تسخين السيارة الاوتوماتيك

[delmero]

يا شباب انا عربيتي فيكتر 2000 سي سي اوتوماتيك......العربية بتسخن اوتوماتيك عند بداية التشغيل.....بس لاحظت في الصيف يعني من 3 ايام تقريبا انها مابقتش تسخن زي الاول يعني.....عداد rpm مش بيطلع فوق الواحد بحوالي خمس درجات زي الاول....العداد بيكون على الواحد و بينزل تحت الواحد بدرجتين تقريبا.....هل دا طبيعي عشان الصيف و لا اروح اكشف عليها...و شكرا للردود مقدما

[HNaga]

لا طبيعى ياباشا على ماأعتقد

[delmero]

شكرا يا باشا.....انا فعلا عرفت ان دا طبيعي....و سالت مكانيكية في الاوبل و قالو طبيعي عشان درجة حرارة العربية هيا اللي بتحدد التسخين و لا لا....و شكرا ليكم

[fahd_628]

فعلا طبيعى علشان العربية بتبقى سخنة شوية من درجة حرارة الجو

[helmy537]

ياعمالقه الاوبل يالى هنا الحقونى

ياجماعه انا عربيتى المروحه وقفت منى فى المحله وماخدتش بالى من امبير الحراره وفجأه لقيت دخان طالع من كبوت العربيه نزلت جرى وبطلت قلت هتنفجر فيا وفتحت الكبوت لقيت المياه طالعه من القربه وبتتبخر بعد ماكنت هموت من الرعب الى شوفته انا قولت هتنفجر المهم دورت وجبت مياه وحطتلها ومشيت وعملتها تانى بعد فتره المروحه كانت بتركن المهم الحراره اخرها 92 عندى جوه الزحمه وفى السفر 85 علما بان المروحه تدور سرعتين عند وصول الحراره 80 تدور المروحه بتاع الردتير بالراحه وجوه البلد لما توصل 90 تشتغل اوى المهم واحد مهندس ميكانيكى روحتله اول مافتح الكبوت قلى يانهااااار ده مولعه قلى الحراره دى اكتر من 100 يجى يفتح غطا القربه بالراحه طبعا المكنه سخنه جدا يقوم يحصل تفريغ هوا يبان ان المياه كانها بتغلى المهم قلى العربيه دى فى جوان ووش سليندر وبيهرب كبس المكنه على الرديتير بس انا ماشى بها من يومها وسافرت عليها كتير والزيت لا طحينه ولا حاجه زيت عادى وغير 5 تغيره زيت وبجرى بالعربيه موت على الطريق 140 بس انا حاسس ان الكبس مش مظبوط خصوصا ان العربيه 2000 سىسى موديل 98 ايه رايكم ابدأ اكشف على ايه انا عندى بليه شداد السير عاوزه تتغير بتعمل صوت لما تكون العربيه بارده الصبح خصوصا وانا برجع لورا ايه رايكم اكشف رديتير ووش سلندر ولا اعمل ايه افيدونى ارجو رد منكم قبل المحفظه ماتتفتح

[M.Osama]

حصلي نفس الحوار دا ونضفت الكربراتير والحساسات بتاعته واتظبطت تاني

[abouzahra]

تم حذف المشاركة لعدم الإتفاق مع الإدارة على الإعلان

الإدارة - 3