فى حيرة ياعالم بخصوص فيكترا 2003 اشتري ولا لأ..

[وسام]

الحمد لله على كل شىء ياوليد باشا ربنا يكرم بإذن الله

[M.Mokhtar]

اخر موديل فكترا الشكل ده كان 2002
وكان منصور بيقفل الفكترا فى مصر ونزلت اخر 2002 واترخصت 2003
بس مسمعتش ان فيه فكترا خليجى خالص
عشان الاوبل عامة فى الخليج ملوش اسم خالص ومش هتلاقيه هناك

العربيه لو بالحاله اللى انت بتقول عليها تبقى كويسه جدا
بس موضوع الخليجى ده يقلق فعلا
لو ليك نصيب فهيا اتأكد من ورقها الاول

وربنا يقدم اللى فيه الخير

[Sharky]

يلا بقى نصيب الحمد لله أهلا بيك ياشارك باشا العربيه 2000سىسى أتوماتيك كاملة اللى سمعته بقى إنها تقريبا كانت عامله 20000كيلو بس

وسام باشا زى ما إنت قولت دا نصيب و لسه نصيبك ماجاش
لكن بصراحة حكاية فكترا خليجى موديل 2003 مش داخلة دماغى خالص

[وسام]

اهلا بيكوا ياجماعه انا كمان على فكره برده لحد دلوقتى مش مقتنع بموضوع الفكترا الخليجى ده....بس عموما العربيه كانت زيرو وراحت بقى لصاحب نصيبها وكله نصيب..

[وسام]

ههههههههه على فكره ياميمى باشا إنتا بتغظنى بالصوره دى انا هاخدها أحطها أسكرين عندى بدل ماأتشل ..............شكرا ليك وعلى مرورك الكريم

[M.Mokhtar]

ههههههههه على فكره ياميمى باشا إنتا بتغظنى بالصوره دى انا هاخدها أحطها أسكرين عندى بدل ماأتشل ..............شكرا ليك وعلى مرورك الكريم

يا باشا الف سلامه عليك مش قصدى خالص

انا من اكبر عشاق اوبل الصراحه وبموت فى البنت "فيكى" بتاعتى
مع انى مطلع عنيها بس هى اصيله الصراحه

العربيه عربيتكطبعا لو محتاجها انا تحت امرك مش تغلى عليك بس عربيتى مش هى اللى فى الصوره مع انى بفكر اعملها الابواب دى بس كتير قالولى بلاش

على فكره انا اسمى محمد مختار مش ميمى الاسم الغريب بتاعى ده عشان اضمن الاقيه مش محجوز فى اى منتدى او ايميل سيرفر
حاجة unique مش اكتر ;)

[وسام]

يامحمد باشا ربنا يخليك يارب كلك زوق ربنا يكرمك ويكفيك شر الطريق......هى الابواب كده طبعا جميله اوى لو عملتا بس متهيألى ان الروافع بتختلف انواعها يعنى متهيالى ان ليها انواع كتير وكمان عشان الباب بتاع الاوبل تقيل مختلف عن ابواب عربيات تانيه كتير بس اكيد هتبقى جميله ده لو عملت زى الصورة دى.....ربنا يحفظهالك يارب