الوداع يا اوبلوية

[tananybasha]

طنانى حبيب قلبى والله أنا كنت بتكلم بهزار بس الموضوع قلب جد
فعشان كدة أنا كنت بقول وجهة نظرى
ويا عم طنانى لو كنت ضايقتك متزعلش منى دة أنا حتى زى أخوك الصغير وحقك عليا يا كبير
أنت الوحيد اللى مقدرش على زعلك لانى بعزك جدا والله من غير ما اشوفك
وكل الاعضاء بحترمهم جدا جدا جدا من غير ما أشوفهم والله وربنا وحده اللى يعلم
وإنت عارف إنى مش مشاكس أبدا

ربنا يباركلك و يديم المحبة و المعروف

[Ahmed_lol2007]

اللهم أمين

[hostook]

السلام عليكم
اولا انا اسف على التاخير في الرد بس انا الحاجة الوحيدة الي مزعلاني اني مش هبقى ابلاوي هنا معاكوا طناني ونجد وتامر وفادي والشباب كلهم والمهندس احمد والله كلكم ناس محترمة جدا جدا جدا . بس انا الحمد لله ارتحت جدا من ساعة ما جبت الانوس عربية عادية جدا تكيف جميل قوي بور مش بطال بتاع الاوبل احسن بصراحة بس مش وحش برده , الحمد لله كنت الاول كل اسبوع اروح للمكانيكي كانت الاجازة بتروح عليا عند الميكانيكية والله العظيم من ساعة ما اشتريت العربية الحمد لله مبعملش حاجة غير اني بمون بنزين وبعدين بتاخد اي بنزين 90 او 92 مش فارقة معاها غير الاوبل كانت 92 بس لاني كنت بخاف تعمل معايا حاجة فكنت بعاملها بحنية جدا والله جاي امبارح من القاهرة والله ماشي 140 والعربية جميل في الغرز وتفادي السيارات مونت التانك فول وسافرت مشغل التكيف متقفلش وداخل مصر متقفلش , بس قافلته وانا ارجع علشان العيال معايا سقعة والله بعد اللف معايا لسه ربع التانك , يعني في البنزين احسن من الاوبل بصراحة والله وعن تجربة مع انها 1500 يعني فرقها مش كبير , بصراحة عربية حلوه وبسيطة مفهاش تعقيد ولا كمبيوتر ولا شاشة اعطال عربية عادية جدا بس مشكلها قليلة الاوبل معاا كانت فيها كمبيوتر والتكيف بتعها وحش جدا هيه تبلوه وقاعدة امامية ملهاش حل بس مشاكلها كتير ,والله الحمد لله انا مبصوط جدات بالانوس لانها مش معقدة وبعدين قطع غيرها زي الرز ومراكز الصيانة المعتمدة بتاعتها في كل مكان والسلام ختام لكا الناس الي في المنتدي وكل عام وانتم بخير جميعاً

[N.a.j.d]

منور يا حسام وربنا يباركلك فيها

الاوبل كانت معاك كان تقفيلها ايه ؟؟
برازيلي صح؟

[hostook]

في حاجة صح نسيت اقولها مفيش حاجة اسمها سخونة طبعا المؤشر من ساعة ما يطلع يثبت تحت النص بشوية وخلاص على كده تشغل تكيف تحرق بالعربية تولع فيها مفيش مشكلة مفيش سخونة والله قولت افتح القربة اشوف الميه ناقصة ولا حاجة فتحتها بالعفية كان مفيش حد فتحها قبل كده افتكرت كلمة واحد صحبي معاه متسوبيشي لانسر موديل 98 قالي مرة انا عمري من ساعة ما اشتريت العربية ما زودت ميه ولا حاجة ولا الميه بتنقص فهمت ان العربيات ده مش بتحتاج ميه , والله الاوبل كنت اغسل الرداتير واغير الحساس واحت ميه خضرة وشوية ميه زرقة ومفش قائدة الحرارة ده ساعات تضرب في السقف والمؤشر يعلى ويوطى وكانت تعباني بصراحة والسلام ختام

[hostook]

منور يا حسام وربنا يباركلك فيها

الاوبل كانت معاك كان تقفيلها ايه ؟؟
برازيلي صح؟

نجد حبيبي كل سنة وانت طيب والله ما عارف بس هيه صورتها معايا اهه

[tananybasha]

منور يا عم حسام
اديتنا الموضوع و خلعت
ربنا يكرمك فيها و يديك خيرها و يكفيك شرها

[N.a.j.d]

حبيبي يا حسام وانتا طيب
بس برده لازم نشوفك كتير هنا اوك؟؟
دي برازيلي والله اعلم

[hostook]

سامحني يا طناني انت عارف انا في اجازة وبسافر كتير ومبخشش على النت كتير زي ما انا في السعودية , بس والله يا طناني الكوري عجبني قوي وانشاء الله ناوي اظبط فلوس واجيب الهيونداي النترا الشكل القديم بيقولك جميلة جدا , الي اقصده ان الكوري مناسب لينا في مصر رخيص في قطع الغيار اعطال قليلة كمليات حلوه جدا والنهاردة فيظل الجو الوحش ده اهم حاجة في العربية التكيف اهم من الكراسي ههههههه الجو نار فاللاسف الاوبل تكيفه وحش جدا جدا لكن الكوري بسيط وقطع غيار في كل مكان وواسعة حلوه الحمد لله ارتحت من ساعة ما جبتها الاوبل كانت مشيلاني الهم كل شوية مشاكل وقرف ومصاريف جامده جدا الحمد لله على شئ وكل سنة وانت طيب يل طناني باشا .
حبيبي يا نجد احنا مع بعض على الفيس بوك والله يا نجد لو مش برازيلي لو امريكي اوبل تاني لا لا لا خلااااااص يا كوري يا ياباني

[tananybasha]

و انت بالصحة و السلامه
و ترجع بالسلاكه ان شاء الله
و انا كان معاييا النترا بس بعتها

[N.a.j.d]

حرام نقول عليها اوبل دي يا حسام
عايز تشوف الاوبل تعاله هنا وانا اوريك الاوبل ومش ح تصدق
عمةما ياباشا ربنا يباركلك فيها

[tananybasha]

انا شايف العربية ما شاءالله سليمه قوووى

[N.a.j.d]

والله منا عارف يا محمد مع انها موديل جديد يعني

[hostook]

كلام سليم العربية ده سليمة جدا فعلاً فبريكا برة وجوه ما رشتش حاجة خالص وبعدين عدة صوت تمام وفرش جلد جوه وكل الكمليات وكاوتش والله العظيم كنت لسه مغيره وجايب السرعات الى بيسموه الشجرة والعربية شيك جدا اشيك من الدايو بكتتيييييييير جدا حتى في نظره الناس ليك بس للاسف العربية ده مشاكلها في الميكانيكا وحشة قوي يعني مع اخو صحبي الصغير جايبها من الزيرو والله بدات تقرفه برده اول لما تتلخفن خلاص عليه العوض الموتور بتعها معقد ومحدش بيعرف المشكلة منين ,ضفيرة كهرباء ولا دنمو ولا موتور زلا ايدل كنترول ولا الضفيرة الداخلية من عند الموتور ولا مشكلة كهرباء ولا مشكلة ميكانيكا خلاص كله تاه محدش يعرف يشخص فهيه صعبة في التعامل معاها والواحد عاوز عرية عادية لا تضايقه ولا تقرفة ينزل يدور ويمشي وخلاص والله لقيت ده في الدايو والحمد لله على كل شئ وتحياتي الحارة والمحترمة لكم جميعا

[tananybasha]

ربنا يعوض عليك
و تركب عربية اصيله
مش عربية قليلة الأصل
اصل العربيات اقدام
عربية اى كان نوعها و سعرها بس قدمها نحس
و عربية تانى حالتها ممكن تكون اوحش بس عمرها ما قلت اصلها