بيفتحها وطبعها هي بحالات ساعات تشتغل كويل وتخلي كل الابواب تشتغل وساعات تلاقيها ضعيفه وتفتح بابين بس وساعات تعلق خالص ومايتفتحش غير باب السواق بس

ايه العمل بقي اغيرها استيراد ولا هلاقيها جديده ولا فيه امكانيه اني اركب قربه سنتر عاديه غيرها

إستيراد ما بين 200 إلى 250 جنيه

[islambana]

إستيراد ما بين 200 إلى 250 جنيه

دي الماكينه ولا الكونترول بتاع السنتر