بخصوص لمبة الـ Engine Check كورسا 1200

[Ahmad Allawy]

السلام عليكم..
انا المرة دي عندي سؤال متعلق بلمبة checkاللي لونها برتقالي..
انا امتشفت وجود اللمبة دي بالصدفة عندي لما شوفتها في عربية واحد جاري وعرفت انها عندي مش شغالة
هل دي حاجة منتشرة في الكورسا ال1200 القديمة ولا ايه النظام؟
علشان انا سمعت كده بس مش واثق في الموضوع ده..
ممكن اللي معاه كورسا 1200 يرد عليا عشان نعرف..

[engamrnour80]

السلام عليكم
اخ احمد علوى لمبة التشك موجودة فى كل العربيات الكوسا القديمة و الجديدة
انا معايا كورسا 94 و موجود فيها
روح لكهربائى يشوفا ممكن تكون فاصلة
و هى بتشتغل مع الموتور و تفصل تانى بعد ثوانى بعد من تدور الموتور ولو كان فى مشكلة فى العربية بتفضل منورة
و شكرا

[Ahmad Allawy]

الف شكر علي ردك يا باشا..
اناعارف انها موجودة وعارف طريقة عملها..
بس النقطة اني سمعت من اكتر من واحد انها مش بتبقي شغالة في عربيات كورسا كتير..
باتأكد بس من الموضوع ده.. انا شاكك طبعا انها تكون محروقة بس او فاصلة.. بس حابب اتأكد قبل ما اروح لكهربائي.
الف شكر تاني علي ردك يا معلم..

[m_hamdy1976]

لا يا اخي اللمبه شغاله بص عليها مع الكونتاكت اول تكه من غير ماتدور . لو نورت يبقي شغاله والحمد لله واحسن انها مش بتنور بعد ماتدور العربيه لان ده طبعا ببقا معناه ان فيه مشكله
لو مش بتنور دي هتبقا مشكله بسيطه ان شاء الله يا اما اللمبه بتاعتها بايظه او السلك بتاعها مش واصل . الكهربائي هيحلهالك بسهوله باذن الله

[ASKAFRAWY]

شغالة ومعظم الكورسا ال 95 بتبقى منورة

انا عندى نورت كذا مرة مره بسبب عيب فى الاسبراتير و مره كانت البطارية عايزة تتشحن


على فكرة فيه ناس كتير بتفصلها لان ليها فيوز

اتاكد منه عند الكهربائى:k17: