استفسار عن كورسا الجديدة و التوكيل

[OldVic]

مساء الخير،

كنت أفكر فى شراء كورسا 2010 و أطمع فى نصيحة الزملاء الاعزاء و رأيهم فى كل من السيارة و التوكيل من ناحية جودة الخدمة و الاحترافية.

أيضا، ما هى أسعار و مواصفات كورسا؟ و هل البضاعة حاضرة؟

[KHALED AYMAN]

انا اعرف ان الكامله ب 137 الف جنط 17 و سقف بانوراما و مثبت سرعه والكماليات العاديه بقى ..بس 2 زجاج كهرباء بس ..
التوكيل اسوأ ما يكون و مفيش لا احترافيه ولا اى حاجه بالاضافه لانه عادى يبيعلك عربيه مخبوطه و متصلحه ...

[yoko]

بالسعر ده ممكن تجيب عربيات كتير أوروبي هاتش أحسن منها وإبعد عن منص وغنيلة

[OldVic]

شكرا على النصيحة، أنا فعلا ناوى أجيب أوروبى بس مش عارف أجيب ايه. الميزانية حوالى 130 ألف. أنا معى حاليا كولت 2007 1.5 و لكن حصلت لها حادثة الأسبوع الماضى و غالبا total loss. المشكلة انى رحت معرض فورميولا و من مشاهداتى استخلص الاتى:
السيارات قى هذه الفئة السعرية (110 - 130 ألف) هى:
سيات ابيزا: 123.5 ألف، موتور مش بطال و لكن شكل السيارة من الداخل مش عظيم و بالذات الدركسيون. و الهم ان السيارة مش منتشرة و أنا مقروص من الموضوع ده نوعا ما.
بيجو 207: 132 ألف، موتور ممتاز جدا و لكن التوكيل لا اعرف عنه شىء و لا اعتقد انه ممتاز بأى حال من الاحوال و اسضا السيارة ليست منتشرة.
بونتو ايفو P2: ب 110 ألف، كماليات فوق الممتازة و تصميم داخلى ممتاز و خارجى مش بطال و لكن الموتور- روح السيارة- عبارة عن لعبة مقارنة بال MIVEC.
رينو ميجان هاتشباك: الفئة ذات السعر المقارب ب 134 ألف و هى تفتقر الى كل ما هو مميز فى رينو و كذلك تقفيل تركى، لم تبهرنى على الاطلاق.
فورد فييستا: 130 ألف، تكنولوجيا جميلة بالداخل، و لكن صغيرة جدا من ناحية العرض و الموتور ضعيف نوعا ما كذلك.
فابيا: مش عايز أعرف سعرها، خاماتها فقيرة جدا من الداخل و مش فاهم سر التمسك بلوجو رأس الطائر (أعتقد انه هدهد lol)

ما رأيك يا Yoko؟ و أيضا شكرا يا خالد، بالمناسبة ال High Line أصبحت ب 130 و لكن 2010 مش 2011.

[yoko]

حضرتك باعد عن بعض العربيات عشان مش منتشرة والكورسا الجديدة برده مش منتشره ومفيش عربيه أوروبي هاتش منتشرة يمكن الي واكله الجو دلوقتي البونتو بس متورها ضعيف نسبيا مينفعش لواحد بيحب الجري
بيجو أسوء توكيل فيهم وغن كنت شايف بيجو أحسنهم كعربيه
الميجان الهاتش تقفيل فرنسي على حسب معلوماتي إتأكد لو فرنسي إتوكل على الله فيها

[OldVic]

بالنسبة للميجان أنا كان فكرى كده برضه أو يمكن أول دفعة من الشكل الجديد كانت كده و لكن حسب زيارتى للمعرض عرفت أنه تركى أيضا. ما رأيك فى الابيزا؟؟

[yoko]

الإيبيزا يعيبها الشكل الداخلي في رأي فقط
الميجان أعتقد حتى لو تركي فهتبقى كويسه

[tananybasha]

منور يا يوكو
خليك هنا انا رايح فيات و جاى
منورنا والله

الغريبه بقى
انا مع رأيك
ابعد عن منص و غنيله

[OldVic]

و الله كلام Yoko بدأ يدخل دماغى :) الموضوع شكله محتاج زيارة لقسم رينو بقى :) أشكرك!

[yoko]

العفوا وإتفضل في فيات يا طناني باشا بيتك ومترحك

[N.a.j.d]

العربيه كويسه اوي ودي معايا والحمدلله مفيش مشاكل
بس عيبها وكيلها لا اكتر