بعد العمرة

[danash]

عملت نصف عمرة يمن تكونو فاكرين الأوبل فيكترا 96
المهم كملت 500 كم بعد العمرة وغيرت الزيت والفلتر
الزيت جيبته نوع شل ب39 جنيه الأستاذ نادر قال لى مش حاينفع المهم الميكانيكى قال لى شغلة على 2000كم وإبقى غيرة بأحط بنزين 90
اليومين دول الصوت عالى عند الدوارة الصبح لمدة ربع ساعة ويرح بع ما تسخن دة طبيعى ولا فى مشكلة من الزيت

[Ahmad Allawy]

لأ عادي متقلقش يا باشا..

[NaderNabil]

لحد 5000 كيلو بعد التعمير هتلاقي العربية غريبة و صوتها عالي....

بعد كده استمر علي زيت تخليقي و بنزبن 92 عشان تاخد أداء كويس

[Ahmad Allawy]

لا والله يا نادر..
مش شرط 5 الاف يعني..
بيتهيألي اقل من كده.
انا اصلي عمرت عربية قبل كده.. و كانت عمرة كاملة.. مش نص عمرة بس..
و بعد حوالي 2000 كم كانت العربية في منتهي الجمال وزي الفل..
اما بالنسبة للزيت التخليقي ولا المعندي بصراحة معلوماتي في الموضوع ده تقريبا صفر..
ممكن نسأل حد خبرة في شركة زيوت..(في واحد قريبي في كالتكس ممكن اسأله و اقولكم المعلومات اللي عرفتها)
اما بالنسبة للبنزين 92.. بيتهيألي انه ده المفضل للعربيات اللي بعد موديل 90 اصلا..
يعني انا عربيتي 97 و نازلة تمشي علي 92 و 95..
يعني اقل حاجة ليها 91 بالظبط..
هو لو عايز يريح الموتور اكتر يمشي شوية علي 95.. لأن 92 المفروض انه ده يبقي الطبيعي بتاعها..

[danash]

لك جزيل الشكر مهندس أحمد علوى
وياريت ترد على فى موضوع الزيت التخليقى والمعدنى وهل ينفع أحط تخليقى بعد المعدنى بصراحة عاملين معايا أحلى واجب واضح إن إصحاب الأوبل ناس جد ومحترمة
فى كلامها

[Ahmad Allawy]

شوف يا باشا..
انا لسة قافل التليفون دلوقتي حالا مع قريبي مهندس في كالتكس..
يعني الزيت لعبتهم..
المهم..
خلاصة القول :
لو حبيت تغير من زيت تخليقي لمعدني او العكس عادي براحتك مش مشكلة..
بس اهم حاجة تعمل حاجة اسمها (فلاشينج) او غسيل.. وده بيتعمل ازاي..؟؟
انك الزيت الجديد اللي حطيته تغيره علي 2000 كم فقط.. حتي لو زيت تخليقي 20 الف كم..
ومفيهوش مشاكل زي ما الناس بتقول انك لو غيرت الموتور يفوت و الكلام ده..
دي حاجة..
الحاجة التانية انه لا داعي اصلا ان الواحد يحط زيت تخليقي بداعي ان الزيت بيقعد كيلو متر اكتر..
علي كلامه بالنص "الزيت التخليقي ده معمول لعربيات السباق.. اللي موتورها بيلف علي من 16 الي 20 الف لفة ف الدقيقة.. و بيطلع هورس باور في حدود 900 الي 1000 حصان.. يعني معدلات حرق عالية جدا..و حرارة رهيبة..و اكسده شديدة جدا.. لكن عربياتنا احنا اخرنا 4000 ار بي ام.. و كبيرنا 130 حصان..وده معناه اننا مش محتاجين لزيوت تخليقية اصلا في عربياتنا.. الموضوع كله اصلا دعاية و مبيعات..و موضوع ان الزيت يقعد 20 الف كم و كده فده فيه رسك اصلا.. مخاطرة يعني.. عشان الزيت ممكن يفقد خواصه و الاضافات اللي عليه و انت تسيبه فترة زيادة وده فيه خطورة علي الموتور.."
رأيي الشخصي.. حط زيت معدني بس نضيف.. من بتاع ال5000 كم وتعامل عادي.. و تغير علي الوقت مش المسافة.,. يعني انا هاغير علي سنة.. مش هاسيب الزيت عندي اكتر من كده..
عموما ظبط نفسك كده و لو في حاجة اسأل تاني وانا تحت امرك..

[danash]

شكررررا يا باشمهندس أحمد