البطريه واهميتها؟؟؟

[ameros]

يا تري ممكن سؤال رزل شويه
هل تتوقف البطاريه عن العمل نهائيا بعد فترة تشغيل الكونتاكت ويقوم الدينامو بضخ الطاقه ام للبطاريه دور حتي بعد تشغيل السياره اي وهي في حاله السير الطبيعي
مع العلم بان البطاريه جافه
مع الشكر:b4_611:

[Ahmed_lol2007]

على حسب ما أعرف إن
البطاريه بتمد معظم اجهزة الانارة والمساحات والكاسيت وغيره بالطاقة

[ameros]

حتي وهيه دايره يا استاذ احمد؟؟؟؟؟؟
انا عندي فارتا الماني جافه بس ملاحظ انها بتودع من كام يوم جيت ادور لقيت اللانوار بتتقل وبالعفيه دارت وشحنت شويه بس لو مولع نو او تكييف وجييت تدور اعتقد هتبقي صعبه شويه مش عارف رايوكو ايه فالكلام دا

[hobaz]

هو اللي اعرفه ياباشا ان بعد لما العربية تدور الدينامو هو مصدر الطاقة وبيشحن البطارية كمان اثناء السير يعني هي دورها في بداية التدوير.....
ده اللي عندي والله اعلم........

[ameros]

lllllllllمممممممممممممم اصل فالتوكيل قالولي ان البطاريه افضل تكون كويسه لانها بتفرق حتي بعد الدراره ازاي مش عارف بس نفسي اعرف

[Ahmed_lol2007]

على حسب ما أفتكر لانى كنت إتكلمت مع ناس كتير فى الموضوع دة
وفعلا الفعل الرئيسى للبطارية هو إدارة المحرك ولكنها إيضا هى المسؤلة عن إدراة جميع الوظائف الكهربية
لان الدينامو السبب الرئيسى لوجوده هو تحويل الطاقة الحركية الى طاقة كهربيا ويقوم بتحويلها من تيار متردد الى تيار ثابت
وكان معايا كتب فى شرح الحاجات دى بالتفصيل الملل بس للاسف مش لاقيه من فترة

[ameros]

طيب يعني افهم من كلام حضرتك يا استاذ احمد ان البطاريه والسياره دايره بتشتغل برده ودا معناه انها لو نص نص يبقي تتغير احسن خصوصا انها جافه ولا ايه رايك انا ملاحظ كمان ان والتكييف شغال صوت العربيه مش مريح وبتمبض عالي ووايط بشكل مريب شويه فكنت عاوز اعرف البطاريه ولا ايه بس هيا عملت معايه حركه مش ظريفه من فتره كنت علي كوبري اكتوبر والانتظار سيبتو شغال بتاع ساعه او اقل وجيت امشي مش عوزه تدور وزق يا ريس واتعدلت بعد كده بس مش عجباني برده شكلها بتخلص رايكو ايه

[ameros]

waiting for answers

[magdyelshikh]

بص يا سيدى كل شغل السيارة بيكون من البطاريه خاصة لو مش دايرة وعمل المارش عتد بداية التوير بيكون من البطارية ولابد تكون بحالة ممتازة عند اول الدوراه لان المارش يحتاج طاقة قوية وبعد الدوارة ايضآ كل شغل الكهرباء فى العربية يتعمد على البطارية ولكن اثناء شغل العربية كل ما اسنهلك من طاقة يقوم بتعويضه شحن الدينمو ومعدل الشحن بيكون عالى لما مخزون الكهرباء اللى فيها قليل وبيكون منخفض لما بيكون الكهرباء اللى فيها كثيرة المسئول عن تنظيم هذه المسألة كاتوت الدينو هو عمله يزود ويقلل الشحن الخارج من الدينمو فلابد ان تكون البطارية اساسى كويسة علشان كل الدورة دى تتم بشكل سليم
والبطارية الجافة عمرها من سنتين ونصف الى ثلاث سننين لسه شارى واحده من اسبوع 70 امبير ماركه رويال 300 جنيه وهو اخد القديمه كانت عادية

[ameros]

يا فندم انا عاجز عن الشكر هجييب فارتا الماني ان شاء الله واريح دماغي

[amralfy]

الرويال احسن من الفارتا علشان مفيش فارتا المانى

زود الارضى بردو ده هيفرق معاك فى موضوع رجة العربية

[Ahmed_lol2007]

معلش يا عمرو باشا على تأخير الرد بس إعذورنى عشان أنا بمتحن ومش بكون على النت كتير
فعلا البطارية المفروض متكونش نص نص لازم تكون حالتها ممتازة
أقل حاجة عشان متعملهاش معاك فى حتة مقطوعة وأنا مركب عندى ال ايه سى ديلكو وممتازة

[micromoud]

طب ازاى لما تفصل الاقطاب بتاعت البطاريه والعربيه دايره ما بتبطلش

[tananybasha]

بس يا باشا
البطارية تقوم العربية و بعدين الدينامو يشحن الفاقد و العربية بتاخد من البطارية
يعنى الوسيط بين كهربة الدينامو و كهربة العربية البطارية
و بلاش الفارتا مبقتش كويسه

[tananybasha]

موضوع تزويد او بالأصح هو مش تزويد هو تقوية اضافية لأرضى العربية لأن مع الزمن الكابلات مش بتوصل بنسبة 100%
توصيل الأرضى بيتم بنقطين يمكن هما المهمين قوى
1. الموتور
2. جسم العربية
فيه طريقتين
1. بالتوالى يعنى بتاخد من البطارية للبودى و من البودى للموتور
2. بالتوازى يعنى بتشد فردتين واحده للبودى و واحده للموتور
بيفرق فى حاجات كتير و هتحس بيه لو الأرضى عندك تعبان غير كده مش هتحس معاه باى فروق قوية
يعنى
1. العربية بتعتل فى الدوارة --- ساعتها الأرضى هيفرق معاك
2. نور العربية ضعيفو نفس اللمض جامده فى عربية تانى ----- الأرضى هيظبط معاك
3. فيه رجه مش مفهومه فى الموتور( زى عندى ) ----- يبقى الأرضى يظبط معاك