حرارة العربية

[M.Osama]

حرارة العربيه انهردده فعز الولعه الساعه 1 ظهرا مع التكييف وجوه البلد



من غير تكييف ممكن توصل 80 او 85

والحراره دي ثابته عندي تقريبا من اسبوعين او اكتر من يوم ما شلت ترموستات الكوعه

وقبلها كانت بتوصل 90 وده طبيعي برده مش كتير وبالكتير اوي كانت 92

[M.Osama]

وقبل ما اشيل ترموستات الكوعه كانت العربيه لما اشغل التكييف بتسخن

دلوقتي لما بشغل التكييف الحراره بتنزل لحد ما بتستقر تحت الـ 80

[ameros]

طبيعي الحراره تنزل مع التكييف وفعز الحر لان المراوح شغاله معاك علطول بس غريبه جالك قلب تشيل الترموستات بتاع الكوعه بالسهوله ده وليييه

[amraction]

بس العربيه بتقوم معاك الصبح عادى.. ولا بتفضل تسخن زى ما تكون بتسخن عربيات زمان.. البيجو وال 128 وخلافه ؟؟؟

[ENG\AHMED]

حرارة العربيه انهردده فعز الولعه الساعه 1 ظهرا مع التكييف وجوه البلد

من غير تكييف ممكن توصل 80 او 85

والحراره دي ثابته عندي تقريبا من اسبوعين او اكتر من يوم ما شلت ترموستات الكوعه

وقبلها كانت بتوصل 90 وده طبيعي برده مش كتير وبالكتير اوي كانت 92

وقبل ما اشيل ترموستات الكوعه كانت العربيه لما اشغل التكييف بتسخن

دلوقتي لما بشغل التكييف الحراره بتنزل لحد ما بتستقر تحت الـ 80

ياااااة 80 مرة واحدة !!!
ياخى مش عارف العربيات دى بتسخن كدة لية دى العربية مولعة !

طبعا بهزر بس دة الكلام اللى بيتقال على العربية !
المهم نصيحة اخوية ركب الثرموستات تانى , على فكرة الرينج اللى بتتكلم فية دة تقريبا العادى بتاعها لو مهتم بصيانة دورة المية والثرموستات موجود
وبعدين واضح ان عندك فى مشكلة لأن مع التكييف المروحتين بيشتغلوا والعربية بتبرد مش بتسخن

[M.Osama]

بس العربيه بتقوم معاك الصبح عادى.. ولا بتفضل تسخن زى ما تكون بتسخن عربيات زمان.. البيجو وال 128 وخلافه ؟؟؟

لا الصبح العربيه بتسخن عادي خالص.. محستش بأي فرق

طبيعي الحراره تنزل مع التكييف وفعز الحر لان المراوح شغاله معاك علطول بس غريبه جالك قلب تشيل الترموستات بتاع الكوعه بالسهوله ده وليييه

ملوش اي لاززززمه اطلاقا وانا اهم حاجه عندي الحراره تفضل مظبوطه لاني دايما صيف شتا حر سقعه مشغل التكييف... واديك شايف النتيجه

ياااااة 80 مرة واحدة !!!
ياخى مش عارف العربيات دى بتسخن كدة لية دى العربية مولعة !

طبعا بهزر بس دة الكلام اللى بيتقال على العربية !
المهم نصيحة اخوية ركب الثرموستات تانى , على فكرة الرينج اللى بتتكلم فية دة تقريبا العادى بتاعها لو مهتم بصيانة دورة المية والثرموستات موجود
وبعدين واضح ان عندك فى مشكلة لأن مع التكييف المروحتين بيشتغلوا والعربية بتبرد مش بتسخن

انا مش حاسس بأي فرق والله من غير الترموستات.... غير ان العربيه بقي حالها احسن

وبعدين اصلا لما فتحت وشفت الترموستات كان بايظ... ومكنش بيرد ويقفل فكده كده معتقدش انها كانت فارقه

وبعدين كمان انا كنت مغير الكوعه كلها بواحده استيراد عشان كانت دايبه من جزء منها وكانت بتنزل الميه كلها

غير كده دورة الميه عندي مفيهاش مشاكل.. بس انا كنت فكرت افك الرادياتير واسلكه.. بس خفت الي يعمله يطلع حمار وميعرفش يقفله تاني او يظبطه كويس.. وقلت مدام الحراره بقت ممتازه والحمدلله ملوش لازمه اني العب فاي حاجه تانيه

[amraction]

ممكن والله اجرب الموضوع ده
لان عمى عنده اوبل فكيترا برضه وعمل كده والعربيه بقت تمام معاه ف الحراره

هكشف الاول على دوره التبريد و اظبط المراوح وبعدين ابقا اشوف الموضوع ده

[ameros]

انا من رأي البشمهندس احمد الثرموستات لو ملوش لزمه فعلا فالكوعه مكنوش نزلو العربيه بيه وكدا كدا زي احمد مقالك المروحتين بيشتغلو مع التكييف يعني المفروض الحراره تنزل

[ENG\AHMED]

لا الصبح العربيه بتسخن عادي خالص.. محستش بأي فرق



ملوش اي لاززززمه اطلاقا وانا اهم حاجه عندي الحراره تفضل مظبوطه لاني دايما صيف شتا حر سقعه مشغل التكييف... واديك شايف النتيجه





انا مش حاسس بأي فرق والله من غير الترموستات.... غير ان العربيه بقي حالها احسن

وبعدين اصلا لما فتحت وشفت الترموستات كان بايظ... ومكنش بيرد ويقفل فكده كده معتقدش انها كانت فارقه

وبعدين كمان انا كنت مغير الكوعه كلها بواحده استيراد عشان كانت دايبه من جزء منها وكانت بتنزل الميه كلها

غير كده دورة الميه عندي مفيهاش مشاكل.. بس انا كنت فكرت افك الرادياتير واسلكه.. بس خفت الي يعمله يطلع حمار وميعرفش يقفله تاني او يظبطه كويس.. وقلت مدام الحراره بقت ممتازه والحمدلله ملوش لازمه اني العب فاي حاجه تانيه

طيب فى السقعة بتشغل التكييف لية !!
الثرموستات طبعا لية لزمة وهتعرف لزمتة اكتر فى الشتا يمكن دلوقتى انت مش حاسسها اوى علشان الجو
العربية مش بتسخن مع التكييف فى حاجة غلط عندك وسيبك من حوار فك الرادياتير وتسليكة والكلام دة متخليش حد يلعب فيها

على فكرة نفس رينج درجات الحرارة دى وبالثرموستات
كل صيف بس نضف الدورة وغير المية

[tananybasha]

يبقى العيب اللى عندى ترموستات كوعه بقى

لأنها بتسخن مع التكييف

[ENG\AHMED]

يبقى العيب اللى عندى ترموستات كوعه بقى

لأنها بتسخن مع التكييف

لأ
ثرموستات الكوعة اهميتة فى التسخين وتنظيم درجة حرارة الموتور

لو الثرموستات قافل هتلاقى العربية بتسخن على طول
لو فاتح هتلاقيها باردة

[M.Osama]

لأ
ثرموستات الكوعة اهميتة فى التسخين وتنظيم درجة حرارة الموتور

لو الثرموستات قافل هتلاقى العربية بتسخن على طول
لو فاتح هتلاقيها باردة

مهوا فالح بس يسخنها وبعد كده ندوخ احنا بقي منعرفش نبردها تاني

[tananybasha]

اجرب اشيله كام يوم و بعدين اركبه

[amraction]

ابقا قولنا النتيجه ايه يا طنانى

[hardman20060]

الترموستات بتظبط حراره العربيه شتا وصيف وهي بجد مهمه جدا لان من غيرها العربيه مش هتسخن كويس الصبح وكمان مع المشوار الطويل هتلاقي العربيه بتسخن لان الميه اللي في العربيه كلها بتبقي سخنه ومتفرحش ان العربيه بتنزل تحت ال80 لان ده بيستهلك المراوح بسرعه وبيزود استهلاك البنزين جامد وبيخلي العربيه مش في كامل كفائتها لان الاوبل بتديك الكفاءه بتاعتها عند 90 من الاخر عربيه بتحب الحراره وده عن تجربه قبل ما اركب الترموستات وبعدها لانها كانت متشاله من عندي.