ميكانيكي اوبل محترم

[behman]

لو سمحتو يا شباب
انا عايز ميكانيكي اوبل محترم يعمل شغل في اوبل كورسا 2000 عشان فيها شويه تظبيط
بس محتاجه حد بيفهم
ياريت ترشحولي الناس اللي بتتعاملو معاهم و تقولولي ايه نظامهم و اماكنهم

و شكرا مقدما

[caboo_1]

اللى فى الحرفيين يبقى عبده اوبل
وفى برده عبده اوبل بس فى المريوطية
فى واحد فى المعادى بس مش فاكر اسمه

[Esam Mosaad]

وفى واحد فى صقر قريش برضوا

[sammor_28]

في واحد في بنزينه وطنيه الوفاء والأمل اللي في الحي العاشر مدينه نصر

[behman]

اللى فى الحرفيين يبقى عبده اوبل
وفى برده عبده اوبل بس فى المريوطية
فى واحد فى المعادى بس مش فاكر اسمه

بالنسبه للي في الحرفيين ده فين هناك ؟؟
و نظامه ايه في التعامل ؟؟

[behman]

في واحد في بنزينه وطنيه الوفاء والأمل اللي في الحي العاشر مدينه نصر

بنزينه وطنيه اللي عند المحكمه العسكريه ؟؟

[waoola_78]

محمد عبد الراضى ( وشهرته محمد اوبل ) وجنبه مركز اليسر
الاتنين فى صقر قريش

[ahmssoshs]

صابر أوبل عند رابعة
هو غالي شوية في المصنعية بس فاهم أوي

[ashrafnoby]

بيقولو فى واحد فى الحرفيين اسمه الشيخ هيثم ناس كتييير بتشكر فى

[ehabnagip]

بيقولو فى واحد فى الحرفيين اسمه الشيخ هيثم ناس كتييير بتشكر فى

فعلا الشيخ هيثم كويس جدا بس لو هو بنفسة الى هيبص على العربية .. على العموم لو رايح الحرفيين عندك محمد علام و ميتخيرش عن الشيخ هيثم و مركز كامل و الاسعار حنينة و لو تحب ممكن اكلمهولك علشان يتوصى و اخلية هو الى يبص على العربية مش حد تانى .

[ahmedmaklad]

انا اضم صوتي لصوتكم و كنت بقول نفس الكلام نفسي في حد محترم نتعامل معاه و كنت بقول نفس الكلام ده في موضوع تاني
علام انا اتعاملت معاه قبل كده هو راجل محترم بس ما كانش حاجة تقيله كانت صيانات عادية و ميزته انه في الحرفيين فجنبك قطع الغيار كلها استيراد و جديد
الشيخ هيثم ده ما اعرفوش
احمد عبد الراضي راجل محترم برده و شغله كويس بس برده ما جربتوش في حاجة تقيله بس مش بيعجبني قطع الغيار عنده و المشكله عنده انه بعيد عن قطع الغيار يعني لو مش عنده حاجة هتبقى مشكله
كان في واحد زميلنا بيتكلم على مركز في بنزينة وطنيه بتاع مهندس اسمه احمد سعيد و بيقول عليه كويس

[ashrafmkenawy]

فيه واحد رائع في المقطم - في بنزينة كالتكس اللى أمام حديقة أندلسية وهو نفسه شريك أحمد سعيد اللى فاتح في وطنية اللى فى الوفاء والأمل. أسمه محمد هاشم وده راجل محترم جداً ومتخصص أوبل وعارف كل تفاصيلها عن تجربة. ومعايا تليفونه لو حد عايزه.

[behman]

الف شكر علي الاهتمام يا رجاله
ياريت حد يديني عنوان حد في الحرفيين عشان موضوع قطع الغيار هيكون قريب و اسهل