اوبل استرا انجوى 2007 أفيدونى يا اهل الخبرة

[amoor_mod]

السلام عليكم
يا جماعة يا ريت حد يساعدنى فى تقييم الاوبل استرا 1600 موديل 2007 انجوى كاداء وقطع غيار وصيانة ومصاريفها عاملة ايه
العربية 2007 انجوى عاملة 77000 كيلو صيانة توكيل وفيها خبطة فى الشنطة اتعملت فى التوكيل
سعرها يبقى كام
وهل هى عربية محترمة ولا لا انا خايف تكون ضيقة من جوه
وخايف تكون صيانتها مبالغ فيها والتوكيل يلبسنى
يا ريت اعرف لو ليها قطع غير استيراد او حاجة تانى غير التوكيل
وهل هى تقفيل المانى
وهل لازم الصيانة تبقى فى التوكيل وكل 5000 ولا ممكن مركز صيانة بره وكل 10000
انا هقرر على حسب كلامكم
افيدونى افادكم الله

[KHALED AYMAN]

العربيه فتيس ايزى ترونيك ..
حضرتك جربته ؟
جربه الاول فى السواقه لانه غالبا مش هترتاح معاه ...واساسا الفتيس مكلف شويه ..
فمبدأيا لا انصحك بيها
لكن غير كده حدث ولا حرج عن مميزات العربيه
صيانتها الدوريه مش غاليه ..اصلاح الاعطال لا قدر الله مكلف جداا
الصيانه كل 10 الاف ..مفيش مشكله

[amoor_mod]

متشكر يا باشا لاهتمامك
حضرتك عندك فكرة السعر يبقى كام

[N.a.j.d]

العربيه كويسه بسسسسسسس التوكيل سيئ

[KHALED AYMAN]

بصراحه معرفش السعر ..بس هى عموما فى رينج 90 -100

[Mustafa_Farouk]

السلام عليكم،

لو إنت حتشتريها، جربها الاول، عشان لو معجبتكشي، والله حضرتك لو في مصر الجديدة كنت حقلك تجرب عربيتي بس أنا شايف انك في ٦ أكتوبر، ربنا يكرمك إن شاء الله . هو مطلوب فيها كام لو بعد إذن حضرتك .

[kar!m]

السلام عليكم،

لو إنت حتشتريها، جربها الاول، عشان لو معجبتكشي، والله حضرتك لو في مصر الجديدة كنت حقلك تجرب عربيتي بس أنا شايف انك في ٦ أكتوبر، ربنا يكرمك إن شاء الله . هو مطلوب فيها كام لو بعد إذن حضرتك .

وحضرتك ايه رأيك فى الفتيس الايزى ترونيك؟ .. يعنى مع التعود بيبقى كويس ولا رخم فى السواقه؟

[Mustafa_Farouk]

وحضرتك ايه رأيك فى الفتيس الايزى ترونيك؟ .. يعنى مع التعود بيبقى كويس ولا رخم فى السواقه؟

السلام عليكم،

بصراحة، أنا أول مجبتها، كنت مش متعود عليه بس كان عندي فكرة بالموضوع، فكملت بها ومجليش عقد باءة والحاجات اللي في ناس بتعملها، كل الموضوع هو التعود على حتة السحبة اللي ما بين النقلات بس أنا كمان اسلوبي هادي أوي، ممكن خالد يكون ليه إضافة تانية ، أنا عجبني جداً وبحب الطريقة بتعتوا بس هو مكلف لو حاجة باظت فيه بس أكيد مش كل الحاجات اللي فيه، يعني حاجات بتكلف وحاجات عادي.
بس أنا جيت مع الحاجات اللي مش عادي

أنا بفكر أبيع الايام دي وبجد مش متخيل نفسي اني اركب عربية تكون فتيس عادي.

[N.a.j.d]

منور يا مصطفى باشا والله
بس عايز تبيع خلاص زهقت منها ولا ايه:)

[amoor_mod]

والله يا جماعة مش عارف اقولكم ايه ايه متشكر جدا على اهتمامكم
العربية معروضة ب 85000
بس انا قدامى أوكتافيا a5
موديل 2007
وكمان ميجان 2009
ومحتار بينهم
بس انا ميال للأوكتافيا اكتر
والميجان بسمع كتير عن مصاريفها وقطع غيارها وخايف منها

[caboo_1]

افكس الميجان عشان مش اد كده
بس الاوكتافيا طبعا احسن