حمدى على - الحرفيين

[الغزالى]

يا مراحب بأهل الاوبل
--------------
انا كنت عايز اقولكم على واحد فى الحرفيين اسمه حمدى على
عندى قطع غيار اوبل الراجل دة يا جماعه بجد ملوش حل تقربيا ارخص سعر فى الحرفيين او على الاقل لحد دلوفتى فى عربيتى الكيا
بجد لو حد ناوى يجيب حاجة استيراد يجبها من عنده على الاقل هايوفر فرق جامد بينه وبين اى حد تانى وربنا معاكوا ومعانا ويبعدنا عن حمدى على بس للضورة احكام بئى والعربيات ضرورتها كتير ,,
وشكرا ليكم

[Ahmed_lol2007]

مشكور ياباشا
بس ياريت لو تجيب لى رقمه ضرورى

[Amr_650]

طيب الرقم كام و العنوان بالتفصيل بعد اذنك

[tananybasha]

طيب باقى بياناته و عنوانه و تليفونه و مين اللى نكلمه و يكون عارفك او يعرف المنتدى عشان نعرف نتكلم معاه

[الغزالى]

مشكور ياباشا
بس ياريت لو تجيب لى رقمه ضرورى

طيب الرقم كام و العنوان بالتفصيل بعد اذنك

طيب باقى بياناته و عنوانه و تليفونه و مين اللى نكلمه و يكون عارفك او يعرف المنتدى عشان نعرف نتكلم معاه

طيب معلش يا جماعه ممكن تستنونى لحد بكرة وانا ان شاء الله هادور على رقمه واجيبه لحضراتكم
------------------
مستر طنانى هوا يعرفنى شكلا بس ميعرفش المنتدى ولا يعرف اسمى مجرد اما بروحله ازيك يا حبيبى وبتاع وضحك وخلاص على كدة اخد الى انا عايزة واطير
-----------------------------------------------------------
العنوان حضرتكم انا اعرف اروحه بس معرفش اوصفة اوى بس هوا انت بتنزل نزله المطار و مصر الجديدة من اخر الدائرى وبعد كدة بتلف يمين فى يمين بتكون فى الحرفين ,,, اول لما تخش الحرفين بتسئل عليه او على الاستاذ بتاع كيا هما معروفين اوى هنا
-----------------------
وهاخليى ابن عمتى برضو معانا هنا فى المنتدى ( sephia-2001 ) يخش يرد ويوضح العنوان اكتر

[Esam Mosaad]

السلام عليكم
وفعلا حمدى على بتاع اوبل برضوا وقطع غياره استيراد ورخيصه جدا بالنسبه لغيره

بالنسبه لرقم التيلفون للاسف معيش بس اقدر اوصف مكانه
وعشان اسهل الامر ليكوا

ديه خريطه لمكانه بس لمحل تانى فوقيه بالظبط واسمو الاستاذ هوا قطع غيار جديد
حمدى على تحتيه على طول

ط§ظ„ط§ط³طھط§ط°, ط§ظ„طط±ظپظٹظٹظ†, ط§ظ„ظ‚ط§ظ‡ط±ط©, ظ…طµط± | ط³ظٹط§ط±ط§طھ - ظ‚ط·ط¹ ط؛ظٹط§ط± ظˆظƒظ…ط§ظ„ظٹط§طھ | Yellow.com.eg | ط´ ط¯. ط§طظ…ط¯ ظ…ظ…ط¯ظˆط

[Amr_650]

السلام عليكم
وفعلا حمدى على بتاع اوبل برضوا وقطع غياره استيراد ورخيصه جدا بالنسبه لغيره

بالنسبه لرقم التيلفون للاسف معيش بس اقدر اوصف مكانه
وعشان اسهل الامر ليكوا

ديه خريطه لمكانه بس لمحل تانى فوقيه بالظبط واسمو الاستاذ هوا قطع غيار جديد
حمدى على تحتيه على طول

ط§ظ„ط§ط³طھط§ط°, ط§ظ„ط.ط±ظپظٹظٹظ†, ط§ظ„ظ‚ط§ظ‡ط±ط©, ظ…طµط± | ط³ظٹط§ط±ط§طھ - ظ‚ط·ط¹ ط؛ظٹط§ط± ظˆظƒظ…ط§ظ„ظٹط§طھ | yellow.com.eg | ط´ ط¯. ط§ط.ظ…ط¯ ظ…ظ…ط¯ظˆط.

بص يا ريس ,,لو تعرف توصفو من داخلة الحرفيين يبقى تمام اوى ,,يعنى من اول المنزل لحد اول مطب ,,من هنا تكمل يبقى ظبطتنا ,,

[tananybasha]

تسلم يا باشا
و ياريت وصف اكتر

[الغزالى]

بص يا ريس ,,لو تعرف توصفو من داخلة الحرفيين يبقى تمام اوى ,,يعنى من اول المنزل لحد اول مطب ,,من هنا تكمل يبقى ظبطتنا ,,

قصدك على المطب الغبى العالى اوى دة الى فى اول الحرفيين من نزله المطار

تسلم يا باشا
و ياريت وصف اكتر

معلش يا طنانى ومعلش يا جماعه بس بجد والله انا مش معايا رقمه ولما بروحله بنسى اخد الرقم منه خالص
--------------------------
هوا لو من نزله المطار ,, هايكون وصف العنوان كذالك اول لما تخش الحرفيين هاتكمل على طول لحد اما تلاقى قدامك 4 مفارق واحد على يمبنك وواحد فى وشك و 2 على شمالك وفى واحد منهم على الشمال بتاع بى ام وحاطط العلامه كبيرة انت هاتخش الشارع دة وللتوضيح اكتر هاتخش المفرق ال تانى من على شمالك او الى شمال المفرق الى فى وشك وتكمل على طول فى الشارع دة هتلاقيه فى وشك تحت محل الاستاذ
------------------------------
معلش ان وصفى غبى جدا بس للاسف مش بعرف اوصف الطرق بس حاولت اساعد حضراتكم على اد مأقدر
-------------------------
هوا ممكن على فكرة حد يتصل بمحل الاستاذ ويستأذنه وياخد منه رقمه هوا تحته على طول

[Esam Mosaad]

برضوا وصف تانى لعل وعسى

بالنسبه لنزله المطار من على الدائرى تمام وقبل الكوبرى الى هيوديك على مدينه نصر او مصطفى النحاس هتلاقى دخله الحرفيين
على ايدك اليمين تمام
قبلها هتكون مهدى لما تشوف الكوبرى وتدى اشاره يمين عشان الى جى وراك بيبقى جى بسرعه
لو فرضنا انك عديت الفتحه ديه
مفيش مشكله هتكمل قدام شويه يعنى وانت فى نص الكبرى كدا هتلاقى دخله يمين اول متدخلها هتدخل يمين تانى وهتكمل طوالى
هتلاقى نفسك رجعت تانى عن الفتحه الى انت فوتها تمام
المهم
بعد مدخل من الفتحه على اعتبار انك مفوتهاش هتكمل طوالى وهتلاقى الطريق رايح جى وديق نوعا ما
بعد حوالى 100 متر هتلاقى مطب غبى تمام هتعديه براحه عشان متزعلش واول متنزل من عليه
هتلاقى مفرق طريقين واحد يمين وواحد شمال
طبعا الشمال هيوديك على المساكن وده مش عاوزينوا
هتدخل يمين وهتلاقى زى منحنى والطريق مكسر نوعا ما يبقى انت كدا فى بدايه الحرفيين
بعد برضوا المنحنى والطريق ابتدى يظبط هتلاقى مطب غبى زى الى قبليه بس صغير
هتلاقى بقى الورش على شمالك كتير وعلى اليمين سور
من هنا اقدر اقول الى جى سهل لانك لو سالت اى حد على الاستاذ بتاع الكيا هيقولك طريقه
غير كدا ان اى دخله شمال هتوديك ليه

بس محدش يدخل الدخله الاولى لانو مكان مقفول مش شارع يعنى
تانى دخله شمال هتوديك بس فى اخر الشارع هتدخل يمين وهتمشى حوالى 100 متر وهتلاقى يافطه الاستاذ على شمالك
هوا تحتيه على طول على فكره انا بقول الاستاذ لانوا مشهور اوى هناك وبرضوا حمدى على مشهور اوى بس ملهوش يفط لانوا نازل بسلالم لتحت
لو فرضنا انك دخلت من تالت دخله شمال هتمشى برضوا لاخر الشارع وهتمسك يمين حوالى 50 متر هتلاقى نفس الموضوع

لو عاوز تدخل وتطلع عليه على طول يبقى بعد المطب الغبى رقم 2 هتمشى حوالى 200 متر
هتلاقى تقاطع
شارع جى من اليمين وشارع على الشمال وشارع طوالى
هتدخل شمال وهتخلى بالك ان الطريق مفهوش اشارات واول متدخل من الشارع شمال على طول هتلاقى الاستاذ على يمين وحمدى على تحتيه وقصاد حمدى على واحد برضوا بتاع اوبل

لو فرضنا انك جيت عند التقاطع ومدخلتش شمال وكملت طوالى هتكمل لحد مهتلاقى نهايه الطريق شارع بالعرض هتمسك شمال فى شمال برضوا وهتمشى حوالى 300 متر هتلاقيه على يمينك

والمكان ميتوهش لان كل ديه الحرفين واى شارع هيطلعك عليهم المهم تروح بدرى للى عاوز عشان تبقى مرتاح وانت بتركن وانت بتمشى برضوا
وحمدى على بيوصل على 11

ويارب اكون افدتكوا