مساعده يا جماعه ضروري

[ameros]

عاوز اعرف بطاريه الكورسا ال١٠٠٠ سي سي كام امبير لان اللي راكبه فيها ٤٥ او ٥٥ مش فاكد المهم عند غطاطي قالي انها بتركبلها يطاريه ٦٠ امبير مش عارف هل دا صح ولا غلي ولو ركبي تأثر عالدينامو ولا لا


اوجو المساعده ضروري لان لمبه البطاريه فالتابلوه بتلعب
مع الشكر

[omdaz_5538]

اعتقد 55 امبير
بس ميضرش فى حاجه لو اتركبلها 60 عشان لو هتركب زينون او جى ام
انا كنت بسمعهم بيقولوا كده

[ASKAFRAWY]

انا معايا كورسا 1200 البطارية الاصلية كانت 45 لكن بعد ما غيرت ركبت 55 امبير
اهم حاجة المكان البيركب فيه البطارية لان ممكن ال 60 امبير تبقى عالية عن المكان المخصص للبطارية
اعتقد 55 امبير مناسبة جدا

[ameros]

للاسف محمد الفرماوي كلمني حالا وقالي انو ركب بطاريه آى سي ديلكو فمنصور فرع الصحراوي وقالي ٦٠ امبير انا كده اتدبست وتبروزت ولا ايه
ارجو الافاده

[omdaz_5538]

طيب يا كفراوى
انت قصدك انها عاليه فى الحجم ولا الامبير ؟
ناس كتير بتقول لو الامبير اعلى حاجه بسيطه ميضرش

[ameros]

لا لا منا سالته وقالي المقاس بتاعها هوا اللي ركب انا اللي يهمني الكلام دا كده صح ولا لا؟؟؟؟؟؟

[ameros]

انا كده مش مطمن خالص

[ASKAFRAWY]

طيب يا كفراوى
انت قصدك انها عاليه فى الحجم ولا الامبير ؟
ناس كتير بتقول لو الامبير اعلى حاجه بسيطه ميضرش

لا اقصد اعلى فى الحجم فقط لان هتكون غير امنة و القواطيش ممكن تلامس الكبوت...لكن الامبير الاعلى مفيش منه مشكلة و خصوصا ان الدينامو فى العربيات الجديدة عموما الفولت الناتج منه عالى جدا مقارنا بالسيارات القديمة...فمفيش مشكلة بالنسبة لشحن البطارية

[ameros]

هل في تأثير علي الدينامو لما تغير وتحط ٦٠ امبير مع العلم بان العربيه فيها بور وتكييف وشويه الحساسات اللي انتو عرفنها ده

[ASKAFRAWY]

للاسف محمد الفرماوي كلمني حالا وقالي انو ركب بطاريه آى سي ديلكو فمنصور فرع الصحراوي وقالي ٦٠ امبير انا كده اتدبست وتبروزت ولا ايه
ارجو الافاده

مفيش تدبيس يا فندم...الف مبروك البطارية...على فكرة انا مركب ac delco 55 امبير للكورسا ال1200 وac delco 75 امبير للكورسا 1600 و مفيش منهم مشاكل الحمد لله

اعتقد ان لو كان فيه مشكلة كان التوكيل هيكول لانه بيطلعلك فاتورة و شهادة ضمان للبطارية
الف مبروك مرة تانية البطارية

[ASKAFRAWY]

هل في تأثير علي الدينامو لما تغير وتحط ٦٠ امبير مع العلم بان العربيه فيها بور وتكييف وشويه الحساسات اللي انتو عرفنها ده

على حسب معلوماتى لانى مش اوى فى الكهرباء بس الاعرفه ان اهم حاجة فى البطارية الفولت يعنى 12فولت..بالنسبة للسعة 45ah-55ah-60ah مفيش منهم اى مشكلة و مفيش قلق ان الدينامو مش هيشحن البطارية الا لو كانت سعة البطارية مبالغ فيها زى 75 لان كدة مش كل خلايا البطارية هتتشحن واو لو فيه تحذير مباشر فى الكتالوج بتاع العربية.

[omdaz_5538]

ماشى ياعم كفراوي
انا بطمن بس (اللى بالى بالك)

[ASKAFRAWY]

ماشى ياعم كفراوي
انا بطمن بس (اللى بالى بالك)

مش فاهم

[omdaz_5538]

بقولك انا بطمن بس
الل كانت فى فيلم اللى بالى بالك (افيه بسيط يعني)
طيب عاديها بقى خلاص

[ASKAFRAWY]

بقولك انا بطمن بس
الل كانت فى فيلم اللى بالى بالك (افيه بسيط يعني)
طيب عاديها بقى خلاص

معلش ما اخدتش بالى