اخيرا اشتريت استرا وانضميت لنادي الاوبل

[HNaga]

العربية سعرها رخيص
الأسترا ال 2005 المفروض سعرها حوالى 85 الف
كونها عاملة 100 الف برغم ان ده كتير لكن مش مشكلة

موضوع اللحام ده عايز واحد متخصص

بالنسبة لسخونة العربية ده عادى طالما ان عداد الحرارة مضبوط

بلاش اوتو ماستر - دول نصابين
لو عايز تروح مركز صيانة معتمد روح مقار و مش عايز فيه راجل كويس جنب مركز الطيران

بس الأول شوف موضوع اللحام ده قبل ماتبتدى تصرف عليها

وربنا يقدم الى فيه الخير

[Ahmad Aboul Fotouh]

السلام عليكم ...
إن شاء الله بكره انا رايح توكيل منصور اللي في الكيلو 4 ونص علي طريق مصر اسكندرية علشان افحصها من تاني و ربنا يسهل
استاذ هشام تقصد ايه اني اتاكد من موضوع اللحام قبل مابتدي اصرف عليها

[HNaga]

يعنى شوف اللحام ده صح والا غلط ومن ايه و شوف هتعمل مع صاحبها الأصلى ايه قبل ماتبتدى تصرف عليها وعلى عفشتها

[Mustafa_Farouk]

بلاش اوتو ماستر - دول نصابين
لو عايز تروح مركز صيانة معتمد روح مقار و مش عايز فيه راجل كويس جنب مركز الطيران

بس الأول شوف موضوع اللحام ده قبل ماتبتدى تصرف عليها

وربنا يقدم الى فيه الخير

Dear Naga

Why you said that about automaster?? i used to make ElSyana every time thier .

[HNaga]

Dear Naga

Why you said that about automaster?? i used to make ElSyana every time thier .

ليا معاهم تجربة أثبتت ى انهم مش حرامية بس لا ونصابين كمان

[Ahmad Aboul Fotouh]

نتيجة الفحص في التوكيل

السلام عليكم و رحمة الله
الحمد لله رحت التوكيل و كشفو علي الحرارة و دورة التبريد و العفشة و الصاج
بالنسبة للحرارة قالولي طبيعية جدا ان المؤشر يعدي النص بحاجه بسيطة و دورة التبريد و الميه كويسه
وبالنسبة للبوية اللي داخل الشنطة قالولي دي بتاعة الفبريكة و العربيه مرشتش غير رفرف نتيجة خبطة فيه و مغيرة كبوت و حديد الاكصدام
انا كمان غيرت زيت محرك وحطيت موبيل بتاع ال 5000 و غيرت زت الفيتيس و لاحظت ان صوت العربية هدي وبقه كويس
قولولي بقه ايه رايكو .. انا كده اطمن شوية

[HNaga]

الف مبروك ياباشا
لما تجب بقى ممكن نديك بعض الخبرات عن الأسترا و أداءها
ممكن تعمل خطة بس الأول أنصحك تعمل تنظيف لشوية حاجات فيها أهمها الأى جى أر
وبعدين إبتدى إحفظ عربيتك عشان ما تغير حاجة تقدر تعرف الفرق

وربنا يبارك لك فيها

[aymanaly2003]

مبروك ربنا يديك خيرها و يكفيك شرها

[aif]

الف مبروك
ربنا يعطيك خيرها ويكفيك شرها

[Mzeid]

1000 مبروك و دائماَ خير و ربنا يباركلك فيها إن شاء الله . :):):):)