ارجوا المساعدة

[Xpert]

لاء يا عم عاجبني .. انا هاسكت احسن اتضرب :d
الخبره بس في ان انا كنت في السوق ايام ازدهاره ... و خلعنا قبل الانقلاب :d

[Ahmad Allawy]

لا يا باشا وانا اقدر برضه..؟؟
انا شوفت البيانات و الف شكر ليك علي مجهودك والله يا بيشو..
انا حاولت فعلا اتصل بيهم قعدت يوم كامل اتصل بالرقم..و مشغول علي طول..
زهقت يومها.. اتصلت مالا يقل عن 50 مرة..
نجرب تاني بكرة ان شاء الله.. ورانا ايه..!!!

[Xpert]

Gamil Philipos Ghaly
124 Gisr El Suez St.
Cairo

tel : 00202577103

جرب تاني و لو ماعندهمش فرع للبيع بالتجزئه اساله بيوزع لمين و مين تلاقي عنده الاصلي ;)

[Ahmad Allawy]

والله 10/10 يا بيشو..

تمام يا باشا تسلم ايدك..
هاحاول معاهم بكرة باذن الله تاني..
و ربنا يسهل و يردوا عليا بقي.. :)

[Ahmad Allawy]

بيشو..و عمرو ..
انا اتصلت بتوكيل بلشتاين اللي بيشو اداني رقمه..
هو بيبيع جمله بس..
اداني نمرة الموزع اللي بياخد منه.. اسمه الجوهري في مدينة نصر..
رقمه اهو.. 0101779682
مكانه قريب جدا من السلاب مكرم عبيد.. هو قاللي لو هتيجي كلمني و هاوصفلك بالظبط او اجيلك..
اما فيما يخص الاسعار..
المساعدين البلشتاين عنده سعرها تقريبا زي امريكان ستار الطقم 1200
الامامي 650 و الخلفي 550
اما فيما يخص الطنابير..مفيش بلشتاين في فيبي.. وتمنهم الجوز 220جنيه..
يعني سعرهم مفيهوش فرق كبير بين الماركات التانيه..
يبقي معني كده ان الماركة دي كويسة.و الماني فعلا..
شكرا يا بيشو ع المعلومات..

[Xpert]

البيلشتاين الماني و ماركه معروفه جداً .. الفيبي febi برضه تبع نفس المصنع (تبع الشركه الام المالكه لبيلشتاين) و برضه شركه معروفه ... بس حاول تدور علي طنابير ايطالي ماركه بريمبو brembo بتبقي احسن بس مش عارف موجود للاوبل ولا لاء

[Ahmad Allawy]

يا بيشو..
انا علي فكرة سألت محمد بك ممدوح واحد من مولك قسم الدايو هنا في المنتدي..
اللي هو بيركب تيربو تشارجر لأي عربية حاليا..
هو حاطط في التوقيع بتاعه كل انواع الحاجات اللي حاططها في عربيته..
من بوجيهات لأسلاك بوجيهات.. سيور زيوت كاوتش.. وضمنهم الطنابير البريمبو..
سألته عنها للأوبل..
قاللي انها للدايو كانت موجودة.. و وهو بيسأل عنها للدايز كانت موجودة للأوبل و كان سعرها مش غالي قوي..
يعني تفرق عن الكوري بتاعت الدايو بتاع 50 جنيه للجوز.. يعني سعرها تقريبا مش هيفرق حاجة عن الفقيبي..
"الراجل اللى عندة بريمبو للاوبل كان فى الحرفيين و نمرتة 0107250508
ده اقتباس من رسالة الباشمهندز محمد ممدوح اللي سألته فيها عن الموضوع ده..

[Xpert]

يا باشا طبعاُ عارف المعلم محمد ممدوح .. هوه فيه حد مايعرفوش :d
فرق السعر فعلاً مش كتير .. و ده يرجع ان الطنابير اللي موجوده دي مش النوع الرياضي بتاعهم .. ده الريبليسمنت بتاع الاوريجينال .. بس الخامه بتاعتها حلوه و طنابير تمام ... بس طبعاً تكون شرط : الاصلي .... المضروب مافيش داعي نتكلم عنه ... تتاكد مليون% ان الحاجه اللي انت بتشتريها دي تكون اصلي ... وماتكونش مضروب او صيني او الكلام ده .. الله الغني :d

[Ahmad Allawy]

طبعا يا بيشو من غير كلام..
دي فرامل و عجل و حوارات..
ارواح ناس يعني..
مينفعش نسترخص في الحاجات الحيوية جدا دي..

[engamrnour80]

احبتئى اعضاء المنتدى ......خاصة بيشو طيارة و احمد علاوى
احب اعرفكم انا عملت ايه
اناروحت توكيل الصيانة بتاع اوبل فى سوهاج و غير الطنابير بنوع اسمه ateالنوع دة فى ناس كتير شكرتلى فيه و قالولى كمان حط منه زيت الباكم بتاعه حلو اوى
عارفين علبة الزيت الباكم ال ate بكام ب 50 جنيه
المهم انا روحت ركبتهم و انا خارج من التوكيل بعد ما المهندس جرب العربية لقيت المشكلة (الرجرجة بتاعت الفرامل) لسه موجوده رجعتلو قالى عشان انت مغيرتش التيل قولتلو بس التيل جديد قالى خلاص امشى بيها يومين و الطنابير عتطبع التيل و كلة هيبقى تمام
المهم روحت قولت اجرب الفرامل سحبت بالعربية لحد 100 تقريبا و اقمت دايس فرامل و اوبس
العربية كلها اتغير اتجاها 90 درجة ناحيت اليمين و ربنا ستر و اقدرت اسيطر على العربية طبعا الحمد لله انها المانى والا كانت اتقلبت الحمد لله قدر الله
روحت رايح لواحد ميكانيكى شاطر قام قالى اللى غيرلك الطنابير منه لله قفل على الفرامل من ناحيت اليمين ورا و قدام يعنى الفرامل بتمسك من جمب واحد بس
و راح فاكك كل خراطيم زيت الباكم و المشترك و لقى يا ساده الخراطيم اللى فى الشمال مسدودة و الراجل فضى الزيت و نفخهم بالهوا المضغوط و ركب و ملا زيت بالكم تانى و النتيجه
العربية فرامل زى الحديد وز لا لما كانت زيرو لو على 140 دوس فرامل العربية لاتروح يمين ولا شمال فى نفس الاتجاه و تقف ....... و الحمد لله مرة تانية انها متقلبتش بيه
قولولى اعمل ايه مع بتوع التوكيل
و معلش انا طولت عليكم بس انا قولت اقولكم عشان محدش يحصل معاه اللى حصل معايا
الحمد لله قدر الله و ماشاء فعل
اخوكم
eng-amrnour

[Xpert]

هوه بيني و بينك بتوع التوكيل مش قد كده ... بص انصحك بشده ... تغير خراطيم الباكم بتاعه الفرامل و تخلي الميكانيكي يفك الاطراف بتاع مواسير الفرامل كلها (من عند جهاز الفرامل .. و من عند الماستر) و ينفخ فيهم بالهواء (الكومبريسور) و تغير الخراطيم ... عاده انسداد خرطوم الباكم ده مايطمنش ... Better safe than sorry
;)

[engamrnour80]

بص يا باشا هو الراخل عمل كده فك الخراطيم كلها و نضفعا بالهوا المضغوط بس مقاليش فى حاجة عاوزه تتغير ولا لا

[Xpert]

هوه يفضل برضه لو غيرتها ... الفرامل شئ لا يستهان به

[Ahmad Allawy]

الحمد لله علي سلامة سعاتك يا باشا..
والحمد لله انها جت علي قد كده..
بس انا لو منك كنت روحت التوكيل و عملت مشكلة..
و تخليهم يغيروا الخراطيم دي علي حسابهم و يظبطوا العربية..
اصل في اماكن كتير كده.. و يبدو ان التوكيل اللي عندك من النوع ده..
مش يحترنك ولا يخاف منك الا لو عملت ليه مشكلة..
عموما.. اهو درس و الحمد لله عدا علي خير..

[engamrnour80]

مانا بفكرة اروح التوكيل و ابهدلهم بس قولت اخد رايكم برضو النصيحة من اهل الخبرة اكيد مفيده