مش مقتنع بعبد الله اوبل مش عارف صح ولا غلط

[harphosh]

يا باشا العفو الله يخلييك متقولش كده لله العزه والعظمه والجاه والكبرياء

بعيداً عن موضوع الكورسا لأنى ماتعاملتش معاها خالص أنا أحب أقولك لذكرك للكلمتين دول
أنك راجل محترم وجزاك الله خيراً وكثر من أمثالك الذين يعلمون معنى الكلمتين المقصودين
مع خالص تحياتى لأخ فاضل بيتعامل كأخ وليس كوظيفة

[Atef Saleh]

موضوع الميكانيكى ده بيبقى حظ مش اكتر و من واقع تجاربى الاليمه مع الميكانيكيه فى عده ماركات اقسم بالله ان اكثر من نسبه 90% منهم بيشتغل بطريقه التجربه مش اكتر ..........يعنى مجرد ما يشك فى حاجه يغيرها و بعدين يشوف ايه الاخبار و مفيش حد بيكون صنايعى و حريف الا فيما ندر ( حلوه فيما ندر دى ) ................و علشان كده لازم كلنا نبقى بنفهم شويه فى الميكانيكا علشان نتجنب المصايب اللى بتحصل من الباشوات و ربنا يكرمنا برساله ميكانيكيه وارد اوروبا نتعامل معاهم علشان الواحد وارم من الاسطوات دول بصراحه و ساعات كتير بيفكر مليون مره انه يغير حاجه فى العربيه علشان يتفادى ان 3 او 4 حاجات تانيه تبوظ بعد تصليح الحاجه دى و ربنا يسترها معانا يا رب .

[ameros]

والله انت اللي راجل محترم و تستحق التقدير وجزاك الله الف بل مليون خير علي التعليق المحترم وربنا يطلعنا منالدنيا دي علي خير قولوا امين كلكو ما يلفظ من قول إلا لديه رقيب عتيد

[ENG\AHMED]

و ربنا يكرمنا برساله ميكانيكيه وارد اوروبا نتعامل معاهم .

الاوروبى غالى مالة الصينى !!!
زى الفل بيتغل طول النهار من غير شحن ولا بياكل ولا بيشرب وحجمة صغير مش هساخد مكان فى الورشة وممكن تجيب واحد portable تحطة فى الشنطة لحالات الطوارئ

بمناسة الافتكاسات والميكانيكية افتركتلكم افتكاسيتين بقالهم كام سنة
- مرة الميكانيكى بيقول لصاحبى واقنعة بالفعل ان البوجيهات القديمة لما تتسخن وتتنضف وترجع تشتغل تانى احسن من الجديد لأن الجديد بيبقى لسة حامى والشرارة بتضرب فى السلندرات من جوة ودة بيأثر عليها
وبالتالى بلاش تغيير بوجيهات .. وطبعا نفس الكلام الكل سمعة عن البوجيهات الاتنين والتلاتة والاربعة شمعة انها حامية !!

- تانى واحد ونفس الميكانيكى ونفس صاحبى برضة .. بيغيرلوا كاوتش كوبلن راح رابطة بأفيز من ناحية واحدة والتانية لأ .. طيب لييية!!!
علشان الكوبلن يتنفس ومبقاش كاتم الحرارة والتراب جوة




هى العربية مبرجلة على طول .. الار بى ام على كام وهى واقفة؟
الرجة فى الطلعة بس؟؟

[Atef Saleh]

الف شكر يا اخى العزيز

[ameros]

العربيه فالسلانسيه ونتا قاعد جواها بتحس برعشه مش حلوه وفالطلعه بردو والكورسا ال١٠٠٠ مفيهاش ار بي ام يا باش مهندس احمد منتا عارف والف شكر للجميع العربيه الكورسا ال١٠٠٠ سي سي ٣سلندر ٢ كامه وكل الله رحتلو بما فيهم التوكيل واوتو ماستر قالولي دا نظام ال٣ سلندر بس انا متاكد ان الكلام دا مش صح ليييييييييييييييييه مش عارف

[ENG\AHMED]

انت بتقول العربية معاك من الزيرو .. هل الرعشة دى موجودة من الزيرو؟؟
سيبك من موضوع انها 3 سلندر يبقى فيها رعشة يعنى الشركة مش عارفة تعمل اتزان للموتور !

طيب هقولك على حاجة مبدئية تعملها يمكن تجيب نتيجة
هات اسبراى منظف كربراتير وفك الخرطوم اللى واصل من الفلتر للمانيفولد ورش اسبراى فى المدخل ناحية المانفولد وافضل زود بنزين علشان متبطلش ورش غرق مش رش خفيف كدة انت نوعا ما نضفت البوابة والايدل .. شوف فى تحسن ولا لأ
وكزيادة فى النضافة هات منظف دورة بنزين اللى بيتحط فى التانك , استنى لما البنزين يقل وحط العلبة وفول عليها علشان تنضف دورة البنزين والرشاشات

[ameros]

هجرب يا باش مهندس احمد وربنا يكرم وعلي فكره العربيه مكنتش كده زمان كان فيها هز بس مقبل مش زي دلوقتي انا هفك العمه عشان اعمل الموضوع دا مينفعش اللي حضرتك بتقول عليه عشان الخرطوم اللي واصل من عند فلتر الهوا للعهمه فيه الماف وباب الهوا بتاعها من فوق فلازم اشيل العمه بس الطريقه ده مفيهاش قلل يا كبير ولر كده ايه نوع المنظف اللي ترجحه والف شكر يا كبير

[فادى محمد]

احسن نوع منظف اسمه ابرو امريكي ب25جندي مجند ..

[zrzr1]

احسن نوع منظف اسمه ابرو امريكي ب25جندي مجند ..

ده ملوش اي تأثير ع الموتور يا كبير؟؟

[tananybasha]

يا جماعه والله انا عاجز عن الشكر بجد حاسس اني فوسط اخواني ربنا يباركلوكو باذن الله
بالمناسبه انا كلمت عبد الله وقالي لا انا بنفسي هشوفلك اللي فيها لما تجيلي وكان عوزني اوديهالو امبارح بس مكنتش فاضي والجو كان حر وبيني وبينكو مكنتش ناقص وجع قلب من صتايعيه كمان وكفايه عليه حرقه الدم بتاعت الشغل المهم مش هطول عليكو انا من كام يوم كده محمد باشا طناني رجحلي اروح مقار وانا بغباوتي مسمعتش كلامه واستسهلت مشوار عبد الله لاني فالزمالك فالمشوار صغير والطريق مفتوح المهم انا بجد بعتزر لطناني باشا لاني معملتش بنصيحته بس يهمني اسمه رايه بالفعل وبالتفصيل ف عبد الله وبيني وبينك يا ابو حميد باشا صابر فاهم اكتر من عبد الله
وبعدين يا جماعه هوا مفيش غير دول فالقاهره ولا ايه؟؟؟؟؟؟؟؟؟؟؟؟ متصلو عالنبي كده وتقولولنا عناوين وتليفونات ناس محترمه فشغلها غير دول نقدر نعتمد عليهم لو حصل حاجات صغيره وبعيد عن التوكيلات اللي تقطم ده وجزاكم الله كل خير واخص بالشكر الباشا احمد والكبير محمد طناني والدكتر وربنا مايحرمنا من افضالكم
السلام عليكم ورحمه الله وبركاته

يا كبير انا مش باحترم اى ميكانيكى لأن كلهم بهايم الا ما ندر يبقى بهيم و يقولك معرفش مش يفتى و دول اللى باتعامل معاهم ليه باعرف اشغله و اقوله يعمل ايه و اجيب قطع الغيار
و حصل خير يا باشا
انا جربته مره واحده و احمد اللى عنده راهن ان عربيتى مغيره فتيس عشان الألفين كله اتوماتيك و بتاعتى مانيوال
فمن ساعتها مرحتش تانى

[ameros]

انا جربت الموضوع دا امبارح يا باشمهندس احمد وكانت النتيجه ولا حاجه انا ليا عندك ٢٥ جندي مرور ههههههههههههههههههه
اتفقنا

[ENG\AHMED]

انا جربت الموضوع دا امبارح يا باشمهندس احمد وكانت النتيجه ولا حاجه انا ليا عندك ٢٥ جندي مرور ههههههههههههههههههه
اتفقنا

لأ متفقناش .. ياباشا العربية تمام التمام وزى الفل انت اللى مش واخد بالك
على فكرة حتى لو مجبش نتيجة فمفيش ضرر بالعكس اديك نضفت مدخل الهوا

بص موضوع الرعشة ليها كذا سبب
ممكن تكون ايدل كونترولر ( المشكلة معندكش ار بى ام )
قواعد وعلشان كدة الرعشة مسمعة فى الشاسية
بوجيهات بتودع ................................

انا لما قولتلك على حوار التنضيف كان شكى فى الايدل وحتى لو مجبش نتيجة فى مشكلة الرعشة مش هيضر لأن زى ماقولتلك انت كدة نضفت مدخل الهوا
ممكن يكون العيب حاجة تانية وبصراحة مش هقولك على حاجة لأن هيبقى فيها تغيير وممكن متطلعش السبب يعنى هتبقى بترمى فلوس على الفاضى ومش هحكم على حاجة مشوفتهاش
يستحسن تكشف وممكن تقول للميكانيكى اكشفلى على القواعد , على الايدل , على كذا ....

لو عايز توكيل عندك مقار والصحراوى وكان فى مهندس فى صقر قريش فى المعادى شغال فى الاوبل كان احمد علاوى بيتعامل معاة ومصطفى فاروق ممكن تسألهم علية
اهم حاجة بس يبقى فى كمبيوتر

[tananybasha]

يا عم ارحمنى و ارحم نفسك و وفر فلوسك و روح مقار

[hostook]

يا مرحب بالمباحث ويا هلا بالحكومة