عايز اوبل بس تكون نضيفة جدا

[delmero]

الايكو تيك

أستاذ أحمد مقلد ، احنا منقدرش ننسق طبعاً ، بس الحوار خدنا كدة شوية :)

هي الفيكترا عموماً بتسخن بالنسبة للجو المصري ، و دي حاجة معروفة و طبيعية لأنها متصممة للأجواء الاوربية ، انما مش بتسخن لدرجة مشاكل يعني
أما موضوع ال-99 و حساسات ال-2000 , أنا لي رأي ، لو الموتور بتاع ال-2000 و طالع مش ecotec يبقى هو هو نفس الموتور بتاع 99 يبقى مفيش مشكلة ، لكن ال-ecotec هو إلي حسساته كتير و غالية و د طبيعي لأنه ٢ كامة و MPI و هورس بور أعلى ، و كل حاجة تمنها فيها

شكرا يا استاذ فرحات بس على فكرة مش كل مواتير اليكو تيك 2 كامة في منه واحد كامة برضه....هيا بس المشكلة اللي موجودة في الاوبل 2001 و 2000 ان حساسات الكومبيوتر (مش شرط الموتور) غالية عن موديل 99 ...

[ahmedmaklad]

يا جماعة قولولي رايكو في العربية دي؟

بعد التدوير و الفحص و التمحيص ظهر واحد محامي في الوسيط عندة فكترا بتاعة موكل عنده(ده اللي هو بيقولة) الموكل ده راجل عجوز عنده 80 سنة و بيبيع العربية
هي فكترا 98 عاملة باين 80000 كم زجاج كهربا امامي 1600 cc مانيوال فابريقة برة و جوه و بيقول بحالتها و بيقول اتدفع فيها 66000 مارداش هو عايز 68000 انتوا ايه رأيكوا و عايز اعرف حاجة هي فيها ABS و لا اية؟ و مرايات كهربا؟؟؟ و اية الفرق بينها و بين 99 في ناس بتقولي شوف موديل 99؟ و اية رأيكوا في السعر؟
انا مش عارف دي لقطة؟ و لا استني شوية و انزل السوق يوم الجمعة بس انا مش بحب السوق بحس ان كله عربيات تعبانة

[ahmedmaklad]

نسيت

نسيت اقول ردوا بسرعه جدا عشان لو كدة اروح اخلص

[Ahmad Allawy]

والله انا ماقدؤش افيدك في السعر..
بس هي كعربية ولو حالتها فعلا زي ما بتقول..
تستاهل الرقم ده.. و تكون عربية كويسة..
عربية تتركب يعني.. حالة مستعمل نضيفة..
وشوف الناس الفيكتراويين الكبار بتوعنا هيقولولك ايه..:)
محمد بك مختار.. تعالي قولنا رأيك..

[ENG\AHMED]

بص عندة 80 عندة 100 و الكلام دة ملكش دعوة بية المهم العربية وموضوع العداد دة مش مقياس لحالة العربية حتى لو مش ملعوب فية

مواصفات العربية:
-2 زجاج كهرباء امامى
-تكييف(درج التابلوة مبرد)
-سنتر بالريموت(فى المفتاح)
-ايموبلايزر
-1600 كامة واحدة(الموتور العادى مش ايكوتيك)
-مرايات عادية(بس عادى الكهربة بتركب والفيشة موجودة)
-باور ستيرينج
-نظام تأمين ميكانيكى ضد السرقة
-وحدات رفع للزجاج

كل حاجة مش موجودة فى العربية بتركب والفيش موجودة لحد الكراسى الكهربة

مفيش اى فرق بينها و بين 99 هى نفس العربية متعرفش تفرقهم عن بعض

موضوع السعر بقى مش عارف انا سألت على عربيتى بس مفيش حد عايز يجاوب

[ahmedmaklad]

طب و ال Abs

طب هي فيها Abs و لا مش لازم

[ahmedmaklad]

حوالي 65 الف

بص انا سالت و اللي عرفتة ان الفكترا من 97 لحد 99 بتعمل من 60 ل 65 الف جنية حسب الحالة و الموتور ما تزيدش على كده

[ENG\AHMED]

من اول 96 كل الفيكترا فيها abs

[ahmedmaklad]

اوبل كمان

دلوقتي في عربية فكترا 97 1600 Cc عاملة 80000 كم انا لسة ما شفتهاش بس واحد صاحبي راح شافهالي بيقول حلوة و صاحبتها بتقولي هي مش بتتحرك عشان واقفة بقالها سنة و البطارية نايمة بس صالونها حلو و من برة حلوة بردة و فابريقة لسة مش عارف الموتور او العفشة عاملين اية و هي مش عندها حد ييجي معايا التوكيل مش عارف اعمل اية دي لقطة هي عايزة 85000 جنية ردوا عليا يا ريت يا جماعة عايز رايكوا

[farahat]

أنا رايي كتيييييييييييييييييييييييييير جداً

[ahmedmaklad]

سوري يا جماعة

سوري جدا 58000 جنية

[Ahmad Allawy]

عمرها ما هتجيب الرقم ده..
كتير جدا فعلا..
العربية دي اخرها اقل من 75

[Ahmad Allawy]

ااااااااااااااااااااااااه...
اكشف علي العربية دي دلوقتي..
خد بطارية معاك و خدها ع التوكيل..
ولو نضيفة.. توكل علي الله..
حتي لو هتصرف عليها شوية.. دوس..
لو صرفت عليها 6 ولا 7 برضه انت كسبان..
توكل علي الله..

[ahmedmaklad]

هي مش فاضية

الست بتقولي انه مش هينفع تيجي معايا و مافيش حد ييجي معايا بتقول هات ميكانيكي او سمكري يشوفها معايا بس انا مش بحب كدة مش عارف اعمل ايه

[ahmedmaklad]

صاحبي بيقول عليها حلوة و شكلها ماسكة نفسها و شكلها كويس بس طبعا التوكيل اهم انا عارف حتي يقولي حالة التكييف اية