ماية العربية والتبريد

[ENG\AHMED]

الفورد بجيبلها مية حمرا فيبى من التوكيل بس كل عربية لها نسبة تركيز حسب تصميمها
اكتر مية مضمونة فى السوق الموبيل ومش مضمونة 100 % اى نوع تانى سعودى افغانستانى هندى كلة مضروب ومية الحنفية احسن

[mmamdouh73]

المياه اللى فى الجركن الملونه من اسؤ مايكون .

[Ruin Scud]

اخر مره كنت في التوكيل نصحوني بالتغيير لمياه الموبيل الأزرق مع ان اللي عندي في العربيه كانت لونها اخضر وطبعا هما ماجابوش سيره الا لما انا سألت هل مياه التبريد بتتغير ولا لأ !
المهم يعني انا مش عارف الفرق بين الأخضر و الأزرق ايه بالظبط بس اللي لاحظته ان الجركن الأخضر مكتوب عليع Anti Rust انما الأزرق كان مكتوب عليه Coolant Extra انما عموما الأتنين تركيز 33 % تقريبا اذا كنت فاكر صح.

[caboo_1]

فى ناس بتحط مية مقطرة عليها شوية زيت تبريد بتاع الماكينات اللى بتحتاج تبريد بالزيت

[ENG\AHMED]

فى ناس بتحط مية مقطرة عليها شوية زيت تبريد بتاع الماكينات اللى بتحتاج تبريد بالزيت

دة اسمة عـــــــــــــك

[caboo_1]

لا ازاى بقى انت عارف ان زيت التبريد ده عامل اساسى مبيتأثرش بالحرارة بسهولة ومبيتفككش الا تحت حرارة عالية جداا ده غير انه ضد الصدأ

[romany777]

ايه الكلام الجديد ده؟؟؟؟ يعنى انا كان بيتنصب عليا وميه خضرا وحمرا واسبانى ومش عارف ايه


يعنى الخلاصه نتوكل على الله ونحط ميه مقطره من التكييف؟؟؟؟

[فادى محمد]

ايه الكلام الجديد ده؟؟؟؟ يعنى انا كان بيتنصب عليا وميه خضرا وحمرا واسبانى ومش عارف ايه


يعنى الخلاصه نتوكل على الله ونحط ميه مقطره من التكييف؟؟؟؟

ايوه ميه التكييف احسن حاجه يا روميو

[romany777]

ايوه ميه التكييف احسن حاجه يا روميو

تمام با ابو فادى
اذن علينا بمياه التكييف

كده بقى نفضى الميه الملونه وناخد هوا للعربيه ونزود ميه مقطره حتى اخر قطره

[Ruin Scud]

صعبه اوي موضوع الزيت اللي على مياه اكيد مياه التبريد الجاهزه او اللي بتبقى مضمونه بيكونو هما عاملين حساب الحاجات دي بس بنسب يعني بتبقى فيها ماده تزييت عشان طرمبة المياه وبتبقى فيها ماده عشان ترفع درجه الغليان وتقلل البخر ده غير انها مابتحتويش على املاح.

[rabbat5]

افضل حاجة فى موضوع مياه الردياتير تغسل الدورة بتاعت التبريد كويس وبعدين 3علب هيبو المانى الواحده ب 45 جنيه + 4عبوات مياه مقطرة من البنزيته الواحده ب 2.5 جنية واستمتع بعدم ارتفاع درجة الحرارة او نقصنان المياه فى القربة
ده بعد تجارب مريره وكثيره وبعد اذن أستاذه الفكترا فى المنتدى طنانى باشا والاستاذ الميسترو فـــــــــــــــــادى باشا فى الاجابة

العلبة ب 45 جنيه ؟!!
علبة الكنز الاخضر باربعة جنيه و نص فى التوفيقية اللى بيتباع بره ب 10 جنيه .

[magdyelshikh]

العلبة ب 45 جنيه ؟!!
علبة الكنز الاخضر باربعة جنيه و نص فى التوفيقية اللى بيتباع بره ب 10 جنيه .

بس علب الكنز اللى فى السوق مش كويسه انا كنت بحطها فى الاول لغاية ما وجدت فى مرة بداخلها قطع متقطعة تشبة وش اللبن المقطع رحت مغير كل مياه الدورة بالخل وجبت الهيبو الالمانى
المياه بالذات لما تكون كويسه بتفرق فى كل حاجة لسه امبارح امامى عند الميكانيكى مغير كل خراطيم الدورة فى عربية 97 فكترا حتى ترمثتات الكوعه كله طالع متآكل وزى الزفت من المياه بتاعت الحنفيه يعنى ال 45 جنية ارخص من ثمن الخراطيم اللى اتغيرت تدخل فى 600 او 700 جنيه والله اعلم وش السلندر من جوه بقى شكله ايه
الرخيص غالـــــــــــــــــــــــــــــــى

[sniperwolf]

طيب ياجماعة اية علبة هيبو الالمانى دى بتاعت اية و اجيبها منين وازاى اعرف انها مضمونة ؟

[magdyelshikh]

طيب ياجماعة اية علبة هيبو الالمانى دى بتاعت اية و اجيبها منين وازاى اعرف انها مضمونة ؟

الهيبو دى مياه حاصة للراتير موجوده عند بتوع الكماليات او محطة بنزين راقيه فى الماركت اللى جوها

[mmamdouh73]

انا حسب كلام الاخوه فى المنتدى جربت مباه التكيف .لكن عندى سؤال هو فى درجة الحرارة اليومين دول بنزود مياه اد ايه وكل كام يوم .