نصيحه

[dodge200]

استشاره أو نصيحه انا معايا أوبل فيكترا 97 و بقالها معايا 5 سنين الحمد لله شفت الحلو اوى والوحش اوى من ناحية التصليح بس انا نفسى اغيرها و مقدرش اكمل الزياده الجامده اللى تخلينى اجيب نيو فيكترا او جيتا او اوكتافيا فا عايز النصيحه فعربيه يابانى او كورى او اوروبى و لو حتى مستعمله و لا اخليها معايا لحد ما ازود بس كده ان شاء الله هستنى كتير :) ارجو النصيحه لو سمحتم يا أهل الخبره

[delmero]

الالماني يكسب حتى لو قديم ....و النيو فيكترا مافرقتش كتيير عن ال 97

[Mustafa_Farouk]

In my opinion, I like Germany's cars and like Renault Megane and Subaru Impreza.

You want buy it new or used??

[Ahmad Allawy]

خليها معاك بدل ما تغير و تجيب مستعمل برضه..
الي تعرفه احسن من اللي متعرفوش..
عربيتك علي الاقل انت عارف كل اللي فيها و عامله بايدك..
استني عليها عشان لو ركبت ياباني مستعمل فوق ال2000 الموديل يعني..
لو انت بتحب الجري وا لشد.. يبقي دوس.. لكن علي حساب الثبات و دلع الالماني..
الالماني طعم تاني..
الالماني زي ما انت عارف و كلنا عارفين و الاوبل يعني علي الاخص.. تجميعها
مش جامد قوي في الاول .. بس بعد كده انسي..
شوف انت بقي.. جرب الياباني و شوف انت هتبقي مرتاح نفسيا معاه ولا لأ..

[amir_ezzat]

عايز نصحيتى انا ركبت الالمانى واليابانى انا حاليا معايا فيكترا 97 200 سى سى الحمد للة من ناحية الاصلاح والكلام ده الحمد للة ماشية مش وحشة يعنى
وكان قبل كدة معايا لانسر 1600 موديل 99 والله العظيم العربية دى عمرها ما عملت معيا حرجة وحشة وشغال انا فى شرم الشيخ كل شهر رايح جاى والله كانت 100 100 الفرق كله فى الثبات بس يعنى الانسر بعد 160 حفيفية شوية انما حلوة وزى الفل ولو انت عايز فى القاهرة مش هتفرق معاك الموضوع ده قوى مبقاش فى طرق فى القاهرة تسمح انك تمشى فوق ال 120 فترة طويلة

[dodge200]

طب حد يقوللى على عربيه جربها و أقتنع بيها زى الألمانى انا كنت بفكر فى الانسر 1600 مو2005 بس احب أعرف أراء الناس برده و الأستفاده كويسه من الغير

[link7200]

هات بى ام m40 320 و الباقى من الفلوس ياتصين و تروشها ياما اعمل الى انت عايزو و لو قارنت بين العربيات حتلاقى العربيه دى هى الكسبانه
دفع خلفى :يعنى صيانة العفشه اقل و اتزانها فى الملفات افضل من الامامى
موتور: 2000 سىسى 6 سليندر انجكشن 170 حصان
الاتزان: امشى بيها 200 حتحس انك 120 بالابل بتاعتك
قطع غيارها : غاليه بالنسبه للعربيات الى فى نفس الموديل بس ارخص من عربات كتير جديده + انها معمره اكتر من غيرها
السعر : فى ناس كتير بتطلب ارقام فلكيه بس هو مش حتعدى 50 الف لو نضيفه