بدائل قطع الغيار و استغلال التجار

[عمارمطر]

ماسوره المياه العموميه او الشجره فى الاسترا 2003 نفسها اليجنزا

الماسوره العموميه التى يخرج نها مواسير التكيف السخن وخرطوم الريداتير والطرف الاخر طلمه المياه والماسوره موجوده تحت المانفول وهى نفسها بنفس الحجم والمواصفات ماسوره الدايو ليجنزا تركب على الاوبل استر 2003 وغيرتها عندى وشغاله ذى الفل الحمد لله وسعرها 45جنيه

[عمارمطر]

كاوتشه الكوبلن فى استرا 2003 تركب فيرنا

من فتره اتقطعت كاوتشه الكوبلن الداخليه وبالصدفه لقيت عند اخويا كوتشه فيرنا كان مغيرها فى سيارته وفضلت زياده وركبتها وشغاله زى الفل من شهرين الحمد لله

[znaem]

واير عداد السرعه للاوبل كورسا1995 ياريت نلاقى بديل ليه

[فادى محمد]

رداخ البنزين للفيات اونو (الاوروبي) 1400 سي سي 2 كامه يركب في الفيكترا بي 1600 سي سي كامه واحده
ضغطه 4 بار في حين الاوريجنال للاوبل 3,8 بار
ال2 نفس الحجم والشكل وممكن تجيبه جديد ب250ج ايطالي تقفيل تركي هيبقي احسن من الصيني المضروب

[yasser opel]

يا جماعه بالله عليكو حد يقولي التنابير الخلفي فيكترا ايه ١٦٠٠ ممكن تتعدل للانوس ولايه علشان بتوعها غاليين اوي وانا ماعيش فلوس ليها دلوقت بس دي فرامل ارجو الرد

[فادى محمد]

اللي معاه لانوس بيركب بتوع الاوبل. مش معقول تركب حضرتك لانوس!!
-استرخص ووفر في اي حاجه في العربيه الا الفرامل .خطر .
-ممكن تجيبهم استيراد لو الجديد غالي .

[Moabany]

يا جماعه بالله عليكم حد يقولي التنابير الخلفي فيكترا ايه ١٦٠٠ ممكن تتعدل للانوس ولايه علشان بتوعها غاليين اوي وانا ماعيش فلوس ليها دلوقت بس دي فرامل ارجو الرد

هي هي بدون تعديل 1600سي سي
تيل + طنابير + مساتر خلفية
السعر
تيل 150 الى 190جم حسب النوع
طنابير 300جم محفور عليهم الماني
مستر خلفي 65جم كوري
أو ممكن تجيب صرتين كملين بتوع لانوس 400جم الجوز

على فكرة هي هي زي كورسا سيدان الفرامل الخلفي
بيركبوا عادي من غير أي تعديل
لأن الدايو واخدة كتير من الاوبل

[فادى محمد]

وش السلندر للانوس يركب للكورسا بي كذلك الكامه تركب برده

[فادى محمد]

كوستبانات اللانوس ودلايل الصبابات (الشواكيش) يركبوا في الكورسا ال1200 سي سي وفي الفيكترا ال1600 سي سي موتور الكامه الواحده..

[mohamed elshae]

قطع كورسا 1994

بسم الله...انا عندي علبة دريكسيون كورسا 94 والكربراتير بتاعها بكل حساساته شغال 100/100 واكصدام خلفي وفنوسين خلفي وفانوس امامي وريشة مروحة وشاسيه المروحة بتاعة التبريد وحساس سلانسيه شغال 100/100 اللي محتاجهم يتصل بيا وبالسعر اللي هو عايزه اي ان كان 01202300444

[organic_magic]

فلتر بنزين اللانوس يركب في الاوبل لكن مش صح علشان بيكتم العربيه لكن العكس صح
ولو افتكرت حاجه هكتبها

معلش ياباشا مش تشكيك في كلام حضرتك بس فعلا الكلام ده علشان انا مركب فلتر اللانوس

بس انا اصلا عندي مشاكل كتير في العربيه

فممكن يكون ده احد الاسباب

وكنت مركب طرمبه بنزين بتاعه النوبيرا بس قرفتنى فغيرتها بواحده بتاعه الاوبل الاصليه بتاعه المكنه 2000 سي سي وانا مكنتى 1600 سي سي

[m_mustafa313]

الكلام ده اكيد

فكرة ممتازة
ايدل اللانوس بيركب للفيكترا بى
و اويل سيل الفتيس بتاع الكبالن بتاع الدايو بيركب عادى
كوعة الترموستات بتاعت الليجانزا بتركب للفيكترا بى موتور ايكو تك ( اسلام )

هل فعلا الكلام ده اكيد ومتجرب اصل عندى العرييه عاوز اغير الايدل وخايف اجيب يطلع صينى ابقى معملتش حاجه وهيبقى فى حدود كام ؟؟؟

[ahmedkasem]

ايه بدائل كبالن فيكترا a موديل 95 ومكنة اوتوماتيك 2000 cc
عايز اعرف ليها بديل في الدايو ولا لأ؟؟ ولو ليها بديل انهي موديل بالضبط ولانوس ولا نوبيرا والسعر جديد واستيراد ان امكن
وكفاءتها ايه؟

[mohamed-ali]

فلتر الزيت والبنزين بتاع اللانوس يركب فى الكورسا

[ahmedkasem]

ايه بدائل كبالن فيكترا a موديل 95 ومكنة اوتوماتيك 2000 cc
عايز اعرف ليها بديل في الدايو ولا لأ؟؟ ولو ليها بديل انهي موديل بالضبط ولانوس ولا نوبيرا والسعر جديد واستيراد ان امكن
وكفاءتها ايه؟

متابع