مساعده من خبراء الاوبل ... كورسا 2000

[behman]

العربيه صوت التاكيهات فيها عالي و بتاكل بنزين .... و لمبه الزيت بتنور علي السلانسيه ولما
ازود للعربيه بنزين بتطفي .... ده غير ان العربيه بتسقف عليي السرعات الواطيه بزياده
ياريت حد من الخبرا يعرف يشخصلي العيوب دي من ايه ؟؟
و اسعار قطع الغيار اللي عايزه تتجاب

[hanykd]

السلام عليكم ورحمة الله

أولا بالنسبة للمبة الزيت اللى بتنور على السلانسية حضرتك بص على ساعة الزيت ودى فى صدر العربية جنب مقاس الزيت وتأكد أن الزيت مش بينقص

الأعراض التانية الخاصة بأنها بتاكل بنزين وتبطل لما تزود وتسقف على السرعة الواطية
لو لمبة التشيك مش منورة فى التابلوه عندك يبقى دة عيب بنزين أو بوجيهات وموبينا
لو منورة يبقى حساس تى بى اس

موضوع التسقيف دة حايتحل لما تتحل مشكلة البنزين لان العربية المفروض ماتسقفش عشان فيها حساس كرنك

أكشف كومبيوتر على العربية علشان تطمن وأى سؤال انا فى الخدمة

أخوك فى الله هانى

[behman]

السلام عليكم ورحمة الله

أولا بالنسبة للمبة الزيت اللى بتنور على السلانسية حضرتك بص على ساعة الزيت ودى فى صدر العربية جنب مقاس الزيت وتأكد أن الزيت مش بينقص

الأعراض التانية الخاصة بأنها بتاكل بنزين وتبطل لما تزود وتسقف على السرعة الواطية
لو لمبة التشيك مش منورة فى التابلوه عندك يبقى دة عيب بنزين أو بوجيهات وموبينا
لو منورة يبقى حساس تى بى اس

موضوع التسقيف دة حايتحل لما تتحل مشكلة البنزين لان العربية المفروض ماتسقفش عشان فيها حساس كرنك

أكشف كومبيوتر على العربية علشان تطمن وأى سؤال انا فى الخدمة

أخوك فى الله هانى

اولا احب اشكرك علي المشاركه و الافاده يا هندسه ...
هو لمبه تشك انجن مش منوره ... و العربيه مش بتبطل ... بس عشن ماتسقفش لازم تتشبع بالبنزين
يعني لازم دوسه زياده شويه و العربيه في السحب متوسطه و في الجري زي الفل بتجيب 140
ده غير ان صوت التاكيهات عالي و عرفت انها بتظبط التاكيهات لوحدها ... ماينفعش اظبطلها التاكيهات يعني
لو كشف عليها كمبيوتر ... تفتكر ممكن يطلعلي ايه والعيوب دي موجوده
وعلي فكره هي عربيه خطيبتي و جايباها بالكلام ده وبقالها معاها حوالي 6 شهور كده

[hanykd]

السلام عليكم ورحمة الله

طبعا يفضل تعمل سكان للعربية عشان تكون مستريح ومطئمن طالما اللى راكبها ست مش راجل


أخوك فى الله أبو عمر

[ashrafnoby]

انا عايز اسال سوال
هى الاوبل بيتظبط ليها تكيهات ولا لا
ممكن تكون التكتكه دى من فلتر الزيت لو انت لسه مغير زيت او الزيت نوعه وحش
لانى انا جبت فلتر زيت جى ام وبعد مركبته سمعت للعربيه صوت تكتكه وده فى الصبح فى الدواره الاولى والميكانيكى قالى ده من الفلتر لان الصمام الموجود فى الفلتر كان ضعيف ورحت غيرته والحمد لله الصوت اختفى
وممكن يكون الكوستبانات عايزه تتنضف بس انا مش عارف تتنضف الزاى ياريت لو حد عنده فكره يقولنا وايه فايده الكوستبنات

[behman]

انا عايز اسال سوال
هى الاوبل بيتظبط ليها تكيهات ولا لا
ممكن تكون التكتكه دى من فلتر الزيت لو انت لسه مغير زيت او الزيت نوعه وحش
لانى انا جبت فلتر زيت جى ام وبعد مركبته سمعت للعربيه صوت تكتكه وده فى الصبح فى الدواره الاولى والميكانيكى قالى ده من الفلتر لان الصمام الموجود فى الفلتر كان ضعيف ورحت غيرته والحمد لله الصوت اختفى
وممكن يكون الكوستبانات عايزه تتنضف بس انا مش عارف تتنضف الزاى ياريت لو حد عنده فكره يقولنا وايه فايده الكوستبنات

هو الناس بتوع اوبل مالهم نايمين كده ليه؟؟ ولا الموضوع صعب ؟؟

[elewey]

هو الناس بتوع اوبل مالهم نايمين كده ليه؟؟ ولا الموضوع صعب ؟؟

مش نايمين و لا حاجة هى المشكله ان الكورسا قليله مش زى الفكترا و الاسترا كمان الموديل دة مشاكله كتيرة عشان موضوع الحساسات انا معايا 94 اللى هى 1200 سى سى بس انا صراحة عمرى ما سمعت عن تاكيهات فيها خالص انا اعرف ان الاوبل عمومآ مفيهاش ضبط تاكيهات