فيكترا cdx خلاصة تجربتي معاها

[booda_eng]

السلام عليكم
بما اني اعتبر نفسي من المحظوظين الحمدلله عشان عندي فكترا B - CDX فاحب اشارك معاكوا تجربتي مع العربية:

اولا المواصفات:

وانا بتصفح هنا في المنتدى لقيت ناس كتير بتتكلم على مواصفات ال CDX وبيزودا فيها حاجات كتير مش موجودة او معلومات غلط، فانا هتكلم عن الموديل اللي هنا ف مصر:
1- العربية متجمعة في مصر مش في المانيا
2- الموديل دا بالمواصفات اللي هاقولها مخصوصة لمصر واي حاجة تانية تبقى متركبة
3- الموتور 2000 سي سي ، كود الموتور: c20sel ودا متصنع ف استراليا في شركة هولدن
4-الموتور دا نفسه كان بينزل ويتصنع في أوروبا بس وقف سنة 1999 وكان كود الموتور: x20xev
5- الفرق بينهم ان الأوروبي فيه ُEGR valve عشان التحكم في العادم، ودا مش موجود هنا
6-العربية منزلتش بفتحة سقف
7- الطارة مكنتش ملتي فنكشن
8- السي دي فيه 4 اسطوانات بس مش 6
9-الكراس تحكم يدوي ومفيش سخانات
10-المرايات كهرباء بس مبتقفلش كهرباء (الاستيراد بتركب وبتقفل كهربا)
11-التكييف مش تاتش
12- الأيرباج 2 بس مش اربعة

بالنسبة بقى للكماليات الزيادة عن ال CD :

1-فرش جلد بالكامل حتى الابواب (صنع في مصر) لكن فخم جدا
2- 2 ايرباج
3- تراكشن كنترول (بس مفيش زرار يطفيه)
4- شاشة متعددة الوظائف
5- كمبيوتر رحلات
6- مثبت سرعة
7- زجاج كهربا تاتش في جميع الابواب
8- جهاز انذار
8- سي دي ف التابلوه (4 سي دي)
9-ظهر الكنبة الخلفية قابل للطي 60/40%
10- احزمة الامان الخلفية ممكن التحكم في ارتفاعها
11- فوج لايت امامي و واحد خلفي
12- جنوط اسبور 15 انش
13- وحدات رفع للزجاج

بالنسبة للمشاكل والعيوب المتكررة (زي اي فيكترا):

1- ال IDLER بيبوظ و يخلي ال RPM مش منتظم ، و دا عيب متكرر في مواتير ال ECOTEC ، ممكن شراء واحد استيراد بس في الغالب هيكون فيه نفس المشكلة او هتحصل بعد شوية، الحل: تشتري جديد بس ب حوالي 2000 جنيه!!!! لو ليك حد برا خليه يجبهولك بحوالي 1000 جنيه والصيني ارخص بكتيييير

2- العربية من الداخل فيها بلاستك رديء في كذا مكان زي الهوايات و مقابض الابواب و دي ديمن بتعمل اصوات سكسكة و تكتكة مزعجة في بعض الاحيان

3- التكتكة دي برضو بتيجي من الكراسي الامامية و ملهاش حل
4- صوت الموتور عالي خصوصا بع 4500 RPM لكن مع التكييف والكاسيت مبتسمعوش
5-حساس الكامة في الموتور دا كتير بيهيس بدون سبب، عندي بهز السلك و بيشتغل (مع انو سليم والفيشة سليمة)
6- خرطوم التكييف قريب جدا من الشكمان و احيانا بيتلسع و يضرب
7-اخر جزء في قطمة الدركسيون (الصليبة) بتبوش و تعمل طقطقة مقرفة في الدركسيون
8-فرش السقف بيفك
9- المرايا الخارجية غير عملية تماما و مجال الرؤية فيها سيء (مع انها طبعا من ملامح العربية الجميلة جدا في التصميم)
10- معقدة في الصيانة (زي كل الاوروبي) عشان تفك حاجة لازم تفك خمسين فيشة و تلاتين مسمار، مثلا في لمبة فس الفانوس عشان تغيرها لازم تفك الفانوس و عشان تفكوا لازم تفك الاكصدام والشبكة !!!
11- تعتبر مكلفة بالتسبة للصيانة الدورية ، الكاتينة مثلا كل 50 الف و بتغير معاها طرمبة الميه !!!
12- الفتيس الاتوماتيك مزعج (بالنسبالي) خصوصا داخل المدينة ، مشكلتو انو في الزحمة بينقل كتير و اول متسيب رجلك من على البنزين ينقل على الرابع ، عشان كدا دائما بسوق في وسط البلد على 3 مش على ال D
، لكن هوا مريح في السفر

نيجي بقى للحاجات الحلوة و المميزات

طبعا بعد اللي قريتو فوق زمانك كرهت العربية، لكن هيا دي ميزة الفيكترا ، انها عايزة صاحب مزاج عشان يحبها و يفهمها بعد دا كله.... و انا بصراحة بعشقها (:

العربية ما شاء الله فخمة جدا و شيك جدا وفيها كماليات مش موجودة لحد النهادرة في عربيات زيرو ( في مصر بس طبعا)

علي الطريق راسية و مريحة (العفشة ناشفة شوية في المطبات) لكن ثابتة جدا على الطريق حتى على السرعات العالية

التكييف ما شاء الله كويس جدا والعربية في الطبيعي مبتسخنش مش زي الناس ما بتقول .

الموتور كويس و بيوصل لسرعة معقولة ، حوالي 210 كلم/سا ، مع العلم انه متصمم اصلا عشان يكون اقتصادي و مناسب اكتر للسرعات المتوسطة..

استهلاك البنزين في السفر ممتازة جدا خصوصا في متوسط سرعة 130-140 ، لكن في الزحمة ممممم يعني مسرفة شوية (:

الفرامل معقولة مش هقول ممتازة و مش وحشة برضو.. وسط

الكراسي واسعة و مريحة قدام و في الخلف ، لكن الكنبة مصممة ل شخصين بس، اللي في الوسط مش مريح..
ظهر الكراسي قدام كويس و مريح خصوصا اسفل الظهر لكن مساند الراس بعيدة جدا !!

نصائح عامة بقى:
العربية عايزة اهتمام بالصيانة الدورية و تكون عند واحد متخصص (و حط تحت متخصص 100 خط)
اهتم جدا بقطع الغيار ، الاصلي ياريت او الألماني المعروف زي topran w febi
العربية دي مش بتاعت فرك و بهدلة، دي عربية ركوبة.. دلعها تدلعك (:

و بالنسبة للترخيص، انا لسه مجدد 3 سنين السنة ب حوالي 800 جندي

دا تقريبا كل اللي في دماغي دلوقتي و لو افتكرت حاجة تاني هقولها ان شاء الله
و اللي عندو اي سؤال انا تحت امركم (بالمناسبة انا مهندس صيانة في ميتسوبيشي (:

تحياتي

[nab!l]

كل دى عيوووووووووب

[rabbat5]

الكراسي مسمعتش منها تكتكة التكتكة ممكن تكون من الابواب و الموتور الأسود هادي جدا .

[ENG\AHMED]

[QUOTE]

بالنسبة بقى للكماليات الزيادة عن ال CD :

1-فرش جلد بالكامل حتى الابواب (صنع في مصر) لكن فخم جدا
2- 2 ايرباج
3- تراكشن كنترول (بس مفيش زرار يطفيه)
4- شاشة متعددة الوظائف
5- كمبيوتر رحلات
6- مثبت سرعة
7- زجاج كهربا تاتش في جميع الابواب
8- جهاز انذار
8- سي دي ف التابلوه (4 سي دي)
9-ظهر الكنبة الخلفية قابل للطي 60/40%
10- احزمة الامان الخلفية ممكن التحكم في ارتفاعها
11- فوج لايت امامي و واحد خلفي
12- جنوط اسبور 15 انش
13- وحدات رفع للزجاج

1- فرش الابواب لا اعتقد انة مصرى لأن b1 مش مصرى الكراسى بس هى اللى مصرى
7- الزجاج الكهربا الاوتوماتيك فى كل الفكترا
9- ضهر الكنبة فى كل الفكترا
10- احزمة الامان فى كل الفكترا بتتحكم فى ارتفاع الاربعة
11- كل الفكترا فيها فوج خلفى ومجهزة بالامامى يمكن ال cdx بس اللى نزلت راكب فيها الامامى
13- وحدات الرفع فى كل افكترا

[QUOTE]

بالنسبة للمشاكل والعيوب المتكررة (زي اي فيكترا):

1- ال IDLER بيبوظ و يخلي ال RPM مش منتظم ، و دا عيب متكرر في مواتير ال ECOTEC ، ممكن شراء واحد استيراد بس في الغالب هيكون فيه نفس المشكلة او هتحصل بعد شوية، الحل: تشتري جديد بس ب حوالي 2000 جنيه!!!! لو ليك حد برا خليه يجبهولك بحوالي 1000 جنيه والصيني ارخص بكتيييير

2- العربية من الداخل فيها بلاستك رديء في كذا مكان زي الهوايات و مقابض الابواب و دي ديمن بتعمل اصوات سكسكة و تكتكة مزعجة في بعض الاحيان

3- التكتكة دي برضو بتيجي من الكراسي الامامية و ملهاش حل
4- صوت الموتور عالي خصوصا بع 4500 RPM لكن مع التكييف والكاسيت مبتسمعوش
5-حساس الكامة في الموتور دا كتير بيهيس بدون سبب، عندي بهز السلك و بيشتغل (مع انو سليم والفيشة سليمة)
6- خرطوم التكييف قريب جدا من الشكمان و احيانا بيتلسع و يضرب
7-اخر جزء في قطمة الدركسيون (الصليبة) بتبوش و تعمل طقطقة مقرفة في الدركسيون
8-فرش السقف بيفك
9- المرايا الخارجية غير عملية تماما و مجال الرؤية فيها سيء (مع انها طبعا من ملامح العربية الجميلة جدا في التصميم)
10- معقدة في الصيانة (زي كل الاوروبي) عشان تفك حاجة لازم تفك خمسين فيشة و تلاتين مسمار، مثلا في لمبة فس الفانوس عشان تغيرها لازم تفك الفانوس و عشان تفكوا لازم تفك الاكصدام والشبكة !!!
11- تعتبر مكلفة بالتسبة للصيانة الدورية ، الكاتينة مثلا كل 50 الف و بتغير معاها طرمبة الميه !!!
12- الفتيس الاتوماتيك مزعج (بالنسبالي) خصوصا داخل المدينة ، مشكلتو انو في الزحمة بينقل كتير و اول متسيب رجلك من على البنزين ينقل على الرابع ، عشان كدا دائما بسوق في وسط البلد على 3 مش على ال D
، لكن هوا مريح في السفر

2- كخامات .. الخامات الداخلية والبلاستيك ممتازة يمكن اكتر حاجة مستفزة فيها موزة الباب (المقبض الجلد ) والغطا البلاستيك بتاع الكرسى اللى جنب السواق ( الغطا اللى مغطة جنب الكرسى من تحت عند بكرة الظهر ) هتلاقيها فى كل الفكترا مش ثابتة فى مكانها لأن طريقة تثبيتها متخلفة وعلى طول مكان المسمسار بيتكسر

3- التكتكة غالبا بيبقى من مجارى الكراسى والمفصلات ودة فى عربيات كتير جدا (فوكاس 2009 وفيها نفس الحوار)

5- ممكن يكون السلك مشعر من الداخل او الفيشة محتاجة تنضيف

6- شجرة التكييف المفروض عليها عازل لو اتقطع او مش موجود اعزلها لأن دى بداية النهاية لها

9- المرايات محتاجة تعود بس

10- انا معرفش انهى لمبة اللى محتاج تفك دة كلة علشانها بس اكيد فى طريقة لفكها معتقدش انهم بالغباء دة

11- طلمبة المية مش شرط تغيرها لو شغالة بس بيفضل تغييرها لأن لو حصل فيها حاجة هتهد الجنب دة كلة تانى

الفرامل معقولة مش هقول ممتازة و مش وحشة برضو.. وسط

فرامل العربية ممتازة وعلى اى سرعة بتكلبشها

[zizo50001]

[QUOTE=ENG\AHMED;3872765534][QUOTE]


1- فرش الابواب لا اعتقد انة مصرى لأن b1 مش مصرى الكراسى بس هى اللى مصرى
7- الزجاج الكهربا الاوتوماتيك فى كل الفكترا
9- ضهر الكنبة فى كل الفكترا
10- احزمة الامان فى كل الفكترا بتتحكم فى ارتفاع الاربعة
11- كل الفكترا فيها فوج خلفى ومجهزة بالامامى يمكن ال cdx بس اللى نزلت راكب فيها الامامى
13- وحدات الرفع فى كل افكترا

2- كخامات .. الخامات الداخلية والبلاستيك ممتازة يمكن اكتر حاجة مستفزة فيها موزة الباب (المقبض الجلد ) والغطا البلاستيك بتاع الكرسى اللى جنب السواق ( الغطا اللى مغطة جنب الكرسى من تحت عند بكرة الظهر ) هتلاقيها فى كل الفكترا مش ثابتة فى مكانها لأن طريقة تثبيتها متخلفة وعلى طول مكان المسمسار بيتكسر

3- التكتكة غالبا بيبقى من مجارى الكراسى والمفصلات ودة فى عربيات كتير جدا (فوكاس 2009 وفيها نفس الحوار)

5- ممكن يكون السلك مشعر من الداخل او الفيشة محتاجة تنضيف

6- شجرة التكييف المفروض عليها عازل لو اتقطع او مش موجود اعزلها لأن دى بداية النهاية لها

9- المرايات محتاجة تعود بس

10- انا معرفش انهى لمبة اللى محتاج تفك دة كلة علشانها بس اكيد فى طريقة لفكها معتقدش انهم بالغباء دة

11- طلمبة المية مش شرط تغيرها لو شغالة بس بيفضل تغييرها لأن لو حصل فيها حاجة هتهد الجنب دة كلة تانى



فرامل العربية ممتازة وعلى اى سرعة بتكلبشها

معلش عايز خدمة منك يا استاذ احمد بعد اذنك عايز صور العازل اللى انت بتقول علية دة على الشجرة معلش وتورينا العازل بيبقى على اية بضبط

[ENG\AHMED]

حاضر هبقى اصورة وارفعة

[tamertamer]

عربيتك موديل كام الاول

[zizo50001]

از يا تامر عامل اية يا معلم

[lancerevolution]

شكرا على المعلومات
بس عربيتك موديل كام

[booda_eng]

موديل 2002 و ماشية 220000 كلم

[asbeats]

شكرا على الموضوع الرائع...

فعلا الفيكترا من السيارات الفخمة الأكثر من رائعة.... واوافقك الرأي ان مش أي حد يركبها .... عايزة واحد سويق وغاوي

[N.a.j.d]

كل دي عيوب حسستوني اني دي مش اوبل اول مره اسمع العيوب دي

[asbeats]

كل دي عيوب حسستوني اني دي مش اوبل اول مره اسمع العيوب دي

هي مش عيوب المعنى المفهوم.... دي حاجات دقيقة جدا ميخدش باله منها اللي اللي دايس قوي في الأوبل ... وايده ورجله وودنه حساسة جدا ومتفاعل مع العربية....

يعني الراجل مقلش العربية بتحدف ولا بتهبط من ورا ولا الفرامل نعمت ولا الموتور بيسقط في الشارع .... ولا بتعوم ولا بتسخن بدون سبب... ولا ولا ولا ....... وعيوب موجودة في عربيات احدث منها بمراحل

[booda_eng]

هي مش عيوب المعنى المفهوم.... دي حاجات دقيقة جدا ميخدش باله منها اللي اللي دايس قوي في الأوبل ... وايده ورجله وودنه حساسة جدا ومتفاعل مع العربية....

يعني الراجل مقلش العربية بتحدف ولا بتهبط من ورا ولا الفرامل نعمت ولا الموتور بيسقط في الشارع .... ولا بتعوم ولا بتسخن بدون سبب... ولا ولا ولا ....... وعيوب موجودة في عربيات احدث منها بمراحل

دا حقيقي.. وفرت عليا كلام كتير... شكرا (:

[N.a.j.d]

يمكن والله اعلم مش بعيده ف عربيات منصور
انا طول عمري راكب الاوبل وجميع انواعه وانا موسوس جدااا مفتكرش في حد قدي ههههه
ولا مره لا سمعت صوت تكتكه او الخامه بتاعتها ضعيفه لو كدا يبقى مش ح ركبها خالص عشان اهم حاجه قبل العربيه تكون هدوء تااام وانا سايق ودا فعلا لقيته ف الاوبل انما الكلام دا غريب عليا الصراحه معلش انا مش بكدب حد بس دي حقيقه العربيه دي معايا