نص عربية امامى فيكترا b1 موتور 2000 سى سى

[Adham]

انا الحمد لله العربية معايا زى الفل مش محتاجةاى حاجة

طيب ياباشا لما هي زي الفل و مش محتاجه اي حاجة (ربنا يباركلك فيها) لية تصرف 8000 جنية علشان تشتري نص عربية !!! اية اللي انت ممكن محتاجه منة غير فتيس و هل اجمالي اللي انت محتاجه تمنة بتمن النص ؟؟؟

انزل لصابر اللي في رابعه و هو حايقولك ان كان الفتيس يحتاج تغيير و للا لأ

ايه يا أحمد هو اللى معاه قرش محيره يجيب نص عربيه ويرميه
انا رأيي تشوف حد نضيف الأول ميكانيكي نضيف صح يشوفهالك ويشوف عيب عربيتك ايه الأول وبعدين شوف هتتصرف إزاى
وسيبك من شغل الكمبيوترات وأجهزه كشف الأعطال مش ديما تجيبلك العيب مظبوط

هو دة الكلام الصح

هي العربية بتعمل معاك اية بالضبط

يعني مابتسحبش و للا بتفلت نقلات و للا اية بالضبط ؟؟

[Ahmed_lol2007]

معلش يا شباب انا اسف على تاخير الرد
انا عندى اما لمبة الفيتيس بتنور الفيتيس مش بينقل لوحده لازم انا انقل يدوى
واما روحت كشفت قالى ان الفيتيس مش جايله اشارة تحددله عدد اللفات اللى خارجة
وقالى انه كدة الفيتيس بيودع لكن انا حاسس ان الفيتيس عزمه شديد ومش مخلى العربية تقيلة عشان اغيره
وبالنسبة للكود بتاع العطل هو رقم 39 من اكواد الفيتيسNo transmission output RPM signal
How to read ECU fault codes from some GM cars@Everything2.com

[Adham]

اعتقد كون الفتيس مش شايف الار بي ام دة معناة ان ممكن يكون السلك اللي بينقل الاشارة دي مقطوع او ان فية مشكلة في حساس السرعه او الكمبيوتر

بص انا لو مكانك حاكشف عالعربية في منصور او ياسين

اقولك حاجه من تجربتي

التوكيل مش دايما بيكون اغلى و انما كتير بيكون ارخص

عارف لية !!! علشان بيحط أيدة عالعطل و يغيرة على طول

انا قعدت الف حوالين نفسي شهور و اغير طمبة بنزين و حساسات وانضف بخاخات و غيرة و غيرة و قرفت فتاوي و كلام خلال الفترة اللي فاتت علشان العربية كانت بترتل و بتاكل بنزين و تهبب في الشكمان اللي يقولك عيب صبابات و اللي يقولك كونتول يونيت و اللي يقولك ضفيرة فيها عيب و فتاووووي

وديتها مركز خدمة معتمد (ياسين) عرفوا السبب و مافيش حاجة اتغيرت خالص انما تم شوية تنضيف لحساس معين و ضبط لحساس تاني و فك اكواد ايرور عالكونترول و دفعت 370 جنية بعد ما كنت صارف فوق ال4000 جنية برة بدون نتيجه غير العطلة و حرق الدم و استهلاك بنزين

دة رأيي

[Ahmed_lol2007]

ربنا يخليك يا اهم باشا
بس ممكن اعرف فين ياسين دة
وهل مقار كويس ولا اسعار صيانته غالية

[SrOrR4EvER]

بص ياباشا من الاخر جدا جدا عشان اقولك اللى فيها
فتيس عربيتى كان بيعمل نفس القصة دى ومكنتش مقتنع ابدا انه بايظ لأن عزمه كان شديد وكان بيسحب العربية تمام التمام لحد 210 كمان
بس برده كان بايظ وكل مااروح لواحد يقولى نفس الكلام
الخلاصة بقى ليه عاوز تجيب نص كامل ياعم الحاج هى فلوس وخلاص؟؟
الفتيس لوحده بيعمل 1500 جنيه وليه كونترول خاص بيه طيعا وتغييره تقريبا 250 جنيه و125 جنيه زيوت يعنى ممكن 200 جنيه بالتغير
والاسعار دى عند الشيخ هيثم فى الجرفيين وهو هيركبهولك وتستل منه العربية دايرة وتاخد فتيسك القديم كمان....
لوعاوز الارقام ابعتلى وانا ابعتهالك

[zizo50001]

ياريت ياجماعة اللى يعرف فين مكان الكمبيوتر بتاع العربية يقولى
وهل فى كمبيوتر خاص بالفيتيس الاوتوماتيك غير بتاع الموتور
ولا هو كمبيوتر واحد

بس اللى انا اعرفة يا احمد ان الفتيس لية كمبيوتر و الماتور لية كمبيوتر تقريبا

[Ahmed_lol2007]

والله يا زيزو انا محتار
ومش عارف اعمل ايه

[SrOrR4EvER]

الفيكترا بى الفتيس ليه كومبيوتر لوحده والماتور كومبيوتر لوحده والاتنين الحاجة الوحيدة اللى بتربط مابينهم حساس اسمه تى بى اس

[Ahmed_lol2007]

يا جماعة عشان محدش يفكر انى كاره العربية
لا والله انا بحبها جدا والله وهيا عمرها ما خذلتنى
والمفروض ان الفترة اللى جاية هدخلها سمكرة ودوكو
بس مشكلة الفيتيس جاية فى وقت انا مش فاضى فيه خالص
بس ربنا يكرم انا بدات افضى واحدة واحدة وان شاء الله هاحاول اكشف تانى
وانهى الموضوع بتاع الفيتيس دة على خير وهبلغكم بالى هيتم

[Ahmed_lol2007]

مشكور يا سرور باشا

[Adham]

بص ياباشا من الاخر جدا جدا عشان اقولك اللى فيها
فتيس عربيتى كان بيعمل نفس القصة دى ومكنتش مقتنع ابدا انه بايظ لأن عزمه كان شديد وكان بيسحب العربية تمام التمام لحد 210 كمان
بس برده كان بايظ وكل مااروح لواحد يقولى نفس الكلام
الخلاصة بقى ليه عاوز تجيب نص كامل ياعم الحاج هى فلوس وخلاص؟؟
الفتيس لوحده بيعمل 1500 جنيه وليه كونترول خاص بيه طيعا وتغييره تقريبا 250 جنيه و125 جنيه زيوت يعنى ممكن 200 جنيه بالتغير
والاسعار دى عند الشيخ هيثم فى الجرفيين وهو هيركبهولك وتستل منه العربية دايرة وتاخد فتيسك القديم كمان....
لوعاوز الارقام ابعتلى وانا ابعتهالك

كلام زي الفل و تمام جدا

و كلنا قلنا لية تشتري نص ب 9000 جنية ماتجيب فتيس او كمبيوتر او ما يلزم و ماتشتريش اللي ما يلزمكش

ربنا يخليك يا اهم باشا
بس ممكن اعرف فين ياسين دة
وهل مقار كويس ولا اسعار صيانته غالية

اسمع ان مقار كويس بس انا ما جربتوش

بس ياسين ممتازين و عن ثقة و تجربة معاهم و مش حاعمل اي صيانة برة تاني

هوا بعد السندباد في اخر الشارع, لو تعرف حمدي لادا

انت تاخد شارع السندباد لغاية الاخر بس ماتطلعش الكوبري (كوبري الحرفيين) تنزل و تلف اول فتحة شمال تحت الكوبري (كأنك راجع تاني) و اول ما تلف تمسك يمينك, فية فتحة صغيرة شمال بعد 50 متر ادخل فيها و اركن

[Ahmed_lol2007]

يا شباب ياريت لو حد يعرف مكان كمبيوتر الفيتيس فين يقولى

[SrOrR4EvER]

كومبيوتر الفتيس هتلاقيه تحت التابلوه من عند رجلك كدة من تحت خالص....مد ايدك هتلاقيه فى درج كدة مش ظاهر بسهولة دوس عليه لجوة هيطلع معاك لبرة.طبعا تحت التابلوه من الناحية اليمين يعنى ناحية جنب السواق مش ناحية السواق....حاجة سحرية سحرية يعنى

[MohamedGafar]

كلام زي الفل و تمام جدا

و كلنا قلنا لية تشتري نص ب 9000 جنية ماتجيب فتيس او كمبيوتر او ما يلزم و ماتشتريش اللي ما يلزمكش




اسمع ان مقار كويس بس انا ما جربتوش

بس ياسين ممتازين و عن ثقة و تجربة معاهم و مش حاعمل اي صيانة برة تاني

هوا بعد السندباد في اخر الشارع, لو تعرف حمدي لادا

انت تاخد شارع السندباد لغاية الاخر بس ماتطلعش الكوبري (كوبري الحرفيين) تنزل و تلف اول فتحة شمال تحت الكوبري (كأنك راجع تاني) و اول ما تلف تمسك يمينك, فية فتحة صغيرة شمال بعد 50 متر ادخل فيها و اركن

هما ممتازين فعلا وعن تجربة.

تحياتي.

[Ahmed_lol2007]

مشكور يا سرور باشا
هحاول انزل ابص عليه كده ممكن يكون عليه تراب ولا حاجة ومش موصل الاشارة كويس