اوبل فيكترا 1995، محتارة بين المانيول و الاتوماتيك؟

[NoraMagdy]

السلام عليكم

النهارده المعلم سمكرى السيارات فحص العربية (الاوتوماتك)، وقالى الآتى:
1) التابلوه مشقق ومفكوك قبل كدا (صاحب العربية قال: اى اوبل 95 لازم هتلاقى التابلوه مشقق)
2) احدى الدواسات واكله حجر ووكلاها البارومه
3) الموتور مرشح زيت (مش عارفه يعنى ايه ؟)
4) العداد ملعوب فيه (عدادها كان قارى 90 ألف) ، بس السمكرى بيقول ان العربية شقيانه (يعنى ايه شقيانه؟)
5) فردة كاوتش ناعمه
6) الكاسيت كلاريون
7) غير ذلك حالة حديد العربية جيد

انا لم اعرضها بعد على ميكانيكى

هل هذه عيوب خطيره فى العربية ، تخلينى ابعد عنها واشوف غيرها؟
ولا دا عادى بحكم انها موديل 95 ؟
ممكن عمل صيانات لهذه العيوب وهل ممكن تغيير التابلوه (التابلوه سعره حوالى كم؟)

شكرا

[ENG\AHMED]

السلام عليكم

النهارده المعلم سمكرى السيارات فحص العربية (الاوتوماتك)، وقالى الآتى:
1) التابلوه مشقق ومفكوك قبل كدا (صاحب العربية قال: اى اوبل 95 لازم هتلاقى التابلوه مشقق)
2) احدى الدواسات واكله حجر ووكلاها البارومه
3) الموتور مرشح زيت (مش عارفه يعنى ايه ؟)
4) العداد ملعوب فيه (عدادها كان قارى 90 ألف) ، بس السمكرى بيقول ان العربية شقيانه (يعنى ايه شقيانه؟)
5) فردة كاوتش ناعمه
6) الكاسيت كلاريون
7) غير ذلك حالة حديد العربية جيد

انا لم اعرضها بعد على ميكانيكى

هل هذه عيوب خطيره فى العربية ، تخلينى ابعد عنها واشوف غيرها؟
ولا دا عادى بحكم انها موديل 95 ؟
ممكن عمل صيانات لهذه العيوب وهل ممكن تغيير التابلوه (التابلوه سعره حوالى كم؟)

شكرا

1- اى كلام , مفيش الكلام اللى بيقول علية لو استخدام نضيف هتلاقية بحالتة - انا كان معايا مازدا 82 اتباعت بعد 24 سنة والتابلوة بحالتة مش 95 والتابلوة شقق !!

3- فى ترشيح زيت على الموتور من برة هتلاقى جوان او خرطوم فايظ محتاج يتغير
4- شقيانة يعنى متبهدلة مش متحافظ عليها

بلاش منها وبلاش تشترى عربية من تاجر او معرض بالطريقة دى هتفضلى تلفى وتتعبى نفسك ومش هتلاقى حالة نضيفة يااما هتدبسى فى عربية حالتها تعبانة وتزهقك مصاريف
اشترى من الاهرام او الوسيط واشترى العربية من صاحبها احسن

[tananybasha]

الله ينور يا احمد
و انا اسف يا ست الكل انا بارد على المشاركه و مش واخد بالى انا اسف و الف شكر على التنبيه يا استاذ كريم
الكلام ده كلام بطيخ
قليل قوى لما اشوف فيكترا التابلوه مشقق ده جلد طبيعى و طالما العناية بيه على طول يفضل زى الفل
اللعب فى العداد على حالة الهربدة دى وارد
الزيت مرشح عيب صيانه دورية و اويل سيلات و جوانات يعنى قصه
و ده معرض زباله و عربية زباله
و كانت بكام بقى على كده
تقططع ايدى لو ماكنش طالب 38000-40000

[NoraMagdy]

أسف على ايه ... كلاً اخوات
وانا شاكره تعبكم معايا جدااااااااااااااااا

وكلام مهندس أحمد وطنانى باشا 100%

كانت عربية بيتى مش معرض، وهو طلب 45000 والسمكرى لما سمع السعر قال يالا بينا ورانا مصالح :) ومشينا على طول

[kar!m]

تابلوه الأوبل مش من التابلوهات اللى بتشقق الا لو العربيه مرميه فى الشمس طول النهار و مفيش عنايه بيه .. فى عربيات زى الهيونداى أكسنت لازم تابلوها يشقق و الكيا سيفيا لازم تلاقى التابلوه مفتوح من ناحية الهوايات اللى تحت الازاز اللى قدام.

أحب ألفت نظر حضرتك لحاجه .. انتى ليكى نظره فى العربيه غير نظرة السمكرى يعنى السمكرى هيقولك العربيه دى معملتش حادثه و سليمه و موتور و عفشه .. انما انتى اللى هتركبى و تقعدى فيها و تمشى بيها فا لو فى حاجه مش عاجباكى قولى لأ العربيه مش عجبانى .. يعنى مثلا أنا من فتره كنت بتفرج على عربيه لانوس وواخد السمكرى بتاعى معايا و العربيه موديل 2005 فابريكه بالكامل و عامله 45000 كيلو و السمكرى شكر لى فيها .. قعدت أقلب فيها قلت لأ مش عاجبانى .. كان فيها حتت كتير فى الصاج معموله على البارد فا باين انها معروجه .. محسوبه عليا فابريكه وشكلها مش عاجبنى .. التابلوه واخد كمية ملمع بشعه .. الكاوتش اللى حوالين ازاز الباب فيه حتت مقطعه .. فقلت لصاحبها شكرا و مشيت .. حتى حسيت ان السمكرى بتاعى اتضايق عشان من وجهة نظره مفيش سبب يخلينى أرفض.
الشاهد انك ليكى نظرة غير نظرة الفنى يعنى ميقولكيش اه كويسه اشتريها تشترى وانتى مغمضه .. و ربنا يوفقك لما فيه الخير.

[فادى محمد]

أسف على ايه ... كلاً اخوات
وانا شاكره تعبكم معايا جدااااااااااااااااا

وكلام مهندس أحمد وطنانى باشا 100%

كانت عربية بيتى مش معرض، وهو طلب 45000 والسمكرى لما سمع السعر قال يالا بينا ورانا مصالح :) ومشينا على طول

نصيحه لوجه الله ...الالماني مايتركبش وحالته نص نص هتدوخك وتصرفي كتير .اشتري راحتك واستمتاعك بركوب الالماني ودوري علي عربيه حالتها حلوه ولازم متخصص يساعدك في ابداء الراي فيها وبالتوفيق ان شاء الله.

[mexmarine]

فى حالة ان انتى معاكى الـ 45 الف , نصيحه منى هاتى استرا من موديل 2000 الى 2003 الالمانى .. عربيه بسم الله ما شاء الله كويسه و اقتصاديه و 1200 سى سى و موتور ايكو تيك 2 كامه و بتبقى وحش فى السفر و ثبات و تقيله عالطريق و قطع غيارها كويسه و فى المعقول و معمره .. إسالى مجرب d;
الحاله الكويسه بتبدأ من 45 الى 50

[NoraMagdy]

فى حالة ان انتى معاكى الـ 45 الف , نصيحه منى هاتى استرا من موديل 2000 الى 2003 الالمانى .. عربيه بسم الله ما شاء الله كويسه و اقتصاديه و 1200 سى سى و موتور ايكو تيك 2 كامه و بتبقى وحش فى السفر و ثبات و تقيله عالطريق و قطع غيارها كويسه و فى المعقول و معمره .. إسالى مجرب d;
الحاله الكويسه بتبدأ من 45 الى 50

انا لست خبيرة سيارات، لكنى اريد ان اقتنى سيارة أوبل

اولاً كنت أبحث عن سيارة أوبل كورسا (لاعتقدانى ان فيكترا بأى حال لن يقل سعرها عن 60 ألف)
وعندما وجدت فيكترا بسعر تسمح به ميزانيتى (45 ألف)، بدأت أسأل عن مميزات وعيوب الفيكترا

النصائح التى سمعتها حول فيكترا
1) أن تكون تقفيل المانى مش أى حاجه تانى
2) فيكترا 95 افضل ما انتجتة أوبل من موديل 94 حتى موديل 2000
3) شخص أخر كان أكثر تعصباً لفكترا 95 ، قال: فيكترا 95 أفضل سيارة انجتها أوبل
4) أخر قال: أوبل يعنى فيكترا، وما تتعبيش نفسك

كنت محتارة بين الـ 1600cc مانيول و 2000cc أتوماتك، لهذا طرحت هذا الموضوع للشورى من أهل العلم، وبناءاً على الأراء قررت شراء 2000cc الاوتوماتك

لذلك اقتنعت أن أفضل أوبل يمكن شرائة بمبلغ (45 ألف) هو فيكترا 95 أتوماتك، هل هذا الاقتناع صحيح؟ أم يوجد بدائل أفضل؟

شكراً جزيلاً

[mexmarine]

انا لست خبيرة سيارات، لكنى اريد ان اقتنى سيارة أوبل

اولاً كنت أبحث عن سيارة أوبل كورسا (لاعتقدانى ان فيكترا بأى حال لن يقل سعرها عن 60 ألف)
وعندما وجدت فيكترا بسعر تسمح به ميزانيتى (45 ألف)، بدأت أسأل عن مميزات وعيوب الفيكترا

النصائح التى سمعتها حول فيكترا
1) أن تكون تقفيل المانى مش أى حاجه تانى
2) فيكترا 95 افضل ما انتجتة أوبل من موديل 94 حتى موديل 2000
3) شخص أخر كان أكثر تعصباً لفكترا 95 ، قال: فيكترا 95 أفضل سيارة انجتها أوبل
4) أخر قال: أوبل يعنى فيكترا، وما تتعبيش نفسك

كنت محتارة بين الـ 1600cc مانيول و 2000cc أتوماتك، لهذا طرحت هذا الموضوع للشورى من أهل العلم، وبناءاً على الأراء قررت شراء 2000cc الاوتوماتك

لذلك اقتنعت أن أفضل أوبل يمكن شرائة بمبلغ (45 ألف) هو فيكترا 95 أتوماتك، هل هذا الاقتناع صحيح؟ أم يوجد بدائل أفضل؟

شكراً جزيلاً

محدش ينكر ان الفيكترا عربيه رائعه و منتشره جدا عن الاسترا .. لكن اعتقادى الشخصى ان الاسترا و زى ما قلت من 2000 الى 2003 (الالمانى إللى فاهم فيها و مجربها) عمليه و اقتصاديه و طول ما انا ماشى بيها و تكيفها شغال فى الحر و حراراتى كويسه و شايله اربعه مرتاحه و سرعتها ممكن توصل فوق الـ 170 يبقى عايز ايه تانى زائد ان شكلها حاسس انه اظرف و عارف انى هودى نفسى فى داهيه لان الرجاله هنا 99% فيكترا و على العموم انا متحيز لسيارتى مش اكتر و ممكن بعد تجربة الفيكترا اغير رأيي .. انما الـ95 موديل قديم شويه رغم كفاءته التامه و ربنا يوفقك فى حاجه كويسه .

[NoraMagdy]

سؤال كمان: فى عربية فيكترا 97 عفشتها 50%

ايه هى العفشة دى؟ ودى تتصلح ولا تتغير؟ وسعرها كم؟

[Ahmed_lol2007]

نصيحة بلاش حاجة %50 عشان متتعبيش معاها
وفعلا الاقتراح بتاع الاسترا ممتاز لان الاسترا أصغر من الفيكترا وشكلها بناتى عن الفيكترا
لكن الفيكترا هيا وحش الاوبل فى مصر لكن لو مصممة على فيكترا يبقى نصيحة هاتى عربية حالتها حلوة
عشان الاوبل ميتركبش غير وحالته كويسة ةربنا يكرمك وتلاقى طلبك

[tananybasha]

أسف على ايه ... كلاً اخوات
وانا شاكره تعبكم معايا جدااااااااااااااااا

وكلام مهندس أحمد وطنانى باشا 100%

كانت عربية بيتى مش معرض، وهو طلب 45000 والسمكرى لما سمع السعر قال يالا بينا ورانا مصالح :) ومشينا على طول

45000
يا نهار اسود
بالحالة دى و السعر ده
اعلان هام عربيتى ب 60000

[ENG\AHMED]

طيب نحسبها بالورقة والقلم ونفكر بهدوء
اية اللى عايزاة من العربية ؟؟ بتدورى على اية فيها؟؟
هل هى استخدام شخصى ولا عائلة يعنى محتاجة شنطة واسعة وصالون واسع ولا على اد استخدام انتى بس فالموضوع مش فارق؟؟
هل ليكى خبرة فى العربيات ؟؟

دلوقتى انتى بتدورى فى حدود 45 ... لما نشوف ال 45 ممكن تجيب اية
- فكترا 95
- استرا 1.2
- كورسا سيدان
- تجيب كورسا هاتشباك وهيتبقى معاكى فلوس

طيب نبتدى نشوف مميزات وعيوب كل واحدة
- الفكترا 95 عربية اتكلمنا عليها قبل كدة وممتازة بس صعب انك تلاقى حالة نضيفة بمعنى الكلمة ( صعب مش مستحيل) واللى فهمتة من كلامك ان انتى اللى هتتعاملى مع الميكانيكى وانتى اللى مسئولة عن العربية ... اسمحيلى انتى مش هتقفى كل شوية عند الميكانيكى
صحيح العربيات دى مش من النوعية اللى بتعز الميكانيكى ولازم تزورة كل شوية بس بردة الاستخدام لية حكم وعلشان تشترى عربيى تريحك لازم تبقى حالة نضيفة مش اى حاجة عشلان مش تتعبك وخصوصا ان ملكيش خبرة فى الميكانيكا وقطع الغيار

- استرا 1.2 عربية كويسة صحيح انا مجربتهاش بس كان ليا واحد قريبى كانت معاة وبيشكر فيها جدا باستثناء الموتور اللى كان علية تعليق انة مش اوى على وزن العربية وفى واحد معرفة معاة واحدة وبيشكر فيها
عربية احدث فة منها لحد 2002 وبالتالى فرصة انك تلاقى منها حالة نضيفة اكتر , ابعادها اصغر من الفكترا وبالتالى اسهل فى الزحمة والركن .. فى منها اوتوماتيك وفى منها مانيوال يعنى سواء عايزة دة او دة موجودين
فيها اوبشنز اكتر من الفكتر 95 ... اعتقد فيها abs وايرباج وفى منها بفتحة سقف ودريكسيون مالتى فانشكن

- الكورسا السيدان هتلاقى منها موديلات لحد 2006 , عربية ظريفة وعملية , موتورها طلقة , اصغر من الاسترا والفكترا , اوبشنز اقل من الاسترا
عيبها مفيش منها اوتوماتيك وكمان وضعية السواقى مرتحتش فيها اوى لأن الدريكسيون ثابت وانا مبحبش الدريكسيون العالى وكمان انا طويل فا بصراحة قعدتها مختلفة تماما عن الفكترا

- كورسا هاشتباك ودى اصغرهم من حيث ابعاد وصالون وشنطة

اعتقد كدة ممكن تبقى الامور اوضح شوية وطبعا الرأى والاختيار ليكى فى الاخر
شوفى انتى محتاجة اية من العربية
ونصيحة حتى لو متمسكة بالفكترا شوفى اية اكتر عربية تحبيها بعد الفكترا يعنى لو الفكترا رقم واحد شوفى اية ممكن يكون رقم اتنين بحيث مش تحصرى اختياراتك على حاجة واحد لأ شوفى الاتنين واللى تلاقى منة حالة نضيفة توكلى على الله

[tananybasha]

الحاله الكويسه فى الفيكترا صعبة بس موجوده

[ENG\AHMED]

الحاله الكويسه فى الفيكترا صعبة بس موجوده

دة اللى انا بتكلم فية
خصوصا من المشاركات حاسس انها محتارة ومش لاقية حاجة كويسة