طلب رأي

[ysamerlabib]

بسم الله الرحمن الرحيم
أخواني انا قدامي عربية استرا 2005 1600 CC وصاحبها عايز ياخد عربيتي ويدفع فرق ....(عربتي ماهيندرا 2008)
المهم انا مش عارف العربية تسوى كام هو بيكلم في 70000 جم والعربية عامله حوالي 70000 كم وبيقول فابريكه
كنت عايز اعرف منكم اتوكل على الله واكشف عليها ولا ابتدي معاه بكام علشان توصل لكام
ثانيا كنت عايز اعرف ايه ال Options اللي فيها غير التكييف والباور والاتوماتيك ....
يعني فيها مثبت سرعه ... الكاسيت الاصلى ليه علاقة بالشاشه ......

والف شكر ليكم مقدما

[hardman20060]

هو قالك هيدفع فرق كام؟؟ هو مبدايا طالب سعر خيالي في عربيته بس ماعلينا هو طالب كام المهم هو هيدفع فرق اد ايه؟؟؟

[ysamerlabib]

انا طالب في عربيتي 90000 (علشان انا عامل فيها اضافات ) وهو طالب 70000
ملحوظة:
* - انا لسه مشفتش عربيته ولا هو شاف عربيتي .... بس انا كنت في السوق علشان ابيع عربيتي وكان اخر سعرها مع التجار 85000 يعني ممكن توصل مع مشتري عادي مش تاجر ل 87000 ل 86000 وطبعا الفرق انا اولى بيه
* - الراجل كان صريح معايا وقالي ان عربيته مش راضية تتباع ب 70000 .... وعلشان كده انا بسألكم

شكرا للرد السريع.

[Mostafa.Mahran]

الاسترا دى احسبها ب58 لو حالتها كويسة

انما 70 ده خيال

[hardman20060]

لو العربيتين حالتهم تمام اعتقد ان فرق 25 ل 30 الف مناسب.

[ysamerlabib]

الاسترا دى احسبها ب58 لو حالتها كويسة

انما 70 ده خيال

الكلام ده اكيد ولا حتيجوا تطلعوني من المستشفى من الضرب
طبعا انا اللي حأضرب

[hardman20060]

والله ياباشا ده رائي بس كل قاعده وليها شواذ ممكن تكون عربيته حاله شاذه تستاهل اكتر كله يعتمد علي حسب حاله العربيه

[ameros]

السعر مش خيالي بس يقل ٥٠٠٠ لو العربيه حالتها ممتازه ومتلعبش فيها هول دا اخرها دا لو فابريكه وسيبك مالكلام الكتير وريح نفسك واكشف عليها فالتوكيل وعندك فمنصور محمد الفرماري هيفصلهالك تمام وبلغنا بالجديد

[tamertamer]

السعر الحالى للسوق تعمل ما بين 50 الى 60 الف حسب حلتها تقيم لكن 70 دية خيال الخيال

[MohamedGafar]

صح تعمل من 60 الى 65 ألف حسب حالتها...لو فابريقة وعداد قليل 65 مش وحش لأنك لو دورت على واحدة بسعر أقل وجودة أقل ممكن تلاقي نفسك صارف عليها من 5000 ل 10000 جنيه وإنت مش حاسس وبرضه مش حتكون زي حالة النظيفة!

تحياتي وأهلا بيك فى أي إستفسار وأنا عندي واحدة زيها. هي فيها كل الكماليات بإستثناء الجنوط والفتحة والزينون. وفيها 2 إيرباج أمامي. عربية ممتازة بس تكون بحالة نمرة 1!

تحياتي.

[ysamerlabib]

السعر مش خيالي بس يقل 5000 لو العربيه حالتها ممتازه ومتلعبش فيها هول دا اخرها دا لو فابريكه وسيبك مالكلام الكتير وريح نفسك واكشف عليها فالتوكيل وعندك فمنصور محمد الفرماري هيفصلهالك تمام وبلغنا بالجديد

مين منصور محمد الفرماوي ده ومكانه فين بالظبط

صح تعمل من 60 الى 65 ألف حسب حالتها...لو فابريقة وعداد قليل 65 مش وحش لأنك لو دورت على واحدة بسعر أقل وجودة أقل ممكن تلاقي نفسك صارف عليها من 5000 ل 10000 جنيه وإنت مش حاسس وبرضه مش حتكون زي حالة النظيفة!

تحياتي وأهلا بيك فى أي إستفسار وأنا عندي واحدة زيها. هي فيها كل الكماليات بإستثناء الجنوط والفتحة والزينون. وفيها 2 إيرباج أمامي. عربية ممتازة بس تكون بحالة نمرة 1!

تحياتي.

والله رددودكم السريعه مريحاني جدا وربنا يسهل واكون واحد منكم ان شاء الله

[MohamedGafar]

منصور فى مدينة نصر فى ميدان رابعة العدوية....لازم التوكيل عشان العربية دي فيها مليون حاجة لازم يتكشف عليها بالكمبيوتر فى التوكيل. الكشف حوالى 300 جنيه بس لازم تروح بدري عشان تحجز دورك....بعد كده...ولو العربية طلعت تمام التوكيل مالوش لازمة لأنهم شوية كفتجية فى موضوع الاصلاح. فيه ناس بره أبقي أقولك عليهم عشان موضوع الصيانة.

تحياتي.

[cayman69300]

جاية 70000 قرد يتنططوا على دماغة
السعر عالى جدا حتى لو عربية بيتى
دى 60 : 62 الف يبقى حلو اوى و تكون فبريكة برة بالكامل و عداد قليل
لكن سبعين الف جنية فى الاخرة لكن فى الدنيا صعبة شوية

[tananybasha]

حسب حالة العربية
و لو عداله قوى يبقى اخرها 60000

[nab!l]

راى شخصى
حلال ربنا فيها 65000
وبما يرضى الله
(لو فابريكه بالكامل ومفيهاش خدش او مش عاوزه تترش حتى والعداد 75000 فعلا بدون لعب)