اخيراااااااااااا استرا

[mexmarine]

يا باشا اسمها بطاحات مش بطيخات
هتجوعونا و احنا لسه مكلناش

ههههههههههه معلش يا طنانى باشا اصلى كنت بأضرب بطيخ و انا بأرد عالموضوع هههههههههه

الراجل بتاع قطع الغيار قال لى بتجيب السير ده بكام (هو كان قال لى قبل كده و نسى انه بـ 95 جنيه قمت انا قايل له بـ90 و افتكرت انى ضحكت عليه .. نبيل بيقول انه بـ 70 يعنى كسبانين كسبانين بتوع قطع الغيار دوول

[ali.mahmoud]

نورت عيلة الاسترا يا باشا وربنا يحرصلك العرببية ويكفيك شرها والف مبروك

[hishammb]

الف مبروك
ربنا يديك خيرها و يكفيك شرها

[kar!m]

. إبعد عن غسيل الموتور غير لو اللى بيغسله محترف(انا باغسله بس عند واحد محترف)

ممكن يا باشا أعرف بتغسله عند مين عشان نفسى أغسل الموتور عندى

الراجل بتاع قطع الغيار قال لى بتجيب السير ده بكام (هو كان قال لى قبل كده و نسى انه بـ 95 جنيه قمت انا قايل له بـ90 و افتكرت انى ضحكت عليه .. نبيل بيقول انه بـ 70 يعنى كسبانين كسبانين بتوع قطع الغيار دوول

بس انت كده كدبت عليه يا باشا

[zrzr1]

ألف مليون مبروك و اختيار موفق يا باشا

أرجو ان تكون فحصت العربيه عالكمبيوتر علشان حساس الاير ماس فلو و الايديال كنترول لأن هم الاتنين دول اهم حاجه ممكن العربيه دى تستهلكها (الاير ماس فلو اغلى و للمحافظه عليه تنضيف فلتر الهواء بإستمرار و تغيره كلما لزم الامر) انا بغيره على 20000 كيلو _ الايديال كونترول حساس السلانسيه و هو مهم برضه
بالنسبه للسيور هم مش سيور ولا حاجه هو سير واحد (التقسيمه - بور - دينامو - تكييف و العربيه على كاتينه مش سير)
السير ده بـ 90 جنيه و لسه مغيره اليوم فى صيانه الـ100 الف ..
احسن زيت بالنسبه لى هو شل 5000 , الموتور هادى جدا يكاد يكون غير مسموع و لزوجه عاليه و كل ما اغيره انا بأغير فلتر و بتاخد حوالى 4 كيلو . بوجيهاتها gm و كل حاجتها موجوده بوفره , اكسسواراتها الفيبو كفوانيس اسعارها كويسه و فى حدود الكورى و الاصلى بتكون اسبانى(الفوانيس) و غاليه و نفس الخامه تقريبا او قريبه منها . إبعد عن غسيل الموتور غير لو اللى بيغسله محترف(انا باغسله بس عند واحد محترف) شيك على العفشه هى سهله جدا لأى صنايعى كويس و زيت من عند المساعدين اللى فى الامام كل فتره علشان البطيخات (زى ما بيقولوا ) بيلفو مع الدركسيون و لو مش متزيته ممكت تحسبها او اى صنايعى غشيم كبالن و شيك على التكييف و شغله كتير و ربنا يكفيك شرها - انا قلت لك فى حدود معرفتى بعربيتى . ربنا يكرمك و الف مبروك و تاكد ان معاك عربيه محترمه جدا جدا

الله يبارك فيك يباشا انا الحقيقه مفحصتهاش ع الكمبيوتر ولا حاجه لان انا جايبها من واحد معرفه واخدت كلامه ثقه .ان شاء الله هشيك ع الحاجات دي وشكرا ع الافاده
طب سؤال بس يباشا معلش لو الموتور عليه تراب ولاكده يعني ينضف ازاي بقا؟؟

( شكرا يافادى)
الف مبروك ياباشا ع العربيه
المفروض انك قبل ما تشتريها دخلت بيها ع الكمبيوتر ولا ايه؟؟
طبعا هتغير فلتر بنزين ب35 جنيه
وفلتر بحوالى 65 تقريبا ولازم تنضفه كل فتره بالبلاور
فلتر التكييف لو قوة الهوا مش اوى شيك عليه برده ورا درج التابلوه
عندك سير واحد سير دينامو تغيره 70 جنيه
سير الكاتينه جنزير مش هيتغير
هتحط زيت شل وتمشى به 3000_3500 بسسسسسسس
وتحط 3.5 من غير فلتر وبالفلتر 4
فلتر الزيت هتغيره بس مش فاكر سعره
وبا لنسبه للعفشه لو حاسس انها مش مظبوطه روح لعفشجى يبص عليها
ونا ابقى اقولك اسعارها

الله يبارك فيك يا نبيل باشا
لاوالله يباشا محصلش اني شيكت عليها ع الكمبيوتر للأمانه بس كان في معايا ميكانيكي قالي تمام.
تمام كده جدااا يباشاحضرتك جبت م الاخر هحاول اظبط الحاجات دي الوقتي وان شاء الله خير
بالنسبه للعفشه فاكله تمام مفيش اي حاجه بس هو في حد معين ف المنصوره تنصح بيه يباشا؟؟.. ومتشكر جدا ااااااااااااااا

الف مبروك يا باشا
و يملهالك بركه و يديك خيرها و يكفيك شرها
عايزين التفاصيل
الحالة و السعر

الله يبارك فيك يا طناني باشا ..حاله العربيه فابريكه بره وجوه فيها مرمات بس والعفشه وموتور تمام السعر 46 ايه رأيك؟؟ تمام ولا ايه؟؟

نورت عيلة الاسترا يا باشا وربنا يحرصلك العرببية ويكفيك شرها والف مبروك

الله يكرمك يباشا العيله منوره بأهلها انا اتشرفت بانضمامي للعيله طبعا

الف مبروك يا باشا ومنور عصابه الاوبل بشكل عام وعصابه الاستراويه بشكل خاااااص ههههه
المهم ياباشا العر بيه اكيد تم فحصها قبل اشراء وكله تمااام؟
اهم حاجه ف العربيه انك تغير السيور كلها دينمو والكاتينه ..
الفلاتر
الزيت وطبعا دا بتغيرهم كل 5000 ك
الزيت الكويس للماتور دا ان شاء الله الشباب ح تقولك ايه هوا
بس انا بستخدم زست كاسترول ودا شركه اوبل نفسها بتنصح استخدامه لمواتير الايكوتيك
او الاوبل بشكل عام
والزيت دا مش موجود ف مصر بس في زيه اللى هوا زيت فيسكو دا كويس جدااا
شيك ع العربيه ع الكمبيوتر شوفها عامله ازاي
الفرامل
الطنابير ....
المساعدين الامامي والخلفي شوفهم عاملين ايه

كله تمام يباشا عفشه وموتور.. ان شاء الله هظبط الحاجت دي وان شاء الله خير.. شكراااااااا

الف الف مبروك ياباشا ربنا يديك خيرها ويكفيك شرها يبعد عنك العين
وفعلا نجد باشا قالك على المطلوب وممكن تزود على الى قالو بوجيهات
وربنا يبارك لك فيها

الله يبارك فيك ياأحمد بيه متشكر جداااااااا

[N.a.j.d]

السعر انا شايفه حلو اوي

[mexmarine]

ممكن يا باشا أعرف بتغسله عند مين عشان نفسى أغسل الموتور عندى



بس انت كده كدبت عليه يا باشا

بالنسبه للموتور انا من اسكندريه و باغسله فى بنزينه ميامى جانب الاكاديميه (محترفين بجد مش هزار )


بالنسبه لقطع الغيار انا كدبت فى خمسه جنيه و هو كدب فى 20 جنيه و بعدين هو سايبنى اقع لوحدى علشان ما اقولش ضحك عليه

[nab!l]

للاسف مقدرش ادلك على عفشجى كويس فى المنصوره
بس اعرف ان المنصوره وشربين فيهم عتاوله فى اصلاح السيارات

[zrzr1]

للاسف مقدرش ادلك على عفشجى كويس فى المنصوره
بس اعرف ان المنصوره وشربين فيهم عتاوله فى اصلاح السيارات

انا كان قصدي علي حد بتاع قطع غيار يكون ابن حلال كده ..

[nab!l]

انا كان قصدي علي حد بتاع قطع غيار يكون ابن حلال كده ..

الاخ فادى اللى معانا هنا
قاللى على واحد اسمه الموافى فى الحسيبنيه هو بيجيب منه
ونا جبت منه

[zrzr1]

بجد يا نبيل باشا انا متشكر ليك جدااااااا وكل رجاله الاوبل المحترمين جداااا

[tananybasha]

ربنا يكرمك فيها يا باشا ان شاء الله

[N.a.j.d]

ربنا يوفقك ويوفقنا جميعا