إعـــــــلان

Collapse

.

,
See more
See less

اعتزلت السواقه لحين ميسره

Collapse
X
 
  • Filter
  • الوقت
  • Show
Clear All
new posts

  • اعتزلت السواقه لحين ميسره

    انا خلاص ...
    بقولهالكو اهو ..
    مش هسوق عربيات تانى ...
    عشان انا كرهت السواقه و العربيات و كل الى بييجى من ورا العربيات ...
    و كرهت اوبل و العربيات الاوبل و الى عملو الاوبل و التوكيل و الالمانى و اليابانى و الاسبانى و الهندى و الامريكى ..
    كرهت كلللللللل العربيات ...
    و والله العظيم جيبت اخرى خلالالالاص ...
    نزلت الساعه 6 النهارده
    فى امان الله
    دورت العربيه و راجع بضهرى (طالع من الجراج)...
    طريقه الخروج من الجراج ..
    انى ارجع لورا لحد ما البوابه تبقى جمبى ..
    اقوم كاسر عجلى يمين ...
    يعنى بحدف ضهر العربيه يمين ...
    عشان اطلع اتجه ناحيه الشمال ...
    بقالى 8 سنين عمرى ما حكيت العربيه و انا داخل او طالع من الجراج ..
    راجع لورا و البواب عمال يقولى "تعالى ...تعالى تعالى كماااان تعااااالى .." طااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااح
    عربيه ماتريكس بتاع معرض عربيات فتح جمبنا ..
    واقفه ورايه و انا مش شايفها ...
    بوز الاكصدام بتاعى من ناحيه الشمال ..
    دخل فى الرفرف بتاع الماتريكس الى ادام ..(الرفرف اتدغدغ)
    نزلت ..
    لقيت الاكصدام عندى فيه حتت كتير اوى متخربشه و البويه اتشالت من عليها و منظرها بشششع ...
    بصيت على رفرف الماتريكس لقيته كفته ..
    طبعا انا مقتنع تماما ان دى غلطه سواقه منى استاهل عليها ضرب الجزمه ..
    لانى كان لازم ابص فى المرايه الشمال ...
    كده خلاص انا قررت ان تصليح الماتريكس دى عليا انا لان انا غلطان (العربيه استعمال و معروضه للبيع ...)
    لقيت "الصبى الى بيمسح عربيات المعرض" جاى يجرى و بيشتم !!
    و انا اصلا لو دبانه عدت من ادام وشى همسكها اطلع عينها ..
    مش طايييييييق نفسى
    قلتله يبنى اسكت و اندهلى حد كبير اكلمه عشان مقلش ادبى عليك
    هو بقى : هو انت خلالالالالاص حمار مفيش """" مرايه تبص فيها ...
    يا ابن الحلال روح هات حد اكلمه ..(بصوت عالى)
    برده بيشتم ..
    بصراحه ..
    معرفتش امسك نفسى بقى ...
    نطقت الفاظ اخر مره سمعتها كانت لما شفت خناقه "بالسيوف"...
    ده صاحب المعرض برده بيبج و يقل ادبه و يشتم ...
    قلتله طيب يا عم الحاج ...
    قسما بالله منا مصلح العربيه ..
    و لو بجحت كمان و دينى لهخليك تصلح عربيتى مع انا الى غلطان ...
    فضل يهبل شويه فى الكلام ..
    خرجنى عن شعورى تانى ..
    و خلانى اسمعه شتايم مسمعهاش فى حياته ولا هيسمعها ..
    و قلتله لو شفت عربيه من بتوعك واقفه على بعد 10 متر من الجراج بتاعى ..مش هخلى فيها حته سليمه و لو فتحت بؤك هعتبرك عربيه و هكسرك انت كمان ..
    و قله ادب هتلاقى و بلطجه هتلاقى و ضرب و شتيمه و محاضر و قضايا و حكومه ووسايط هتلاقى ...
    و لو بتحلم انى حتى اردلك الرفرف ع البارد مش هيحصل ..
    جات الناس طبعا خلاص يا خالد
    و مش خلاص
    و قبل ما امشى قلتله ريح نفسك و متفتحش الحوار معايا تانى عشان اانا حلفت...
    خلو بالكو انا من وهو بيوضب المحل قلتله "لو سمحت متركنش العربيات ادام الجراج عشان مش هعرف اطلع من الجراج "
    قالى حاضر و بتاع ..
    يوم الافتتاح طبعا عربيات كتير كان ناقص يركن جوا الجراج عندى و احتراما ليه و عشان مضيعش فرحته متكلمتش مع انى يومها والله والله خرجت من غير العربيه عشان مش عارف اطلع من الجراج و الشارع واقف و بتاع ...
    انا كده خلاص ..
    بقولها اهو
    انا مش هسوق تانى ..
    انا هلاحق على ايه ولا ايه ؟؟؟؟
    اكصدام ادام؟؟
    ولا مساعدين بتزيق
    ولا ازاز بيزيق
    ولا طنابير ادام وورا باظو
    ولا القوايم الى بايظه
    ولا السى دى الى باظ
    ولا الفتيس الى طلع مقلب !!!
    انا مش هسوق العربيه دى تانى ولا غيرها ...
    و مستنى موافقه الوالد على بيع العربيه و هشترى عربيه بمبلغ لا يتجاوز 20 الف جنيه ..
    ايوه عشرين الف مش متين الف ..
    هجيب 127
    132
    بيجو 305
    ولا عاوز تكييف ولا abs ولا سى دى ولا كراسى كهرباء ..
    ولا عاوز اى كماليه فى العربيه
    عاوز موتور و اربع عجلات "شنبر" مش تيوبليس ...
    و لما اجيب وشها فى قفاها اصلحها ب 500 جنيه ...
    انا مش عارف اقول ايه ..
    كل الى هقوله
    انا كرهت نفسى
    و خلاص لحد كده ..
    و ربنا وحده هو الى عالم انا حالتى النفسيه شكلها ايه ..
    سلام
    [CENTER]
    ولا تحسبن الذين قتلوا فى سبيل الله امواتا بل احياء عند ربهم يرزقون

    [/CENTER]

  • #2
    ربنا يكون فى عونك
    و يستاهل اكتر من كده
    [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
    [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
    [CENTER][SIZE=3][COLOR=black]محمد الطنانى[/COLOR][/SIZE][/CENTER]

    Comment


    • #3
      لا حول ولا قوة إلا بالله
      هدى نفسك و إستغفر ربنا
      و تبات نار تصبح رماد

      مش عارف إمتى الناس هتبطل تدخل بقلة الأدب قبل ما يبقى فيه تفاهم بالحسنى
      ربنا يهدينا و يهديهم
      [B]عمرو مختار[/B]
      [CENTER]
      [/CENTER]

      Comment


      • #4
        كويس انك مسكت نفسك
        انا مش هامسك نفسى و هارقده فى المستشقى و اللى يحصل يحصل
        [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
        [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
        [CENTER][SIZE=3][COLOR=black]محمد الطنانى[/COLOR][/SIZE][/CENTER]

        Comment


        • #5
          اولا هو نصيب فى الاول وفى الاخر وهدى نفسك يا خلودة متعملش فى نفسك كدة الله جاب الله خد الله علية العوض
          اهم حاجة انك تكون بخير
          وبصراحة هما زعلنين وانت لو راكن العربية ورجعت لقتها مخبوطة بتزعل الناس بتختلف فى رد الفعل خليك صبور وهدى اعصابك
          وعربيتى تحت امرك فى اى وقت
          انا شايف انك تجيب استرا تانى

          يرجى تحرى الدقة عند كتابة لفظ الجلالة

          190510
          2:03a.m

          مشرف القسم
          ١١ب
          [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

          [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

          Comment


          • #6
            قدر الله وما شاء فعل ,,وانا حاسس باللى انت فيه والله لأنى مريت بنفس الموقف من سنه وكنت بوصل لنفس الحاله دى ...
            وياريت مضايقش نفسك واكيد هو هيحترم نفسه ومش هيركن فى الحته خالص وربنا يكون فى عونك ....

            Comment


            • #7
              المشاركة الأصلية كتبت بواسطة amr mokhtar مشاهدة المشاركة
              لا حول ولا قوة إلا بالله
              هدى نفسك و إستغفر ربنا
              و تبات نار تصبح رماد

              مش عارف إمتى الناس هتبطل تدخل بقلة الأدب قبل ما يبقى فيه تفاهم بالحسنى
              ربنا يهدينا و يهديهم
              والله يا باشا انا نازل من عربيتى و عارف انى غلطان و مقرر خلاص انى هلصح للراجل عربيته ..
              لما الاقى واحد جاى يشتمنى بالام و الاب و بيسب الدين ...
              يبقى معلش لازم اعرفه ان معلوماته فى الشتايم معلومات طفل فى اولى ابتدائى ..
              لان انا بسكت على اى حاجه الا شتيمه الاهل و سب الدين ....
              المشاركة الأصلية كتبت بواسطة tananybasha مشاهدة المشاركة
              كويس انك مسكت نفسك
              انا مش هامسك نفسى و هارقده فى المستشقى و اللى يحصل يحصل
              بصراحه يا طنانى فى تفاصيل كتير انا "اتحرجت" اقول هنا انى عملتها ..
              بس كل ده عملته بعد ما شتم ...

              المشاركة الأصلية كتبت بواسطة tamertamer مشاهدة المشاركة
              اولا هو نصيب فى الاول وفى الاخر وهدى نفسك يا خلودة متعملش فى نفسك كدة اللة جاب اللة خد اللة علية العوض
              اهم حاجة انك تكون بخير
              وبصراحة هما زعلنين وانت لو راكن العربية ورجعت لقتها مخبوطة بتزعل الناس بتختلف فى رد الفعل خليك صبور وهدى اعصابك
              وعربيتى تحت امرك فى اى وقت
              انا شايف انك تجيب استرا تانى
              ازيك يا تامر عامل ايه ..
              هما اه حقهم يزعلو ..
              بس بيشتم من قبل ما يشوف رد فعلى على اساس ايه ؟؟؟
              انا قلتله ..
              انا لو مكانك ..
              هوقع العماره على الى فيها ..
              بس ده لما الى خبطنى يقول مش هصلح ..او يقل ادبه
              انما انا متكلمتش اصلا !!!
              والله الواحد كل يوم بيتاكد ان المعامله الكويسه اخرتها وحشه ...
              عارف انا لو كنت نزلت من العربيه و دخلت فيهم شمال و شتيمه وقله ادب و اقفل الشارع بالعربيه ..
              والله ما كان حد فتح بؤه
              ..
              كان هيبقى كل همهم ..
              انى اخد عربيتى و امشى ..
              انا حصلى الموضوع ده قبل كده ..
              خبط واحد نزلت اقوله انا اسف قالى انت مش عارف انا مين ؟؟؟؟
              ده نفخته ضرب انا و اصحابى ...
              و انا شايف انى مش عاوز اركب عربيات ..
              الاسترا كانت غلطه لما بعتها ..
              و خلاص مفيش تصليح للغلطه دى ..
              ربنا يبارك للى خدها والله بيكلمنى لحد دلوقت
              المشاركة الأصلية كتبت بواسطة hesham_7amza مشاهدة المشاركة
              قدر الله وما شاء فعل ,,وانا حاسس باللى انت فيه والله لأنى مريت بنفس الموقف من سنه وكنت بوصل لنفس الحاله دى ...
              وياريت مضايقش نفسك واكيد هو هيحترم نفسه ومش هيركن فى الحته خالص وربنا يكون فى عونك ....

              الله يكرمك يا باشا ...
              بس انا مش شايف انه هيحترم نفسه ...
              و الموضوع "غالبا" هيوصل لضرب..
              لان انا جيت بعدها لقيت واحد جايب كرسى و قاعد ادام الجراج على الناحيه التانيه و بيبصلى اووى ..
              جيت دلوقت و انا مروح
              لقيت صاحب المعرض و كذا واحد و اقفين يبصو عليا و انا جاى ..
              قسما بالله لو حد فتح بؤه ..
              هكسر المحل و الى يتكلم هكسره ..
              و غالبا هتلاقو اسمى فى صفحه الحوادث
              و العنوان "شاب بالتعليم الجامعى و بعض البلطجيه يقتلون 7 افراد بينهم عامل عمره 18 سنه بسبب خلاف بينهم"
              [CENTER]
              ولا تحسبن الذين قتلوا فى سبيل الله امواتا بل احياء عند ربهم يرزقون

              [/CENTER]

              Comment


              • #8
                استهدى بالله كده يا خالد وروق

                كلنا بتيجي علينا اللحظة دي

                بس هي كده فيها ايام حلوة و ايام ما يعلم بيها الا ربنا
                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                Comment


                • #9
                  المشاركة الأصلية كتبت بواسطة ahmed samy مشاهدة المشاركة
                  استهدى بالله كده يا خالد وروق

                  كلنا بتيجي علينا اللحظة دي

                  بس هي كده فيها ايام حلوة و ايام ما يعلم بيها الا ربنا
                  منور القسم والله يا دوك ...
                  وعندك حق مش كلها حلوه ..
                  الحمد لله على كل شىء ..
                  [CENTER]
                  ولا تحسبن الذين قتلوا فى سبيل الله امواتا بل احياء عند ربهم يرزقون

                  [/CENTER]

                  Comment


                  • #10
                    لأ هتيجى فى 48 ساعه زى الراجل اللى دبح 3 جنب المكتب عندى فى الطالبية
                    [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                    [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                    [CENTER][SIZE=3][COLOR=black]محمد الطنانى[/COLOR][/SIZE][/CENTER]

                    Comment


                    • #11
                      معلش يا خالد هدي اعصابك و"قدر الله و ما شاء فعل"........
                      المحترم في الزمن ده بقه "غريب" لازم الواحد يتبلطج عشان الناس "تخاف" مش "تحترمه"....
                      يعني لو كنت نزلتله بصاعق و لا شومة كان طلع يجري من غير و لا كلمة......
                      بس عموما هو نصيبك كده في الأول و الاخر.....
                      و انا بقه لسه عندي الاسترا اللي أنت غلط و بعتها.....و احب اقولك انك مغلطش اوي يعني......
                      لأن الأزاز بقه بفتح و بقفل لوحده كده علي مزاجه!!!!!!!!!!!
                      ده غير الحاجات المستخبية اللي مش عايز اقولها عشان متسخنش اكتر....
                      يلا خلي بالك من نفسك و تمالك اعصابك عشان مش مستاهلة تعمل في نفسك كده عشان يوم عدة و خلاص...!!!!!!

                      Comment


                      • #12
                        المشاركة الأصلية كتبت بواسطة tananybasha مشاهدة المشاركة
                        لأ هتيجى فى 48 ساعه زى الراجل اللى دبح 3 جنب المكتب عندى فى الطالبية
                        هاجى فى حاجات كتير بقى ...
                        ابقى اتفرجو و اهو فرصه الى مشافوش صورتى يشوفوها ..
                        المشاركة الأصلية كتبت بواسطة hesham256 مشاهدة المشاركة
                        معلش يا خالد هدي اعصابك و"قدر الله و ما شاء فعل"........
                        المحترم في الزمن ده بقه "غريب" لازم الواحد يتبلطج عشان الناس "تخاف" مش "تحترمه"....
                        يعني لو كنت نزلتله بصاعق و لا شومة كان طلع يجري من غير و لا كلمة......
                        بس عموما هو نصيبك كده في الأول و الاخر.....
                        و انا بقه لسه عندي الاسترا اللي أنت غلط و بعتها.....و احب اقولك انك مغلطش اوي يعني......
                        لأن الأزاز بقه بفتح و بقفل لوحده كده علي مزاجه!!!!!!!!!!!
                        ده غير الحاجات المستخبية اللي مش عايز اقولها عشان متسخنش اكتر....
                        يلا خلي بالك من نفسك و تمالك اعصابك عشان مش مستاهلة تعمل في نفسك كده عشان يوم عدة و خلاص...!!!!!!
                        ازيك يا هشام عامل ايه ..
                        عندك حق والله ..
                        بس الاسترا الى كانت معايا "غير كل الاسترا" مكنتش بتقل اصلها ابدا ..
                        ابقى ابعتلى رقمك عشان ضاع من عندى ...
                        [CENTER]
                        ولا تحسبن الذين قتلوا فى سبيل الله امواتا بل احياء عند ربهم يرزقون

                        [/CENTER]

                        Comment


                        • #13
                          ياباشا الموضوع بسيط وانت مكبره قوي وارد جدا الموقف يحصل مع اي واحد فينا
                          [CENTER][B]سامح البقري
                          المحامي[/B][/CENTER]

                          Comment


                          • #14
                            المشاركة الأصلية كتبت بواسطة mr_sameh مشاهدة المشاركة
                            ياباشا الموضوع بسيط وانت مكبره قوي وارد جدا الموقف يحصل مع اي واحد فينا
                            يا باشا لو الموقف ده بس الى حصل اكيد كان هيبقى موقف "عابر" و عادى يعنى ..
                            انما انا الى بيحصلى مع العربيه دى مش شويه ..
                            و الناس هنا عارفه .
                            [CENTER]
                            ولا تحسبن الذين قتلوا فى سبيل الله امواتا بل احياء عند ربهم يرزقون

                            [/CENTER]

                            Comment


                            • #15
                              هحكلك موقف عاسريع كده حصل وانا في الامارات :
                              كنت راجع بضهري طالع من شارع جانبي وكنت بطيييييييء ، وهب ألاقي واحد جاي بسرعة عالشارع الرئيسي
                              حكيتله الرفرف الوراني . طبعا انا اللي غلطان نزلت والراجل كمان نزل كان مضايق طبعا لكن ما سمعتش منه كلمه غلط او قلة ادب ، اتصلت بالشرطة بقولة انا عملت حادثة .
                              الشرطي بهدوء : في مصابين ؟
                              انا : لأ .
                              الشرطي : حمدا لله على على سلمتك ، الحادث يسبب ازدحام ؟ او سادد الطريق ؟
                              انا : لا .
                              الشرطي : فين مكان الحادث ؟
                              انا: وصفت العنوان .
                              الشرطي : في دورية قريبة منك في خلال عشر دقايق هتكون عندك .
                              انا : شكرا .
                              وبعد حوالي عشر دقايق فعلا ، وصلت الدورية نزل الشرطي مبتسم وسلم عليا واتأكد انو ما فيش اصابات وان الحادث بسيط .
                              عمل تقرير عن الحادث وانا اللي غلطان وكان التامين بتاعي خلصان ، خد رخصي .
                              وسألني : تيجي معانا ولا تيجي بسيارتك قلتله بسيارتي .
                              رحنا مركز الشرطة وقالي تروح مع الراجل اللي انا خبطته وبعربيته الى احد الورش الاتية : ( وسمالي عدد من الورش النضيفة جدا )
                              وتجيب تقرير عن تكلفة اصلاح سيارته .
                              رحنا لاقرب الةرش وكنا متفاهمين جدا ، الورشة حددت تكلفة الاصلاح وادونا افادة بالتكلفة .
                              رجعنا المركز ،
                              الشرطي قالي : هتدفع المبلغ المكتوب ولا عندك مشكلة ؟
                              انا: عندي مشكلة ، الورش اللي حددتوها غالية .
                              الشرطي : دي الورشة المعتمدة .
                              كان ليا واحد معرفة فاتح ورشة متكاملة لاصلاح السيارات .
                              فقلت للشرطي : ممكن اصلحها انا بمعرفتي .
                              الشرطي لا ما ينفعش حرصا على حقوق اللي انا خبطته .
                              انا ما كانش نعايا المبلغ فعلا اتصلت بواحد من اصحابي جه دفع .
                              الراجل اللي انا خبطته اتكلم وقال للشرطي : انا عايز تكلفة ايجار عربية لحد اما عربيتي تتصلح الشرطي رفض وقاله لا استحمل شوية ؟
                              مع انه لو اتمسك برأيه هياخد تكلفة ايجار .
                              وخلصت القصة في حوالي ساعة زمن وكل طرف أخد حقه وبهداوة وزوق غير معهودين ، يعني انا كنت غلطان والشرطي جاي يسلم عليا ويطمن انه مفيش اصابات ومبتسم .
                              الحمد لله على كل حال ، بس انا نفسي بلدنا تبقى نضيفة زي البلاد النضيفة ، خصوصا ان بلادنا في المقومات وكافة الموارد الطبيعية والمادية والبشرية الأكفأ على مستوى العالم .
                              بس حسبنا الله ونعم الوكيل فيكو يا اللي سيبتو البلد توصل للهي في .
                              [CENTER][FONT=Comic Sans MS]


                              [/FONT][/CENTER]

                              Comment

                              Working...
                              X