طلمبه البنزين هتجنينى

[ashrafnoby]

بسم الله الرحمن الرحيم

ياناس ان هتجنن من الطلمبه ان مغير الطلمبه تانى امبارح لرابع مره صدقونى انا هنوى ابيع العربيه بجد وبدون هزار لو الموضوع ده متحلش انا كده من يومين قلت احط بنزين 80 زى هلالى وطنانى وسافرت بالعربيه الزقازيق ورجعت من 5 ساعات وفجاء العربيه مش شغاله والطلمبه مش بتنطق واتصلت انا امبارح بطنانى وتعبته معايه وطلع العيب برده طلمبه وللعلم الطلمبه بوش اصلى انا اعمل ايه دلوقتى شوفولى حل لانى فعلا هنوى ابيع العربيه بلا رجعه للاوبل وحتى لو هخسر فيها ده انا امبارح جبت وحده صينى ب95 جنيه والراجل بيقول كويسه وبضمان كمان وقالى لو فيها حاجه رجعهالى .................................................

انا عايز اقول على حاجه ايه رايكم انى اركب طلمبه خارجيه زى اليابانى بس عايز حد يقولى على نوع كويس والبار بتعها يكون 14 بار مثلا انا هطول الماسوره مكان الطلمبه بواحده نحاس وهركب فيها فلتر ومش هخلى الماسوره توصل للقاع بتاع التنك واركب الطلمبه تحت التنك قبل الفلتر على الشداد الماسك بين العجلتين ايه رايكم فى الفكره دى ولو حد عنده كهربائى كويس بيكون بيفهم انا ممكن اجيلو من الاسماعيليه لاى مكان بس ياريت حد يرد عليا لانى نويت لو الموضوع ده متحلش باذن الله انا هودع الاوبل للابد وبلارجعه


انا كنت عايز اسال سوال مهم لو انا عايز اعمل صيانه للمارش اجيب منيين جلب اصلى
هل التوكيل بيعمل صيانه للمارش ولا بيغير فقط

[mera11]

ما تجرب طرمبة استيراد

[ashrafnoby]

مالى كانت راكبه استيراد و فرنساوى

[tamertamer]

بص لو تكرر العيب يبقا فى مشكلة لازم تتعالج وبعد كدة تغير الطرنبة طبعا حكاية 80 دية انا برفضها تماما بس كل واحد حر انا لما باظت الطرنبة جبت وحدة بوش اصلى 300 ج وبقلها بتاع سنة زى الفل شوف العيب الاول ممكن يكون فى مشكلة فى الكهرباء بتعتهاء بتخليها تفصل والطرنبة فى الفكترا بتاخد تبردها اولا من البنزين ولو قطعت منك بتبوظ لانها كهربا لو انقطع عمود البنزين جواها شكرا شوف انت اة قالى بيخليها تبوظ ممكن يكون العمود البلستك بتعها معوج مثلا فبتميل لازم يتكشف كويس

[waoola_78]

بص لو تكرر العيب يبقا فى مشكلة لازم تتعالج وبعد كدة تغير الطرنبة طبعا حكاية 80 دية انا برفضها تماما بس كل واحد حر انا لما باظت الطرنبة جبت وحدة بوش اصلى 300 ج وبقلها بتاع سنة زى الفل شوف العيب الاول ممكن يكون فى مشكلة فى الكهرباء بتعتهاء بتخليها تفصل والطرنبة فى الفكترا بتاخد تبردها اولا من البنزين ولو قطعت منك بتبوظ لانها كهربا لو انقطع عمود البنزين جواها شكرا شوف انت اة قالى بيخليها تبوظ ممكن يكون العمود البلستك بتعها معوج مثلا فبتميل لازم يتكشف كويس

زى ما قال الاستاذ / تامر بالظبط

انا غيرت طلمبة بنزين بوش ب 300 جنية اصلى من محمد اوبل فى صقر قريش ( بس هو اكدلى ان كل قطع الغيار اللى فى السوق صينى وبيتم تجميعها فى البلد اللى هاتبعتهولك او بيحفرو الصناعة هنا فى مصر ) المهم :

غير فلتر البنزين . غير البنزينة لان فى محطات بنزين بتغش البنزين . وممكن يكون التنك مرسب شوائب فانصيحة فول على نص التنك دايما عشان الرواسب ماتخشش فى الطلمبة

انا بستعمل 80 والحمد لله شغال . وبص على فيشة الاوكتان شوفها مظبوطة على 87 ولا لا

وربنا يوفقك

[tamertamer]

على فكرة مصنع بوش فاتح فى الصين بقالة سنين فكلة صينى عشان محدش يضحك عليك بس بيجى مع الطرنبة الاصلية كارت لونة احمر على ما اذكر وفى ختم من اسفل الطرنبة وطبعا خامت الطرنبة بينة

[callsdiab]

انا ركبت الطرمبة فى 2000cc بوش اصلى جديدة ب800جنيه
الراجل كان بيقولى مهم جدا تنظيف التنك جايز يكون فيه رايش من البنزين
المهم بعد ما ركببت بيومين قطعت تانى لما فكيت لقيت بلاستيكة سلوفان صغيرة لازقة فيها
شلتها واشتغلت، مش عارف ده اكيد كان ملزوق عليها واللى ركب مشافهاش، واحد صاحبى كمان قاللى اربط مغناطيس ونزللو التنك وهو فاضى قبل التركيب، علشان يلم كل الرايش عدوها الاساسى، مع ان بيركب عليها فلتر برضو ممكن حاجه تعدى
بس حقيقى موضوع البنزين ال80 ده انا اول مره اعرف انه ممكن يتحط ومايقصرش على الانجكشن

[tananybasha]

والله مش عارف اقولك ايه
بس ده لا عيب بنزين و لا طرمبة
انا شاكك ان عندك قفلة كهربا او كهربا عالية بتوصل للطرمبة تحرقها

[meika]

اهد يا عم اشرف
ممكن يكون العيب من الكهربا بتعلة على الطرمبة

[ehabshalaby]

هات الطرمبه من نص استيراد و غير الفلتر اللي جوه التنك طبعا بعد ما تتأكد ان الكهربا سليمه وهتعملها حوالي 250 و بالنسبه للمارش اللي بيبوظ فيه هو ترس البيندكس ممكن تلاقيه و تقريبا بتاع اللانوس بينفع بس الافضل تجيب المارش استيراد و بيعمل حوالي 200 جنيه

[ehabshalaby]

جرب الطرمبه على البطاريه و شوف ايه الوضع

[ashrafnoby]

ا[size="4"]لحمد لله الطلمبه الاستيراد الاى كانت راكبه صلحتها وانا الاى صلحتها جبت دبليو 40 وقلبتها لمده ساعتيين وشغلتها والحمد لله اشتغلت كويس وجربتها على الماء وكانت كويسه ووالحمد لله بس انا خايف انى اركبها مع العلم هى شغاله كويس حدا وصوتها بيعلى مع التشغيل وصوت ناعم وانا اكتشفت ان الطلمبه كانت راكبه بدون فلتر لان البيه الكهربائى ركبها بدون الفلتر علشان معرفش يركبها بالفلتر وده مع الاسف انا عايز اسال هو فى حد بيبع الفلاتر ديه
اما موضوع المارش انا كنت عايز اعرف الجلب بتاعت المارش بتيجى جديده منيين والشربون بتاعها برده بيجى منيين

[tananybasha]

جلب المارش بتتعمل عموله عند خراط نضيف نحاس المانى
طقم الشربون ب 60 جنيه بقاعدته

[ashrafnoby]

شكر ياعم طنانى وانا شاء الله هتيجى امتى الاسماعيليه انا مستنى تليفون منك وانا زعلان منك علشان متصلتش بى تطمن عليا من الطلمبه

[meika]

شكر ياعم طنانى وانا شاء الله هتيجى امتى الاسماعيليه انا مستنى تليفون منك وانا زعلان منك علشان متصلتش بى تطمن عليا من الطلمبه

انا وطنانى باذن الله هنيجى نتغدا عندك