صوت الموتور

[danash]

الأخوة الأعزاء
بصفتكم أصحاب خبرة
توجد مشكلة عندى العربية دون أن تتحرك عند زيادة البنزين عند
2500rpm توجد رعشة فى الموتور وعند الزيادة إلى 3000 تروح
ولاتوجد فى السلانسيه
العربية فيكترا 96
مانيوال أنا عارف إن صوت موتور الفيكترا عالى بطبيعته
لكم جزيل الشكر

[danash]

رحت لواحد ميكانيكى اليوم وقالى إن الموتور إحتمال كبير يكون الشمبر من الركنة عايز يتغير
لأنها مرفوعة 4 سنوات
سعر الشنابر كام ولو فتح الموتور ولقى عايز عمرة يبقى موضوع تانى
ممكن أعرف أجيب واحد إستعمال إزاى العربية فيكترا 96 مانيوال
وإيه هى إجراءات المرور
رجاء الرد من الأخوة

[Ahmad Allawy]

بيتهيألي ان الكلام ده مش صح..
روح لميكانيكي متخصص في الاوبل .. علشان مش اي حد يفتي في العربيات دي..
وعمري ما سمعت ان الركنة الكتير تجيب شنبر في العربية.. ده بيتهيألي كلام مش تمام..
يا اما تاخدها عا لتوكيل..
ممكن تغرملك بتاع 100 كده ولا حاجة.. بس هتبقي مطمن للكلام اللي هيتقال..
وهتريح بالك..
وربنا يسترها وتكون حاجة بسيطة ان شاء الله..

[ahmedezzat78]

راجع قواعد الموتور و غير زيت الاول وشوف اخبار البوجيهات و الفلاتر

دى الحاجات البسيطة قبل التفكير ده ........... انا حاسس انه بيعمل شغل لان الشمبر ملهوش دعوه بالركنه

هيه العربيه عامله كام الف؟

[danash]

واخدها عاملة 90ألف
هى فى السلانسيه لايوجد أى شبورة لمجرد أنى أدوس من غير حركة السيارة تديها شبورة
الموتور فيه هزة مع الشبورة
واحد النهاردة قال لى حطلها stp لزيت الموتور ومشيت بيها أكثر من 200كيلو وبرضه مفيش فايدة

[ahmedezzat78]

شبوره ابيض مزرق؟
الزيت بينقص؟

[abdelaziz-waleed]

ارجوك بلاش تخلي ميكانيكي يلعبلك في العربية
روح التوكيل او مركز صيانة بتاع مقار. هناك بيعملو صيانة دورية للعربية كاملة ب 180 جنيه ولو فيها حاجة هما بيقولولك وممكن تعرفهم على المشكلة ده وهما هناك هايقلولك بالظبط.
ماتتعملش مع ميكانيكي في الأوبل لو عايز تحافظ على عربيتك

[danash]

رحت أمس لتوكيل الأوبل عندنا فى إسكندرية منير مقار المهم غيرو لى الزيت والفلتر وفلتر البنزين
وربطوا شوية حاجات فى الشاسية وبعدين كشف عليها مهندس كبير باينه مقار نفسه
المهم قال لى الموتور عندك فى خبطة بسيطة بتبان مع رفع rpm معناها عايز عمرة بس مش دلوقتى ممكن مشى بيها سنة على الوضع دة على ما تلم نفسك من ناحية العمرة أو تجيب واحد إستعمال
وماتزودش rpm عن 3000 قال لى الموتور عندك الأوبل الأصلى ومشكلتك إن فى عيل ركبها من غير زيت وكويس إنها كده ظبط الزيت كل 5000 كيلو وربنا يسهلك
دلوقتى أنا عرفت إن اللى موجود فى السوق المواتير الإستعمال مش أوبل ولكن نوع إسمه بيوتك تقريبا أنا شفتة إمبارح سعره فى حدود 3500جنيه إيه النصيحة فى الحالة دى أجيب من إسكندرية ولا نظام بور سعيد ولو على فكرة مقار بيركبوا الموتور ب550جنيه تسقيط وتشغيل بس وطبعا لوعايز واحد جديد عندهم طبعا أنا الحمد لله مؤمن كل اللى يجيبوا ربنا كويس
بس أرجوا منكم النصيحة

[danash]

يا جماعة عايز أعرف عمرة الموتور أفضل ولا أجيب واحد إستعمال

[EGMIDO]

اسم الموتور ايكو تك ودة احسن كتير من الموتور اللى عندك لانة اتنين كامة يعنى هورس باور اكتر وعشا كدة انت لازم تغير العداد تخلية 260 كم وتظبط العفشة كلها والفرامل ودا هايكون باذن الله احن من الجديد لو انت جبت واحد كويس باذن الله ودة شكلة

[knightmido]

ارجوك بلاش تخلي ميكانيكي يلعبلك في العربية

روح التوكيل او مركز صيانة بتاع مقار. هناك بيعملو صيانة دورية للعربية كاملة ب 180 جنيه ولو فيها حاجة هما بيقولولك وممكن تعرفهم على المشكلة ده وهما هناك هايقلولك بالظبط.
ماتتعملش مع ميكانيكي في الأوبل لو عايز تحافظ على عربيتك

اعتقد ده افضل شيء الصيانة عند متخصص

[amir_ezzat]

والله انا راى بلاش موضوع العمرة ده وخليك فى متور استيرد بس حاول تجيبة من بورسعيد وتفكة قدامك من عربية عاملة عدد كيلو متر قليل بس خالى بالك لو غيرت لأيكو تيك هتغير حاجت تانية كتير ( فرامل - عفشة () ده طبعا غير المتور نفسة وكمان ممكن تركب الشاشة الاعطال حاجات كدة كتير لازم تعرف التكلفة الاول كام انا واحد صحبى غير ربع قدام بكل ما فية تبلوة وكل اللى قدامة اتكلف تقريبا 10000
ربنا يكون فى عونك