إعـــــــلان

Collapse

.

,
See more
See less

أخيرا جبت أربع فرد كاوتش :)

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    أخيرا جبت أربع فرد كاوتش :)

    السلام عليكم

    عملت حوالي 55 ألف كيلو بي الفرد ال GT إلي كانت معايا وعلي الرغم من إن النقشة كانت زي ما هيا بس أنا كنت متأكد إن لما يكون العمر الإفتاضي للكاوتش من 40ألف ل 60 ألف طبقا لصانعي الكاوتش ف الكلام ده أكيد كلام علمي مش إفتكاسات
    بقالي فترة عايز غير الكاوتش بس مكنتش فاضي خالص وكنت بصراحة مستبعد الأنواع الغالية زي الميشلان و اليريدجستون والكونتينينتال عشان العمر الإفتراضي واحد وكده كده هغير بعد 40 ألف

    حصرت الإختيار في ال GT و ال HANKOOK و ال KUMHO و ال NEXEN

    إستبعدت ال NEXEN لما حسيت إن النقشة يتاعتها خايبة كده بصراحة وحسيت إنها مش هتستحمل وكمان لما عرفت إنها بتلم ظلط والموضوع ده بيجنني

    إستبعدت ال KUMHO عشان كله نقشات SPORT أوي فبيكون ليها صوت ونه جامدة علي الطريق

    حصرت الإختيار في ال GT و ال HANKOOK ب في الأخر قررت أجيب HANKOOK عشان ال GT إللي لقيتو كان كلو نتاج قديم

    بما إني ساكن في الرحاب رحت بسمارك إللي هناك وسألتو قاللي هات HANKOOK المهم كام يا عم قاللي الفردة 425 جنية وعلي الرغم من إني معرفش سغرها إلا إني جالي هاجس غريب إن في حاجة غلط

    كلمت واحد صاحبي قالي في واحد محترم في الكوربة رحت لقيت نفس الفردة و نفس الإنتاج كام يا عم قالي 350 جنية !!

    المقاس Size 205/60 R15

    إتكلت علي الله وركبت وحقنت نيتروجين

    عملت دلوقتي حوالي ألف كيلو

    الفروق
    1- الصوت : فرق غريب في الصوت فعلا فعلا إتصدمت لما طلعت علي الطريق الصوت إختفي تماماااااا ده أنا اكتشفت إن العجل القديم مكنتش بسمع إللي جمبي لو بجري وصوته واطي دلوقتي وأنا قافل الإزاز (كعادتي) مش سامح أي صوت خاااااالص لو فاتح سبيكر الموبيل وأنا علي الطريق إللي بيكلمي مش بيعرف إني في العربية

    2- الفرامل : ياااااه الفرامل رجعت تاني :) فرق واضح جدا علي الطريق الكاوتش القديم علي الرغم من إن شكله كان لسه جديد بس أي فرامل كان ال ABS يشتغل والعربية متقفش

    3- التحكم : في إختلاف غريب ! إستجابة العربية معايا أعلي علي الطريق بمعني أخر لما بنقل نفسي من حارة لي حارة فجأه علي الطريق إستجابة العربية أسرع كتير

    4- الثبات : في تحسن في الملفات بس لو ماشي دغري مفيش فرق

    5- النعومة : أنعم كتير في المشي والطارة بقت أخف قليلا


    مش عارف إذا كان إختياري سليم ولا لأ وكمان مش عارف السعر مناسب ولا لأ بس أهو تجربة و هشوف الكاوتش هيعيش علي كده أد إية هو لو كمل كده لغاية ال 40 ألف يبقي ممتاز

    حبيت أشاركو يمكن أي حد يستفيد ودي صورة الكاوتش

    الكلمات الدلالية (Tags): أخيرا, أربع, جبت, فرد, كاوتش
  • #2
    الف ميروك
    و تعيش و تدوب
    الحمد لله الذى عافانى مما ابتلى به غيرى

    Comment

    • #3
      طبعا الهنكوك محترم هى غلية حبتين كنت نزلت احمد سعيد هتجبها اقل من كدة بس خلاص مدام ركبت مبروك واكيد الفروق كتير
      [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

      [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

      Comment

      • #4
        الله يبارك فيكو

        طيب عشان هغير في العربية التانية كمان يا تامر باشا
        فرق السعر كام يعني ممكن أجيبها بكام ومنين ؟

        Comment

        • #5
          الف مبروك ياباشا وفعل انا مركب الهانكوك وناعم جدا وصوته هادي اوى بسم الله ماشاء الله بس حاسس ان عمره الأفتراضي مش كبير مش عارف ليه...........
          [CENTER][COLOR=darkred][SIGPIC][/SIGPIC][/COLOR][/CENTER]

          [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

          [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

          [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

          Comment

          • #6
            ألف مبروك وتعيش وتدوب وربنا يكفيك شر الطريق
            لكِ يا مصرُ السَّلامة وسلامًا يا بلادى إنْ رَمَى الدهرُ سِهَامَه أتَّقِيها بفؤادى واسْلَمِى في كُلِّ حين للعُلا أبناءَ مِصْرٍ للعُلا وبِمِصْرٍ شَرِّفُوا المستقبلا

            Comment

            • #7
              الف مبروووك يبو حميد تعيش وتدوب.. وشكرا علي مشاركتنا بتجربتك:)
              سبحانك اللهم وبحمدك ، أشهد أن لا إله إلا أنت أستغفرك وأتوب إليك
              Ahmad Zarzora

              Comment

              • #8
                مبروك ياباشا
                ربنا يباركلك فيها
                [CENTER]soon 2011[/CENTER]
                [CENTER][img3]http://img103.herosh.com/2010/03/17/929079106.jpg[/img3][/CENTER]
                [CENTER]لا اله الا الله محمد رسول الله[/CENTER]
                [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                Comment

                • #9
                  اختيار موفق
                  مبروك

                  Comment

                  • #10
                    انا مركبه من شهر نفس المواصفات اللى انت قلت عليها وضيف عليها انك تقدر تبدل الاماكن بسهوله غير الgt عشان اسهم و مبروك
                    [COLOR=black]oosa سابقا[/COLOR]

                    Comment

                    • #11
                      الله يبارك فيكو أنا برده هشوف موضوع العمر الإفتراضي ده و هقولوكو

                      شهرين كده أكون كملت ال 40 ألف d:d:

                      Comment

                      • #12
                        الف مبروك على الارض يا باشا
                        على فكرة الكاوتش ممكن يقعد لغاية 60 الف و 80 الف كمان لو انت بتعمل تدوير بإنتظام واسلوب قيادتك مش عنيف يعني مش بتدوس بنزين جامد وترجع تضرب فرامل
                        وربنا يحفظك من كل شر ان شاء الله
                        [COLOR=blue]------------------------------------[/COLOR]
                        [RIGHT][FONT=Arial (Arabic)][SIZE=5][SIZE=3][COLOR=blue]وليد عبد العزيز[/COLOR][/SIZE][/SIZE][/FONT][/RIGHT]
                        [RIGHT][FONT=Comic Sans MS][COLOR=blue]Opel, 1 Team, 1 Goal, 1 Family :friends:[/COLOR][/FONT][/RIGHT]
                        [RIGHT][FONT=Comic Sans MS][COLOR=#0000ff]لو لم اكن اوبلاويا لوددت ان اكون اوبلاويا[/COLOR][/FONT][/RIGHT]
                        [SIGPIC][/SIGPIC]

                        Comment

                        • #13
                          واحد صاحبى لسه مغير من gt ل هانكوك برضه و قال لى نفس التعليقات اللى حضرتك كتنبها دى.
                          طنانى برضه كان عامل موضوع مشابه .. بس هو قال ان مفيش فرق فى الفرامل خالص .
                          [CENTER][B]القران الكريم بجودة صوت عاليه جدا[/B]
                          http://www.nilemotors.net/Nile/230790-a.html[/CENTER]

                          Comment

                          • #14
                            فرده زى الفل
                            و انا مركبها عندى و عارفها و عامل 2000 كم عليها
                            و اللى ادانى نصيحه فيها تمور حبيب قلبى
                            و السعر زى الفل
                            [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                            [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                            [CENTER][SIZE=3][COLOR=black]محمد الطنانى[/COLOR][/SIZE][/CENTER]

                            Comment

                            • #15
                              الكاوتش ده كويس اوى ربنا يبارك لك فيه
                              [COLOR="Blue"][CENTER]ربى لا إله إلا أنت سبحانك إنى كُنت مِن الظالمين[/CENTER][/COLOR][CENTER]أخوكم / محمد عبد السلام[/CENTER]

                              Comment

                              السابق 1 2 template التالي
                              Working...
                              X