إعـــــــلان

Collapse

.

,
See more
See less

عايز اغير الفيكترا بتاااعتى .. أفيدونى ارجوكم

Collapse
X
 
  • Filter
  • الوقت
  • Show
Clear All
new posts

  • عايز اغير الفيكترا بتاااعتى .. أفيدونى ارجوكم

    يا جماعة الاوبل و احلى عصااابة و الله بحبكم بس مليش مشارركات كتير زيكم علشان معلوماتى على قدى و مبحبش افتى بس متابعكم على طول و اتعلمت منكم كتير

    المهم علشان مطولش عليكم
    انا معايا فيكترا 1997 - 1600 - موتور كامة واحدة GLX
    يا شباب العربية معايا من 5 سنوات
    بصراحة صرفت عليها كتير و بالذات التكييف و الحمد لله بقت كويسة
    الموتور عندى حالته وحشة هو انا بمشى بيها 160 ك/س بس فى العادى و الطبيعى صوت الموتور فيه تكتكة و وحش و عالى و كمان بيسرب زيت و كل م اسد مكان التسريب يسرب من حته تانية مش عارف ليه و الميكانيكى قالى غير المكنة دى احسن

    طيب انا محتار
    بصراحة بفكر ابيعها و اجيب عربية تانية
    بس معرفش ايه خصوصا ان اخرى 80000 كل اللى معايا و انا على وش خطوبة فهدفع 30000 فوق تمن العربية تقريبا
    اجيب نيسان اوتوماتيك مثلا كسر زيرو
    اجيب نيو اكسنت اوتوماتيك زيرو
    اجيب النترا جديدة حالة كويسة
    يعنى دول اللى ف رنج فلوسى

    بس برضو ركوبة الفيكترا جامدة اوى و هيبة كده و برستيج بصراحة تحس انك باشا والله




    و اللا اجيب 10000 جنيه اصرفهم على العربية و اسقط مكنة 1600 ايكوتك علشان مش عاوز 2000 بيسخن و ضريبة و بنزين كتير و انا هسيبها مانيوالعلشان مش عايز احتك بمشاكل فى الفتيس لو اتغير اتوماتيك و انا بحب المانيوال و احط فرش جلد و اغير اسكترا و مكنة باور علشان الباور عندى لادا و غيرت مكنة من شهرين و باظت تانى لو حد عنده تفسير او ايه ممكن يبوظ ماكنة الباور .. و كاسيت و زينون و اظبطها بس بعد كده خايف حاجات تبوظ و اصرف تانى و انا بقى عاوز ابطل مصاريف على العربية علشان هيبقى عندى خطوبة و حاجات اهم و عايز اريح دماغى .. انا محتار اوى اوى و ارجووكم فيدونى يا جماعة لو حد مكانى يعمل ااااااااااااااااااايييييييييه ؟؟؟؟؟

  • #2
    يا جماااعة انا برضو فكرت اطرح الموضوع فى المنتدى العام علشان كلنا هنا اوبلاوية و عايز اسمع راى كل الناس .. كويس كده ولا غلط اطرح نفس الموضوع فى 2 منتدى

    Comment


    • #3
      مافيش مشكلة من عمل موضوعين...

      حضرتك لو مرتاح لعربيتك وبتحبها يبقى سقط الايكوتك ال2000 سي سي بفتيس مانيوال...
      هيتكتب 1600 عادي في الرخصة لان الافراج بتاع الموتور مش بيتكتب فيه السعة اللترية...
      مش بيسخن ولا حاجة طول ما دورة التبريد ماشية مظبوط...
      تغير الفرامل الامامية والخلفية وياسلام لو جيبت عفشة سبور وجنوط 16"...
      العداد بيتغير بواحد 260كم/س
      هات فوانيس سبور ومرايات ضم وزينون وكاسيت وفرش جلد...

      لو تعدل فيها كمان اكزهوست سيستم كامل تبقى حكااااية...

      لو نفسك تغير:
      شوف بي ام 97..
      لانسر 1600 موديل 2008..
      سيفيك 96 تكون sir ‎ودي 170 حصان تعمل 65-70 الف...
      [FONT=Comic Sans MS][SIZE=6][COLOR=#8c00ff]وداعا أيها الغريب..[/COLOR][/SIZE][/FONT]
      [FONT=Comic Sans MS][SIZE=6][COLOR=#8c00ff]لكن كل شيء ينتهي....[/COLOR][/SIZE][/FONT]

      [U][I][/I][/U]
      [CENTER][/CENTER]
      Little Doc.
      Abd El RahmaN

      Comment


      • #4
        السلام عليكم و رحمة الله و بركاته





        رغم انى من الناس اللى بخاف من الفكترا جدا لأن كتير حذرنى منها و من صعوبة صيانتها و من غلو أسعار قطع غيارها الفاحش, الا أنى شايف أن كل مشكلتك تكمن فى الموتور و أنا لو منك و كل حاجة فى العربية سليمة زى ما أنت بتقول , و تمام التمام , كنت اشتريت موتور 2000 cc ايكوتيك بحالة ممتازة و كنت سقطته فى العربية و عشت حياتى , لكن طبعا الرأى الأخير ليك .
        [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
        [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
        [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
        [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

        Comment


        • #5
          مبروك يا باشا الخطوبة أولا ثانية
          المشاركة الأصلية كتبت بواسطة bedo13 مشاهدة المشاركة
          مافيش مشكلة من عمل موضوعين...

          حضرتك لو مرتاح لعربيتك وبتحبها يبقى سقط الايكوتك ال2000 سي سي بفتيس مانيوال...
          هيتكتب 1600 عادي في الرخصة لان الافراج بتاع الموتور مش بيتكتب فيه السعة اللترية...
          مش بيسخن ولا حاجة طول ما دورة التبريد ماشية مظبوط...
          تغير الفرامل الامامية والخلفية وياسلام لو جيبت عفشة سبور وجنوط 16"...
          العداد بيتغير بواحد 260كم/س
          هات فوانيس سبور ومرايات ضم وزينون وكاسيت وفرش جلد...

          لو تعدل فيها كمان اكزهوست سيستم كامل تبقى حكااااية...
          انا مع التعديلات دى لأنها هتكلف تقريبا 10 الأف جنيه
          و تجيب نص كامل و تشيل من هنا و تحط هنا
          و كدا هتوفر 20 ألف يساعدوا فى الخطوبة
          [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


          [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


          [/CENTER]

          Comment


          • #6
            انت مش محتاج تغير العربيه او تغير الموتور انت محتاج تغير الميكانيكي بواحد بيفهم
            الموتور اللي عندك محتاج طقم اويلسيهات وده هيخشله في 150 جنيه وجوان تاكيهات ب50 وجوان كارتيره ب100 او تعمله عموله ومصنعيه 100 كده يبقي 400 جنيه وبالنسبه للصوت اللي عندك ده بتاع الكوستبانات ممكن تتفك وتتنضف او تتغير ومش هتكلفك 200 الي 300 جنيه كده يبقي 700 جنيه
            عاوز تريح دماغك من الاخر وماتصرفش علي الفاضي اطلع بيها علي مقار اعمل كشف شامل بدون السمكره والدهان والشاسيه هيبقي ب150 جنيه
            هيجيبولك كل اللي محتاج يتغير وبعد كده اطلع بالعربيه علي الشيخ هيثم في الحرفيين وخليه يغيرلك اللي فيها ومش هتصرف ربع ال10000 جنيه ان شاء الله
            ومبروك مقدما علي الجواز
            اسلام البنا

            [URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
            [URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]

            [SIGPIC][/SIGPIC]

            Comment


            • #7
              بص لو انت مش فارق معاك ركوبة و ثبات هات كورى أو هيونداى النترا خصيصا .. و هتنسى موضوع الصسانة ده تماما ان شاء الله .. خصوصا انك داخل على جواز و وراك مشاوير و مصاريف كتير .. فا مش طالبة تضييع وقت و فلوس.
              [CENTER][B]القران الكريم بجودة صوت عاليه جدا[/B]
              http://www.nilemotors.net/Nile/230790-a.html[/CENTER]

              Comment


              • #8
                طالما ركبت الماني مش هتعرف تركب كوري او حتي ياباني ,شيل الموتور القديم وسقط موتور 2000 ايكوتك بالفتيس بتاعه وماتخافش منه ,ال1600 الايكوتك بيعيب احيانا كونترول يونت بلاش منه .
                اخوكم /فادي محمد عيد ..من مواضيعي المصوره للفيكترا بي ....

                [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                hellboy سابقا

                Comment


                • #9
                  [QUOTE=hellboy;3873189467]طالما ركبت الماني مش هتعرف تركب كوري او حتي ياباني ,شيل الموتور القديم وسقط موتور 2000 ايكوتك بالفتيس بتاعه وماتخافش منه ,ال1600 الايكوتك بيعيب احيانا كونترول يونت بلاش منه .[/ صنايعي هيQUOTE]
                  ازيك يافادي باشا
                  اسمحلي اختلف معاك في النقطه دي
                  لو موتوره حلو بلاش يسقط وخصوصا في الوقت الحالي ليه
                  1- هيضيع وقت كتير علشان يدور علي موتور حلو وصنايعي بيفهم يظبطله الليله
                  2-هيستغني عن العربيه فتره لا تقل عن 10 ايام علشان الموتور الجديد والضفيره والحاجات دي تتظبط
                  3- مفيش صنايعي هينزل الموتور صح وبكده العربيه هيبقي فيها شويه مشاكل في الفينيش هياخد فتره يعالج فيها
                  4-الموتور اللي هيجيبه مش زيرو يعني ممكن بعد ما يركبه يحتاج صيانه او ماشابه
                  5- هيتعب بقي بعد ماينزل الموتور الجديد علشان يرخصه وكده
                  علشان كده انا شايف انه يظبط موتوره (علي الاقل دلوقتي )ومش هيصرف اكتر من 1000 جنيه ان شاء الله علي الاعراض اللي بيقولها خصوصا انه من كلامه مش مفوت او بياكل زيت
                  وعلبه دريكسيون استيراد ب800 وطرمبه باور ب900 جديده او 400 استيراد
                  كده دخلنا في 2700 جنيه اوفر واحسن وممكن يأجل فكره ال2000 ايكوتيك بعدين بعد مايروق شويه
                  اسلام البنا

                  [URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
                  [URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]

                  [SIGPIC][/SIGPIC]

                  Comment


                  • #10
                    الحمد لله يااسلام وانت عامل ايه؟..والله وجهه نظر تحترم طبعا .تحياتي .
                    اخوكم /فادي محمد عيد ..من مواضيعي المصوره للفيكترا بي ....

                    [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                    [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                    [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                    [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                    [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                    hellboy سابقا

                    Comment


                    • #11
                      اقلبها
                      و غيرها بواحده تانى
                      [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                      [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                      [CENTER][SIZE=3][COLOR=black]محمد الطنانى[/COLOR][/SIZE][/CENTER]

                      Comment


                      • #12
                        والله ياسلام وجهة نظرك حلوة خصوصا انو لو عمل كده ممكن يبيع بسهولة بعد الجواز ويجيب حاجة احدث كمان سنة ولا اتنين...

                        مبروك عالخطوبة وعقبال الفرح الكبير ان شاء الله..
                        بس كلنا معزومين ؛)
                        [FONT=Comic Sans MS][SIZE=6][COLOR=#8c00ff]وداعا أيها الغريب..[/COLOR][/SIZE][/FONT]
                        [FONT=Comic Sans MS][SIZE=6][COLOR=#8c00ff]لكن كل شيء ينتهي....[/COLOR][/SIZE][/FONT]

                        [U][I][/I][/U]
                        [CENTER][/CENTER]
                        Little Doc.
                        Abd El RahmaN

                        Comment


                        • #13
                          المشاركة الأصلية كتبت بواسطة bedo13 مشاهدة المشاركة
                          والله ياسلام وجهة نظرك حلوة خصوصا انو لو عمل كده ممكن يبيع بسهولة بعد الجواز ويجيب حاجة احدث كمان سنة ولا اتنين...

                          مبروك عالخطوبة وعقبال الفرح الكبير ان شاء الله..
                          بس كلنا معزومين ؛)

                          يا جماااعة انا متشكر ليكو اوى على الردووود دى و مكنتش متوقع حد يعبرنى و فرحت اوى لما رديتو غلى موضوعى و طبعا يشرفنى اوى اوى انكم تحضرو الفرح و دى دعوة عااامة لكل العصابة بس لما يتحدد المعاد هقولكم والله انشاء الله ... انا بردو محتار و خايف اوى منمشاكل العربية قدام مع انى مش بحبها ده انا بعشقهااااا
                          عجبتنى فكرة مقاااار دى اوى اوى .. و هل فعلا هيقولى على كل حاجة ولا كشف كمبيوتر عادى من اللى بيشوف الحساسات معلش بتقل عليكم بس عاوز افهم

                          Comment


                          • #14
                            خش قله عايز كشف عام
                            ب 275 جنيه
                            هيجيب عاليها واطيها
                            [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                            [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                            [CENTER][SIZE=3][COLOR=black]محمد الطنانى[/COLOR][/SIZE][/CENTER]

                            Comment


                            • #15
                              انا بصراحة بحب ركوبة العربية دى بس برضو انا هقولكم حاجة بعد لما اغير المكنة فى يا جمااااعة حاجات صغيرة كده و مسامير الحاجات دى برضو اكيد استهلكت و مش كل حاجة برضو بتتغير و اكيد كل حاجة ليها عمر افتراضى بس فى المقابل انا مش لاقى بعدها عربية تكفينى ... و ليه محدش علق على النيسان صنى سوبر صالون يا جماااعة انا بفكر فيها بس بعد الفيكترا مش عارف .. انا كنت ماشى بيها 100 على الدائرى النهاردة و يا جماعة قعدت اعمل الدريكسيون يمين و شمالى بسرعة اوى اوى و مستنيها تعوم و بنت التييييت ولا الهوا و ثابتة ثبات فظيع و خلتنى كده لحد 130 و خوفت علشان الطريق زحمة اوى و الناس تلاقيها بتقول ايه المجنون ده .. بس انا زهئت و كان نفسى ابرر لنفسى انى ابيعها بس نفسى اريح دماغى و ادور و امشى و خلاص بلا مشااكل .. هو فى حد معاه فيكترا بيمشى كده من غير مشاكل زى الهيونداى مثلا و لا كل الناس عندها مشاكل زيي نفسى امشى مرة العربية مش فيها حاجة بيظة .,.. فى حاجة يا جماعة مكنة الزجاج اللى عند السواق الزجاج و هو طالع بلاقيه نزل لوحدة تانى و لازم ازقه لفوق ب ايدى علشان يقفل و مفيش حاجة محشورة فى المجرى بتاعتو .. واحد قالى فى شريط بيبوظ و بيتغير و واحد قالى دى مكنة الزجاج ايه رايكم

                              Comment

                              Working...
                              X