شاشة كمبيوتر أوبل فيكترا 2007

[KHALED AYMAN]

هو صاحبها ركب الشاشه و الكاسيت لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
الكاسيت هتلاقيه عند هانى العايدى فى الحرفيين
0121073342
ده رقمه انا على ما اذكر ان حد قالى انه عنده ب 700 جنيه ..بس مش متأكد نهائى من السعر :)

[tananybasha]

و انا شفته فى الوكاله ب 500 بس قالوا مش هيشتغل غير على السى

[ashrafmkenawy]

ألف شكر يا خالد ويا طناني باشا على الاهتمام، وربنا معاك يا خالد فى الامتحانات.
أيوة صاحبها ركب الشاشة الجديدة الكبيرة ومركبش الكاسيت الجديد، علشان كده زي ماتقاللي اني لازم اركب الكاسيت الجديد علشان الشاشة تشتغل، المشكلة اني سمعت أسعار غريبة أحمد أوبل وهاني أوبل اللي في فيصل قالولي 2500 جنية. بصراحة مش مرتاح للاسعار بتاعتهم وحاسس انهم بيصطادوا فى الميه العكرة. على العموم أنا هادور وربنا كريم.

[ashrafmkenawy]

يا جماعة هي دي صورة الشاشة اللى عندي والكاسيت لو حد يقدر يفيدني

[KHALED AYMAN]

الكاسيت "شكلا" زى الى عندى ..مش ملاحظ اختلاف ..
بس هتأكد بردو من شكل الى عندى تانى
لكن هو ليه مش راكب فى مكانه كويس ؟
فى محاوله غالبا فاشله بس مش هتخسر حاجه
افصل كابلات البطاريه 10 دقايق
وركب تانى و جرب

[ashrafmkenawy]

لا ماهو انا لما فكيته ماركبتوش اوي علشان يبقي سهل لو عايز اجرب حاجة او حد يبص عليه بدل ما كل مرة يدخلوا السيخ الحديد ويخربشوا الكاسيت، انت اخدت بالك من الشاشة والمكتوب فيها، هي كل يوم الصبح وانا بأدور العربية تشتغل كويس لمدة 10 ثواني وبعد كده تديني الرسالة دي، واني احاول انى اعمل حاجة والا الهوا، انا محتاج حد خبير يفتينيى بدل ما انا محتاس كده.أنا كلمت واحد اسمه اسلام فى الحرفيين وحكيتله الموضوع فقاللي الكاسيت عايز حد يكون عنده tech 2 وهو ينزلك سيستم جديد للكاسيت، وأنا بأدور على حد يمكن يطلع الكلام مظبوط.هو السؤال اللى هايحل اللغز هو هل لازم لما نغير الشاشة الصغيرة لشاشة كبيرة لازم وحتماً نغير الكاسيت للموديل الأحدث؟ لو لازم يبقي الحل فى الكاسيت. اما لو مش لازم يبقى الشاشة عايزة تتعرف على الكاسيت.

[asd7778]

لا ماهو انا لما فكيته ماركبتوش اوي علشان يبقي سهل لو عايز اجرب حاجة او حد يبص عليه بدل ما كل مرة يدخلوا السيخ الحديد ويخربشوا الكاسيت، انت اخدت بالك من الشاشة والمكتوب فيها، هي كل يوم الصبح وانا بأدور العربية تشتغل كويس لمدة 10 ثواني وبعد كده تديني الرسالة دي، واني احاول انى اعمل حاجة والا الهوا، انا محتاج حد خبير يفتينيى بدل ما انا محتاس كده.أنا كلمت واحد اسمه اسلام فى الحرفيين وحكيتله الموضوع فقاللي الكاسيت عايز حد يكون عنده tech 2 وهو ينزلك سيستم جديد للكاسيت، وأنا بأدور على حد يمكن يطلع الكلام مظبوط.هو السؤال اللى هايحل اللغز هو هل لازم لما نغير الشاشة الصغيرة لشاشة كبيرة لازم وحتماً نغير الكاسيت للموديل الأحدث؟ لو لازم يبقي الحل فى الكاسيت. اما لو مش لازم يبقى الشاشة عايزة تتعرف على الكاسيت.

انت مش محتاج تغيير الكاست
انت محتاج برمجه للشاشه عشان العربيه الفيكترا سى الكاست والشاشة بتبرمجوا يشتغلوا مع بعض بس
ولما تغير الشاشه لازم تبرمج الشاشه ب Tech2
ما تسأل فى الوكيل البرمجه حتكلف كام؟
على الرغم انهم بلاطه فى الامور دى

[KHALED AYMAN]

الفرق بين الكاسيت الى عندى و الى عندك ان عندى مكتوب عليه mp3
مفيش اى فرق تانى فى الشكل
زى ما المهندس احمد بيقولك ..ده حوار برمجه بقى

[ashrafmkenawy]

خلاص هاجرب كده واسأل فى التوكيل، ولو اني متأكد انهم زي ما بيقول المهندس أحمد انهم بلاطة، وبرضه هاشوف لو فيه متخصص تاني عنده Tech 2 ممكن يعرف الشاشة على الكاسيت ويابخت من وفق راسين فى الحلال. هههههه. معلش القافية حكمت.
ولو تعرفوا حد فى القاهرة بيقهم فى الحاجات دي يبقي كتر خيركم.

[ashrafmkenawy]

الفرق بين الكاسيت الى عندى و الى عندك ان عندى مكتوب عليه mp3
مفيش اى فرق تانى فى الشكل
زى ما المهندس احمد بيقولك ..ده حوار برمجه بقى

أيوة ما هو ده اللي بيقولوا انه بيتعرف على شاشة البيانات الكيبرة. الحقيقة انا مش مستوعب الكلام ده بس خلينا نشوف حد عنده Tech 2 وربنا يسهل.

[bedo13]

الكاسيت اللي عندك عايز شاشة صغيرة 2line display
الcd mp3 هو اللي هيشتغل مع الشاشة دي
يا اما تغير الكاسيت او الشاشة

[ahmedmaklad]

الكاسيت اللي عندك عايز شاشة صغيرة 2line display
الcd mp3 هو اللي هيشتغل مع الشاشة دي
يا اما تغير الكاسيت او الشاشة

بالظبط كده انا عارف كده برده هو فعلا الكاسيت و الشاشة محتاجين برمجة بس مش الكاسيت ده مع الشاشة دي انت يا تغير الكاسيت يا تغير الشاشة و انا رايي تغير الكاسيت و شوية برمجة و الموضوع ينتهي لان الشاشة دي شكلها احلى بصراحة او لو فارقة معاك الفلوس يبقى غير الشاشة بس بيتهيالي مش هتلاقي الشاشة القديمة
انا كنت سالت على الشاشة و الكاسيت في الحرفيين كان بحوالي 1800 بس ما شفتهومش لاني كنت عايز اغير الكاسيت و الشاشة عندي

[ashrafmkenawy]

بيدو جاب من الأخر، الرد بتاعه مختصر ومفيد وفى الصميم. أنا حسيت من كلامه انه فعلا فاهم المشكلة وعارف حلها.
بيدو باشا أنا الحقيقة شايف ان الشاشة الكبيرة دي أفضل وأميز بكتييييييير من الشاشة الصغيرة علشان كده انا عايزها، معني كده اني أغير الكاسيت اللى عندي وأجيب الكاسيت mp3 وأكيد فى الحالة دي هاركبه على التجربة، بمعني اني لما اركبه الشاشة ساعتها هاتشتغل. صح؟
ماتكملش جميلك بقى وتقوللي على واحد بيبيع الكاسيت ده بس يكون سعره مرتاح، انا لاقيت الناس سفاحين جداً هاني اوبل واحمد اوبل قالولي 2500 وواحد فى بورسعيد قاللي 1800 وانا حاسس انهم كده غاليين اوي. انا متخيل سعره أقل من كده بكتير. وهل ممكن حد يبدل معايا وادفع الفرق.

[doda16eg]

بيدو جاب من الأخر، الرد بتاعه مختصر ومفيد وفى الصميم. أنا حسيت من كلامه انه فعلا فاهم المشكلة وعارف حلها.
بيدو باشا أنا الحقيقة شايف ان الشاشة الكبيرة دي أفضل وأميز بكتييييييير من الشاشة الصغيرة علشان كده انا عايزها، معني كده اني أغير الكاسيت اللى عندي وأجيب الكاسيت mp3 وأكيد فى الحالة دي هاركبه على التجربة، بمعني اني لما اركبه الشاشة ساعتها هاتشتغل. صح؟
ماتكملش جميلك بقى وتقوللي على واحد بيبيع الكاسيت ده بس يكون سعره مرتاح، انا لاقيت الناس سفاحين جداً هاني اوبل واحمد اوبل قالولي 2500 وواحد فى بورسعيد قاللي 1800 وانا حاسس انهم كده غاليين اوي. انا متخيل سعره أقل من كده بكتير. وهل ممكن حد يبدل معايا وادفع الفرق.

باشا يا ترى لاقيت الحل فى قصة الكاسيت والشاشة دى انا عندى الكاسيت ال cd 30 ده والشاشة الصغيرة برضه وبفكر اغيرهم حسب التكلفة ايه رأيك

[Abdo Taha]

باشا يا ترى لاقيت الحل فى قصة الكاسيت والشاشة دى انا عندى الكاسيت ال cd 30 ده والشاشة الصغيرة برضه وبفكر اغيرهم حسب التكلفة ايه رأيك

المشكلة اللي حصلت عنده انه غير الشاشة بس و كان المفروض يغير الشاشة و الكاسيت مع بعض عشان بيبقو متكودين على بعض ممكن المشكلة تتحل بال tech 2 بأن يتم عمل divorcing ليهم بس الافضل تجيب اتنين من نفس النص عشان يركبوا على طول