ليه منصور كداب كبير؟؟

[Sharky]

طب و هل لو كانت الألمانى فى مصر فى حدود 230 الف
تفتكر حيكون ليها سوق فى مصر ؟

[Gabrial]

طب و هل لو كانت الألمانى فى مصر فى حدود 230 الف
تفتكر حيكون ليها سوق فى مصر ؟

لأ طبعاً ،هو جاب البولندي عشان يضرب الجولف بالسعر و التجهيزات ،الجولف baseline سعرها ١٧٦ ألف و تجهيزات أقل من الاسترا بكتير ،هي المشكلة مش انها بولندي ،البولندي برد ممتازة و من مصنع اوبل هناك و احنا بعتنا ايميل لمصنع opel في بولندا بنتأكد من التجهيزات عشان كنا مش متأكدين من وجود esp و بالفعل أكدوه وجوده ،المشكلة إنه بيكدب متقول انها بولندي .

[N.a.j.d]

طب و هل لو كانت الألمانى فى مصر فى حدود 230 الف
تفتكر حيكون ليها سوق فى مصر ؟

لو ف مصر مش حيكون ليها سوق عشان الوكيل الوحش بتاعها

[ameros]

منصور هيفضل منصور والله يرحم ابوهم لطفي لما كان بيجيب العربيات الامريكاني من امريكا راسا خلاص يا جماعه مفيش داعي لحرقه الدم هيا بقت كده انا لما شفت العربيه ف اوتو ماك وجربتها بعد كده لقيتها فعلا فوق الممتازه بس قولت فعقلي لو كانت الماني اكيد هتكون افضل ...................... الوداع للضمير المصري

[N.a.j.d]

وع فكره بره مص سوقها ناجح

[ahmed2y]

ملحق الاهرام والاخبار للسيارات ما هو الا صفحة اعلانات لا اكثر ولا اقل
ومش معقوله ان يتم الاعلان عن عيوب السيارات فيها
وطبعا البيع فى هذا الملحق بيكون بشكل اعلان + ريبورتاج صحفى
يعنى حتى المقالات المكتوبه ما هى الا جزء من الاعلان المدفوع الاجر
ودى سياسة الملحق الخاص بالاعلانات
فطبعا لا نتوقع تقييم موضوعى
وحتى خالد اباظه لما بيهاجم فى الاخبار بيكون عشان حرب الاعلانات لا اكتر
فحضرتك لازم تقرأ الملحق على اساس انها اعلانات فقط
اما الحقائق الكامله فتجدها فى المنتدى

فعلا كلام مظبوط

[tananybasha]

طيب و ميكدبش ليه
مش بفلوسه
ده اعلان مدفوع الأجر على هيئة ريبورتاج او سبق صحفى
عادى يعنى

[zizo50001]

يارجالة عادى يعنى يعنى هتفرق بولندى من المانيا المهم يكون التقفيل حلو ودة طبعا اكيد حلو لانة متقفلة فى مصنع اوبل اللى فى بولندا يعنى مفيش اى اختلف معلش هو الراجل فكر صح طبعا لانة نزلها بولندى ب 175 يعنى ارخص من الجولف و اعلى بكتير فى الامكانيات لو كان نزلها من المانيا يعنى جمرك ازى والعربية هتزيد فى سعرها و هتبقى زى ما نجد بيقول فى حدود 220 يبقى مش هيبقى فى منافسة لكن هو كدة هيخطف السوق من الجولف و مش هتفرق مدام التقبل تحت ايد اوبل زى الاوبل فيكترا b متقفلة فى مصر هل فى فرق فى السواقة مثلا بينها وبين اللى بتتصنع فى المانيا معتقدش وانا شايف ان منصور فكر صح

[tananybasha]

اوربا كلها جمرك و فئة جمركية واحده
دى اول نقطه
لأنه يسمى اتحاد اروبى
بس لو الصح يقول اتحاد اروبى مش المانى
و فرق السما من الأرض ما بين الفيكترا الألمانى و الفيكترا المصرى

[Gabrial]

على فكرة لسة من شوية قافل مع callcenter بتاع منصور و مصممين انها ألماني مش بولندي ،رحت قلتله اللي في المعرض vincode بتاعها بيقول انها من بولندا ،بردو يقولي اللي في المعرض كانت ألماني .مش عارف إيه لازمة الكذب . .

[zizo50001]

انت بتتكلم عن التقفيل انا بتكلم عن الاداء انا جربت الاتنين ومفيش اى فرق يذكر فى الاداء اما عن اللتقفيل مش الفرق اللى الواحد يدفع 50 الف ذيادة

[tananybasha]

ما هو المفروض ميبقاش فيه زياده
السعر يقل لو تقفيل محلى

[esslynx]

هى مش فكره تقفيل او اداء ..الفكره فى المبدا نفسه و الكدب المستمر علطول اصل يعنى مش معقول فاكرين انه محدش هيعرف حاجه زى دى ان مكنش من vin يبقى من ورق العربيه و الافراج يبقى ازاى تقولى على عربيه انها المانى اللى هو ابسط حاجه و هى لا يبقى المفروض كده كل الكلام و المواصفات مشكوك فيه و هو منصور اصلا مش ناقص فضايح اليومين دول لا و عايز يجيب انسيجنيا كمان

[Mustafa_Farouk]

السلام عليكم،

الكول سنتر عند معلومات مكتوبة وميعرفشي إذا كنت هندي ولا ألماني، هو المعلومات كلها مكتوبة وبيقولها الولد أو البنت، أنا بصراحة ماشفتش المقال دة، بس الاعلانات بتاعة الاسترا مكتوب فيها التكنولوجي الالماني ومش مكتوب بلد الصنع، يعني الرجل سبها عايمة، مش عارف بس دي وجهة نظري في الموضوع، شيفو عادي جداً لما تكون بولندي وكمان اللي عايز يشتري، سعتها يشوف الرقم ويكشف عليه، طلعت غير ألماني، ميشترهاش.
العربية جامدة وتقفيل جامد وسعر الامكانيات جامد،

[Gabrial]

السلام عليكم،

الكول سنتر عند معلومات مكتوبة وميعرفشي إذا كنت هندي ولا ألماني، هو المعلومات كلها مكتوبة وبيقولها الولد أو البنت، أنا بصراحة ماشفتش المقال دة، بس الاعلانات بتاعة الاسترا مكتوب فيها التكنولوجي الالماني ومش مكتوب بلد الصنع، يعني الرجل سبها عايمة، مش عارف بس دي وجهة نظري في الموضوع، شيفو عادي جداً لما تكون بولندي وكمان اللي عايز يشتري، سعتها يشوف الرقم ويكشف عليه، طلعت غير ألماني، ميشترهاش.
العربية جامدة وتقفيل جامد وسعر الامكانيات جامد،

و عليكم السلام أستاذ مصطفى ،أنا معنديش مشكلة انها بولندي على فكرة ،أنا شفت العربية و تقفلها تمام و سعر و تجهيزات كويسين ،حتة انها بولندي ده فيها مصلحة عشان السعر ميوصلش ٢٠٠ ولا ٢٣٠ ألف ذي عند أستاذ نجد ،أنا معرفش مدى مصداقية callcenter ،أنا حاروح معرض أشوفها أحسن ،المشكلة بقى عندي في الصيانة ،أنا خايف من ما بعد البيع.