مفاجأة..........ايه حكايه عبد الله اوبل ده

[Astra Lovers]

انا غيرت ند الراجل ده ترموستات الكوعه والعربيه المؤشر بتاعها سعات درجه الحراره بتوصل ت ٩٨ وسعات عند ال ٩٦ وسعات اقل شويه
احنا فالشتا والمفروض الحراره تكون اقل من كده وانا عرفت انو بيجيب قطع الغبار ومن حد اسمه الشيماء فين معرفش بس لاحظت ان الكوعه اللي هوا جابها ممسوح من عليها الماركه بصراحه حاسس اني اتضحك عليه
وبفكر اروح اشتريها مالتوكيل وخلاص
مبقاش في حد عنده ضمير للاسف


في انتظار الرد مع الشكر

[Astra Lovers]

انا قصدت اكتب قطع الغبار عشان دا فعلا اللي انا حسه الواحد يروح يصلح حاجه يتنكد

[A.Saad]

القطع دى استيراد ؟؟؟؟

[harphosh]

هات قطع الغياؤ بنفسك وأى مركز يركبها قدام عينيك
ما بقاش فيه ضمير عموماً

[فادى محمد]

اكتر من اخ هنا حذر قبل كده انك ماتركبش اي قطعه غيار يجيبهالك ميكانيكي لانهم بيسترخصوا وبيعملوا من الفسيخ شربات ..اشتري حاجتك من مكان ثقه وروحله يركب وشكرا بتوقع 100% ان الترموستات اللي ركبهولك (قافش)مابيفتحش لما الميه تسخن والنتيجه ان حبس الميه دي بيزود الحراره اكتر .الترموستات بالكوع هاته جديد من اميركان ستارز او سرور في شارع شامبليون ب110ج جديد الماني ..في انواع كتير احسنهم مايلي-توبران .غيره بسرعه علشان جوان وش السلندر ما يتضررش من الحراره.

[Astra Lovers]

ينهر اسود جوان
انا سألت عليه فالتوكيل اصلي جي ام ب ١٤٥ جنيه اجيبه ولا ايه

[Astra Lovers]

انا كده قلقت

[فادى محمد]

هاتها من التوكيل ..هتبقي جي ام والفرق بسيط ...ماهو انت دلوقتي بتجهد المراوح لانها ما بتلحقش تطفي الا وتدور تاني ولو حصل فيها لا قدر الله اي خلل الحراره هتعدي للرد زون وربنا يكفينا شر المستخبي .

[tananybasha]

عبد الله بقى عكاك
و هو عكاك
قطع غيارك اشتريها بايدك

[Astra Lovers]

طب انا اتصرف ازاي دلوقتي يا طناني واروح لمين يركبها والمشكله اني مش هاقدر اشتريها قبل يوم السبت فا مش عارف في خطوره كدا ولا ايه
انتوا قلقتوني جدا كده

[فادى محمد]

طب انا اتصرف ازاي دلوقتي يا طناني واروح لمين يركبها والمشكله اني مش هاقدر اشتريها قبل يوم السبت فا مش عارف في خطوره كدا ولا ايه
انتوا قلقتوني جدا كده

انا مااقصدش اقلقك انما انا باوضحلك الحقيقه علشان تبقي عارف الدنيا ماشيه ازاي ..اشتريها السبت باذن الله وركبها عند اي حد محترم وان شاء الله مش هيحصل حاجه ..

[Astra Lovers]

يا رب ان شاء الله بس فيين المحترم دا
قولولي فيين وانا اروحلو علطول الله يخليكو
هوا فيين ده

[Ahmed_lol2007]

والله يا جماعة عبدالله اوبل دة راجل مش كويس و اتعامل معايا بطريقة وحشة جدا
وحلفت انى ما اروحلهوش تانى مهما يكون لانه اتعامل معايا بتناكة وتكبر ومكنش راضى يركب العربية عشان يجربها
لان كان فى كام صنيعى طلعو جربو العربية ومحسوش بالعيب اللى انا قولت لهم عليه فقالولى هو اللى هيجيب العيب دة
وفضل معطلنى بتاع ساعة ونص وفى الاخر اما قولت له هتجربها ولا لأ قالى أصلى مش فاضى
قولت له أصل أنت مش فاضى وأنا أللى فاضى لك عموما يكش تولع العربية وإن شا الله عنها ما أتصلحت
بس أنت طريقة تعاملك معايا دى هتخسرك كتير جدا عشان أنا أعرف ناس كتير معاهم أوبل (سواء من المنتدى أو من برة)
وهو كان عارف إنى جاى تبع نايل موتورز وحصل اللى حصل منه
بس حسيت إنه واخد فى نفسه مقلب وبصراحة قرفت منه

[فادى محمد]

يا رب ان شاء الله بس فيين المحترم دا
قولولي فيين وانا اروحلو علطول الله يخليكو
هوا فيين ده

الموضوع سهل جدا وممكن انت تغيره بايدك ..هتفك 3 مسامير 10 وافيز الخرطوم وتشيل قديم وتحط جديد وبعدين تزود ميه وتاخد الهوا وخلاص ,لو كنت قريب مني كنت ركبتهالك ومش هنحاسبك يا عم ..حضرتك ساكن فين والرجاله هتدلك علي المحترمين اللي يبقوا قريبين منك .

[Astra Lovers]

انا في واحد صاحبي ظابط مباحث هوا اللي عرفني عالمنتدي ده لما اشتريت العربيه من شهريين كده وراحلو مره غير شويه حجات كده وطلعت اي كلام راح مكامو فالتليفون والله العظيم وقالوا الحجات دي مش تمام انا عايز الفلوس قلاو حاضر زي البوبي البلدي وراح واداهملوا لغايت عاندوا بصراحه انا حسيت ان الراجل دا مينفعش معاه غير العين الحمرا
للاسف الواحد مبقاش عارف يتعامل مع الناس ده انا لو قلت اللي حصل ممعايه للراجل اكيد هيظبطوا صح ولا ايه وايكو
انا مفروس منهم جدا ولاد ال.............. اللي معندهومش ضمير دول