شبورة من التكييف - ميه من الردياتير

[Adham]

.. طلع العيب من خرطوم السخن وقام بتغيرة

... يبقى كدة ممكن فية تسريب مياة من سربنتينة السخن

بتسرب مياة جوة العربية و دة اللي يخليها تعمل شبورة - تبخير مياة - و مياة الردياتير تنقص

روح لحد يلغي لك سربنتينة السخن - (ميكانيكي)

في بعض العربيات بيبقى ليها صمام غلق عن دورة التبريد - من جنب الموتور

او بيتفك وصلة المياة بينها و بين دورة التبريد و تتسد بطبة

و شوف لو التبخير راح و مياة الردياتير بطلت تنقص ابقى غير سربنتينة السخن لو بتستعمل التكييف السخن في الشتاء, لو مابتستعملوش يبقى الغيها

جميل جدا يبقى خرطوم السربنتينة بتاعه السخن كان بيسرب مياة سخنة و بتيجي ناحية الكويل

لو لقيت المياة ما بتنقصش و التبخير راح يبقى تمام, انما لو لسة فية يبقي خللي عبدة يشوف سربنتينة السخن برضة

[nourco123]

الف شكر ياأدهم للمعلومات القيمة

جعلكم الله عونا لنا

[Adham]

العفو

الا قوللي ازاي جبت كيلو زيت فتيس بعشرة جنية !!!

اقل كيلو زيت فتيس تمنة فوق ال 20 جنية

شكلك جايب من المضروب المتعبي تحت السلم

[nourco123]

هههههههههههههههههههههههههههههههههههههههههههههههههه هههههههههههههه

عزيزى ده فرق منطقة !!!

متنساش انك قاعد فى مدينة نصر



احنا بنجيب الزيوت من التوحيد والنور

[Adham]

سعر البنزين واحد سواء في الزمالك او كفر البطيخ

و بالتالي زيت الباور مفروض انة واحد في محطات البنزين

اخشى انك جايب زيت مضروب من المتعبي تحت بير السلم و يبوظلك الفتيس

[Ahmed_lol2007]

لا فعلا ياباشا أنا ساكن فى فيصل عند المريوطية وجايب الكيلو ب18 إسو
حضرتك جايب نوعه إيه

[nourco123]

بصراحة ومنتهى الامانة

مركز عبد الله اوبل من احسن مراكز صيانة الاوبل عن تجربة والعاملين فية ناس محترمة وفاهمين شغلهم

وعندهم ضمير

وكان من السهل يبيع لى الزيت ب 30 جنية ونا حدفع زى الباشا

والله لسة مصر فيها خير

[Adham]

ماشي اسو يمكن ب 18 ماجربتوش بس موبيل و شل و امارات فوق ال 20

و بعدين حتى 18 مش ب 10 جنية !!! زيت نوعه اية اللي ب 10 جنية ؟؟؟