عايزكم معايا يا اوبلاوية

[cayman69300]

السلام عليكم يا رجالة
عايز احس بوجودكم فى المنتدى الاجتماعى
و دة للسبب
اننا دايما لينا بصمة فى المكان اللى احنا موجودين فية
يعنى احنا لينا تقلنا فى نايل موتورز عموما
و بالتالى لازم يكون لينا وجود فى المنتدى الاجتماعى اللى هو جزء من اجزاء نايل موتورز
شوفوا المواضيع اللى انا كتبتها و شاكوا معايا
و شكرا
و فى انتظار ردودكم
سلام

[meika]

الناس هنا فى المنتدى كل واحد فى بيتو مبيخركش

[ashrafnoby]

ازيك يادكتور عامل ايه انا سعت جدا بمكالمتك ويارب تدوم الموده على طول وايضا فادى باشا

[kar!m]

و الله يا دكتور أنا دخلت على الموضوع اللى انت كنت كاتبه و قايل مش هعلق و اللى عايز يفهم يفهم .. بس مفهمتش حاجه

قريت التعليقات عشان أفهم برضه مفهمتش

[mera11]

أنا دخلت يوم كامل على المنتدى الإجتماعى وشوفت مشاركاتك يا دكتور بس الظروف الحالية جعلت الكثير فى قلق

[cayman69300]

سؤال ؟ هيوضح وجه نظرى
لو واحد فيكم معاه شركة - و قرفان من المدير اللى معاه
يجيب مدير غيرة ==== صح ............ اوك
بس يقعد المدير الجديد مع القديم علشان يستلم منة العهدة و الملفات و بعد كدة القديم يتوكل على الله و الجديد اللى يكمل
اعتقد من وجه نظرى اللى انا مقتنع بيها ان اري صح
بس ادى الحكاية

[opelawy]

انا موجود علي الاجتماعي كتير اوي اليومين دول
بس الواحد نفسيتو اتغيرت نتيجة للظروف دي

محدش عاشها قبل كده فهتلاقي في كتير تصرفاتهم متغيرة و المود مش تمام بس انا بعلق مش بكتن مواضيع ممكن علي الفيس تلاقيني اوي مهتم و بكبت و بنقل مواضيع حلوة

[hanykd]

سؤال ؟ هيوضح وجه نظرى
لو واحد فيكم معاه شركة - و قرفان من المدير اللى معاه
يجيب مدير غيرة ==== صح ............ اوك
بس يقعد المدير الجديد مع القديم علشان يستلم منة العهدة و الملفات و بعد كدة القديم يتوكل على الله و الجديد اللى يكمل
اعتقد من وجه نظرى اللى انا مقتنع بيها ان اري صح
بس ادى الحكاية

السلام عليكم ورحمة الله

بص يادكتور
مبدئياً صلى على حبيبك النبى

العلاقة اللى بين الشعب والرئيس علاقة تعاقدية بمعنى ان الشعب معين الرئيس لإدارة شئون البلاد
مافيش فى العلاقة دى أو المفروض مايكونش فى اى نوع من انواع العاطفة

طب لو المدير اللى فى الشركة حرامى ومعين رؤساء إدارات حرامية وناهبين الشركة ومضيعين حق العمال

مش معقول نستنى لما مدته تخلص أو لما يطلع معاش وكمان نعمل له حفلة ونكرمه ونجيب له تورتة ونتصور معاه وهو ماشى


الرئيس أخل بالنظام وأساء إستخدام سلطاته وصلاحياته وترك البلد لبعض المخربين والسارقين عشان يتحكموا فيها وفينا يبقى نعزله ولا نستنى عليه لما يخربها أكتر

لو كان ليك أخ أو صديق مات أو أستشهد أو أعتقل أو إتحبس ظلم أو اتاخد 6 سنين فى أمن الدوله من غير لا قضية ولا حكم 54 يوم فى 45 يوم

متهيألى كان موقفك حايبقى مغاير

[tananybasha]

اللى يحترم نفسة اليومين دول
فى رأيى الشخصى
يقعد فى بيته