بنزين 80

[cayman69300]

إجابة على السؤال دا
انا كنت بعشق اللانسر و الإيفوليوشن بالذات
فى الألعاب زى نيد فور سبيد كنت على طول بختار اللانسر
بس لما قابلت الفكترا نسيت اللانسر
و كمان بقت منتشرة جدا فا مبقتش بحبها قوى

يا حلاوتكم انتوا الاتنين
اية الحكاية . سبتوا الدنيا كلها و دققتوا فى الاسماء
ههههههههههههههههه
يا باشا الف مبروك على البنزين الـ 80 انا كنت نفس الحكاية
بدات بانى اخلط بنزين 80 على 92
و بعد كدة قلبت تماما الى بنزين 80 صافى
و العربية زى الفل بس المهم ميكونش فية عندك سخونة فى الموتور
يعنى الحرارة مظبوطة . لان الحرارة لو عليت هتلاقى العربية تفضل تكرر و هتبقى زى بتوع التاكسات
و فى السحب الغريب ان الاتنين زى بعض
بص يا باشا
الخطوة الاولى
هقولك على اقتراح زى العسل تعملة فى العربية بعد ما يبقى البنزين كله 80
اشترى فلتر بنزين ( طبعا هتقلى الفلتر اللى عندى كويس و لسة مشترية من فترة صغيرة ) و تفك الفلتر القديم و تركب الجديد مكانة قبل الطرمبة مكان القديم بالظبط
اوك
و الفلتر القديم تنفخة نفخة مية مية و تركبة قبل المسطرة بتاعة الرشاشات
يبقى كدة الطريق بتاع البنزين
التنك - فلتر بنزين ( الاول ) - طرمبة البنزين - فلتر بنزين ( الثانى ) - الرشاشات
و بكدة حضرتك هتفلتر البنزين مرتين
الخطوة التانية
و دى لا تقل اهمية عن الفقرة الاولى
اوعى تخلى العربية تقل عن نص التنك
يعنى لو انت ماشى و لقيت عندك 3/4 من التنك روح على اقرب بنزينة و فول الربع اللى فاضل و يا ريت يكون من بنزينة نضفية
و اتفرج على صباح التوفير
انا عملت دة فى الفكترا و بقيت لما انزل اشترى حاجة اسيب العربية شغالة
بنزين كتير بقة
هههههههههههههههههههه

[lancerevolution]

لا يا عم هلالى مش هتوصل إنى أحط 80 صرف انا هستمر على 92 أو هخلط و مش على طول كل فترة و خاصة إن ب 50 جنيه بنزين 92 دى بتكفينى ممكن 3 أسابيع لأنى ما بتحركش بالعربية كتير

[mera11]

أيه الحلاوه دى يا دكتور هلالى أنا هفلترها زى ما أنت قلت بس أوعى تيجى بعدها بيومين وتقولى أنك بتفلتر 7 مراحل هههههههه