عندى مشكلتين فى الكورسا عاوز مساعدتكم

[ma7oo]

انا معايا كورسا 1200 موديل 94 المشكلة الاولنية فى المرايات الجانبية انا بغيرها كل 4 5 شهورة هل دول ملهمش حل انى اغيرهم بمرايات تتقفل لانها مبتتقفلش وكل خبطة تتطير
المشكلة التانية فى التكييف بيسرب وعاوز يتكبس و معرفش محتاج ايه ايه مبيردش خالص وانا من المنصورة محدش يعرف حد كويس فى المنصورة او فريب منها ............محتاج مساعدتكم يا رجالة الاوبل

[tananybasha]

المرايات انسى ملهاش حل
التكييف الزملا اللى ناحية المنصورة ممكن يدلوك

[elewey]

انا معايا كورسا 1200 موديل 94 المشكلة الاولنية فى المرايات الجانبية انا بغيرها كل 4 5 شهورة هل دول ملهمش حل انى اغيرهم بمرايات تتقفل لانها مبتتقفلش وكل خبطة تتطير
المشكلة التانية فى التكييف بيسرب وعاوز يتكبس و معرفش محتاج ايه ايه مبيردش خالص وانا من المنصورة محدش يعرف حد كويس فى المنصورة او فريب منها ............محتاج مساعدتكم يا رجالة الاوبل

المرايات فعلا ملهاش حل هى كدة التكييف نفس المشكله عندى عشان دة متركب فيها الموديل دة بينزل من غير تكييف

[ma7oo]

اه منا مركب التكييف من سنتين بس انا اول مركبته كان كويس اوى

[asalah]

بص يا باشا
المرايات اعتقد ممكن مرايات الايبيزا مودبل 94 تركب عندك، يا إمّا الايبيزا يا إمّا السويفت
مش فاكر انهي بالظبط... بس لو سألت أي حد بتاع أوبل هيدلك، لإن دي مشكلة معروفة، و واحدة من الاتنين دول بتركب مكان الاصلي بالظبط (اعتقد الايبيزا)

و عموماً انا عشت بالكورسا 4 سنين، مغيرتش المرايات الاصلية
لمّا بتتخبط بنزل اركّبها تاني، لإنّها كده كده على كلبسات


بالنسبة للتكييف
زي ما الزملاء تكرّموا و قالوا
الكورسا اصلاً من غير تكييف، و التكييف اللي فيها بيركبلها
و بالتالي كل عربية هتبقى وضعها مختلف

لو التكييف بيحتاج شحن كل أول صيف مثلاً
ده مش مأساة... انصحك تتكيف معاه، و تشحن كل سنة و خلاص

امّا لو الشحن مابيكمّلش شهرين الصيف
يبقى التكييف بيسرب
و يبقى لازم تكشف عن التسريب و تلحمه
هو الراجل كل اللي هيعملوا إنّه هيوصل دايرة التبريد على موتور هوا
و يغرّق المواسير مية بصابون، لحد ما يعرف مكان التسريب
الفروض إنّها شغلانة مش صعبة... بس يرضو دوّر على حد متجرّب احسن

بس الخلاصة
إن تكييف الكورسا عموماً ضعيف
انا لمّا لقيتها تكييف ضعيف، و مانيوال، و صغيرة و مبقتش سايعاني
قلت بدل ما اقعد اصرف عليها، ابيعها و اجيب فكيترا 95 اوتوماتك

و الحمد لله
ربّنا كرمني بواحدة خلصت على 39 الف
وصرف عليها 10 الاف خللتها جديدة

لو امكانياتك تسمح بحاجة زي كده دوس
الكورسا ممكن تجيب 30 الف
و بالتالي الفرق هيبقى حوالي 20 الف، و مش لازم تدفعهم مرة واحدة

بس تبقى جبت عربية تستاهل إنّك تصرف عليها، و تقعد معاك فترة اطول