الحمد لله العربيه اتخبطت تانى

[KHALED AYMAN]

معلش مش عارف اقول ايه
اخويه دخل فى "كيس هدوم" على الطريق بسرعه 100
كسر الاكصدام من تحت و طبقه و عوج السربنتينه بتاع التكييف
السؤال
التكييف شغال تمام مع ان السربنتينه معووجه من تحت و فيها ريش مطبقه
هل لازم تتصلح ؟؟
و الحمد لله على كل شىء

[cayman69300]

اللى يروح فى الحديد امره سهل
بيع الكلبة و اخلص منها
يا راجل انا تعب من كلامك و فعلا كان الله فى عونك

[mexmarine]

أهم حاجه ربنا سترها مع اخوك و بصراحه تاني حاسس ان العربيه دى قدمها شؤم ..
بس برضه هذا لا يعفى ان اخوك كان سايقها و له دخل فى اللى حصل .. احمد الله على كل شيئ

[Ahmed_lol2007]

الحمد لله يا خالد وقدر الله وماشاء فعل
والحمد لله إنها جت فى الحديد مش فى حد
وياريت تطلع حاجة لله وربنا يستر طريقك وطريقنا جميعا
وإن شاء الله تكون أخر مرة مع العربية دى

[cayman69300]

ما زلت اكرر كلامى
بيع الكلبة

[magdyelshikh]

الحمد لله على كل شئ وقدر الله وما شاء فعل فداكم فلوس الدنيا بس ياأخى الكريم حديث الرسول عليه الصلاة والسلام :

لاعدوة ولاطيرة - اى لاتشأئم ولا فائل

[الغزالى]

الحمد انها حاجة بيسطة وان شاء الله تعمل على طول
------------
بس انت مبخت اوى ياض يا خالد
انا لو منك وهوا نايم قضاء وقدر النجفة تقع علية مثلا اى حاجة من الحاجات دى

[tamertamer]

لا انت انتحر وخلص

[KHALED AYMAN]

اللى يروح فى الحديد امره سهل
بيع الكلبة و اخلص منها
يا راجل انا تعب من كلامك و فعلا كان الله فى عونك

انت تعبت امال انا اعمل ايه ؟؟
ووالدى الى دفع تمنها و بيدفع قسطها و بيدفع تمن تصليحها يعمل ايه ؟؟
و هتتباع ..
بس لاحظ ان العربيه لسه عليها فلوس ..
يعنى منصور لسه ليه 70 الف ..
ياخدهم و بعدين نبيع.
و ده الى هيحصل

أهم حاجه ربنا سترها مع اخوك و بصراحه تاني حاسس ان العربيه دى قدمها شؤم ..
بس برضه هذا لا يعفى ان اخوك كان سايقها و له دخل فى اللى حصل .. احمد الله على كل شيئ

شكرا يا باشا ..
الى حصل باظبط ان الكيس وقع من على العربيه الى ادام الى ادامه
الى ادامه (بيجو) خلع و راح يمين
اخويه جه يروح يمين
لقى تريلا جاى طاير و ايده على الكلاكس
اضطر يدخل فى الكيس
و بيقسم بالله انه كيس هدوم و الهدوم طارت ممن ورا العربيه و الكيس طاير !!
يعنى خفيف يا ناااااااااااس
الحمد لله

الحمد لله يا خالد وقدر الله وماشاء فعل
والحمد لله إنها جت فى الحديد مش فى حد
وياريت تطلع حاجة لله وربنا يستر طريقك وطريقنا جميعا
وإن شاء الله تكون أخر مرة مع العربية دى

ان شاء الله اخر مره نركب العربيه دى ..
الحمد لله

ما زلت اكرر كلامى
بيع الكلبة

هتتباع الكلبه متقلقش يا باشا

الحمد انها حاجة بيسطة وان شاء الله تعمل على طول
------------
بس انت مبخت اوى ياض يا خالد
انا لو منك وهوا نايم قضاء وقدر النجفة تقع علية مثلا اى حاجة من الحاجات دى

يا عم هى بتقسم علينا ..
شويه انا و شويه هو...

لا انت انتحر وخلص

فكرت بس لقيت ان اولع فى العربيه و خلاص ..
قولى يا تامر السربنتينه المعووجه دى تأثر فى حاجه ؟؟
التكييف جربته شغال تمام مفيش مشاكل ..
لازم تتعدل ؟؟

[tamertamer]

انا اسربنتينة عندى وخدة خبطة بردة وشغالة بقلها 3 سنوات بس عبها لما باجى افك الردتير عشان رجعة للخلف شوية بتزلنى عشان اطلع سواء المراوح او الردتير غير كدة متاثرش ومتحولش تعدلها لانها فى الغالب هتتخرم

[KHALED AYMAN]

انا اسربنتينة عندى وخدة خبطة بردة وشغالة بقلها 3 سنوات بس عبها لما باجى افك الردتير عشان رجعة للخلف شوية بتزلنى عشان اطلع سواء المراوح او الردتير غير كدة متاثرش ومتحولش تعدلها لانها فى الغالب هتتخرم

طيب كده تمام ...
و هى فعلا رجعه ورا شويه ..
انا عدلت الخبطه الى فى الاكصدام بايدى دلوقت ...
باقى كده الزق الفوج اليمين فى مكانه و الفوج الشمال و الزق الهوايه الى وقعت
و ابيع العربيه

[shaddadfalcon1]

والله النهارده يادوب وصلت وركنت في الشارع ضهري في ضهر عربيه نص نقل وبعدين لسه هنزل سمعت صوتها اشتغل قلت لما استني يمشي ادخل مكانه و بعدين ادي مرشيدير وانا بصراحه مديتش خوانه ده انا واقف وراه يعني
فضل يرجع ورا وانا اقول ده شايفني وهووووووووووووب قام لابس
نزلت الحمد لله الأكصدام سليم بس اتخربش ولقيته بيقولي معلش مشوفتكش قولتله يعني مش تبص وراك قاللي انت مكنتش واقف وانت لسه داخل وبعدين قلتله لا انا واقف من بدري
المهم الراجل طلع زوق وقاللي لو فيها حاجه ياعم اعملهالك قلتله حصل خير

[manabedo]

.انت بتهرج يا خالد كل يوم كده والله برضو انا متاكد ان ديه عين و كويس اويييي جت في العربيه

بس والله انا صعبان عليا تبعها

[KHALED AYMAN]

والله النهارده يادوب وصلت وركنت في الشارع ضهري في ضهر عربيه نص نقل وبعدين لسه هنزل سمعت صوتها اشتغل قلت لما استني يمشي ادخل مكانه و بعدين ادي مرشيدير وانا بصراحه مديتش خوانه ده انا واقف وراه يعني
فضل يرجع ورا وانا اقول ده شايفني وهووووووووووووب قام لابس
نزلت الحمد لله الأكصدام سليم بس اتخربش ولقيته بيقولي معلش مشوفتكش قولتله يعني مش تبص وراك قاللي انت مكنتش واقف وانت لسه داخل وبعدين قلتله لا انا واقف من بدري
المهم الراجل طلع زوق وقاللي لو فيها حاجه ياعم اعملهالك قلتله حصل خير

انا مره خبط كلب و طلع قليل الزوق و قعد يهوهو و يشتم ههه
احمد ربنا يا باشا انها بسيطه

.انت بتهرج يا خالد كل يوم كده والله برضو انا متاكد ان ديه عين و كويس اويييي جت في العربيه

بس والله انا صعبان عليا تبعها

يا عم انا قلت مش راكبها ..
برده اتخبطت !!
و مش هتبقى صعبانه عليك اكتر منى ..
مش هلاقى عفشه زى عفشتها ع الطريق ولا كمالياتها و لا سحبها الى والله عمر ما فى عربيه طلعت منى غير مره واحده اول ما جيبت العربيهو بعد كده شديت مع كذا عربيه زيها و عديتها ..
الفخامه و العزل و كل ده مش هلاقيه تانى
بس لما تبقى عربيه فقر كده ..
يبقى اخاف على نفسى
مستقثبل العربيه معايا حادثه موت ..

[N.a.j.d]

الحمدلله ع كل شي يا خااالد
اكيد في حاجه غلط ف العر بيه دي ربنا يستر طريقك فيها
بيع وريح دماغك يا عم