اوبلاوي جديد :)

[a_abdhamid]

لو سمحتم يا جماعه انا مهندس عمرو من المنصورة ومعايا سويفت وان شاء الله هغير ورايح اجيب فكترا 1600 مانوال موديل 1995 تنصحوني بايه في العربيه دي
يعني ايه الحجات اللي اهتم بيها واحذر منها وكمان العربيه اللي هجبها دي محتاجه شحن للتكييف وانا مقلق من الموضوع ده
واحسن مقاس جنوط اركبه 15 ولا 16
وياريت الافادة و السلام عليكم

[ashrafnoby]

شرفت المنتدى اما العربيه كويسه جدا جدا بي اهم حاجه تكشف عليها عند حد كويس فى التوكيل اما موضوع التكييف ده قصه لوحده ممكن يكون بايظ خالى بالك الكومبروسر جديد ب1750 كورى والشجره ب950 ووممكن تكون السربنتينه بايظه وهى ب750 جنيه وانا بقولك خالى بالك عربيه رخيصه ممكن تكرهك فى العربيه وانت ممكن تخش على موقع كونتكت كار فى عربيات حلوه جدا وبرده اكشف على اى عربيه فى التوكيل

[ashrafnoby]

احسن مقاس للكاوتش الاصلى بتاعها ال14 لو حطيط المقاس الاعلى خلى بالك ممكن يوثر على العفشه وبرده استنى راى خبير ال95 طنانى باشا والدكتور هلالى

[mhbcas]

متابع

[waoola_78]

السلام عليكم

شرفت المنتدى يا استاذ عمرو

لما تشترى اى عربية مش اوبل بس تتاكد من الاتى

اولا حالة الصاج والدواخل بالعربية فابريكة ولا ملحمة ومقلوبة

ثانيا العفشة تكون تمام التمام + حالة الكاوتش

ثالثا حالة الموتور

رابعا التكييف ( لازم تستلمه شغال ساقع . لو قالك عايز يتشحن قوله اشحنه انت وادفعلك الفلوس او تنزل 5 الاف جنية على طول لان سعر الكباس 1800 والشجرة 800 والسربنتينة ماعرفش كام . فاياما تستلمه شغال يا اما تاخدها من غير تكييف وده ينزل من سعر العربية )

رابعا فرش العربية كويس ولا بايظ وتمد ايدك من تحت التابلوة تشوف العزل الحرارى

خامسا حالة الدهان كويسة ولا هاترش العربية

كل ده لازم يتكشف علية فى مركز خدمة عشان يشوف كل حاجة وماتتسرعش فى الشراء الا لما تتأكد

المعلومات دى لاى عربية مهما كانت واى حاجة من اللى فاتت غلط تنزل من تمن العربية بما يعادل قيمته يعنى مثلا لو مافيش تكييف تنزل 5000 جنية ولو الدهان وحش تنزل 1500 جنية ولو الكاوتش بايظ تنزل 2000 جنيه وهاكذا

سادسا الرخصة باسم مين لو مش باسم البايع يبقى تاجر او بيعمل مصلحة

ده راى المتواضع واستنى اراء الزملاء الافاضل
وكمان تعرف الرخصة فيها قد اية ولازم شهادة مخالفات

[ashrafnoby]

كلام زى الفل ياعم وائل بسم الله ماشاء الله مفيش كلام الواحد يضيفه بعد كلامك

[waoola_78]

اخر حاجة تشوفها فى العربية انك تسوقها

تشوف الفتيس اخباره اية . الدبرياج . الفرامل . حالة العربية وهى ماشية . تقرص شوية وتشوفها بتسخن ولا لا . تشغل التكييف وتقرص وتشوفها بتسخن ولا لا

وقبل ما تعمل اى حاجة خالص لازم تصلى صلاة استخارة وتأكد ان ربنا سبحانه وتعالى هايوفقك الى الخير

واذا احتجت اى حاجة بعد كدة احنا فى الخدمة

اخوك وائل فرغلى

[tamertamer]

بص التكيف فى الاوبل غالى وانا بقلها من دلوقتى عشان مترجعش تقول مقلناش يعنى تقول للراجل تعالة نروح لبتاع التكيف يقول فية اة لان مدام مفيش فريون يبقا الفريون سرب من حتة يعنى من الاخر فى حاجة بيظة
ممكن البلف ممكن سربنتينة ممكن شجرة ممكن الكويل ممكن كمبرسور ممكن حساس ومتجبش جديد عشان الجديد ضايع هات استيراد او اصلى جديد يبقا تاخد سعتة يشغلك التكيف يا مش عيزها خالص
مدام منوال يبقا تبص على النقلات بتاعت الفتيس مريحة بترج فى الطلعة يعنى من الاخر محتاجة طقم دبرياج مثلا كدة
العفشة تشوف الدنيا فيها اة تعبانة مسعدين لانها اغلاء حاجة اليومين دول اما بخصوص المتور سعتك تخدها لفة فى الزحمة وتشوف وتشغل التكيف وتبص هل الحرارة كويسة ولا لا وربنا يكرمك بعربية كويسة

[sherif_m72]

ههههههههه
ايه يا جماعه ده الراجل قال جملته وقال يا فكيك ههههه
انتوا مش عاوزين تلموا اعضاء ولا ايه
بص يا عمرو ده لو انت هتيجى تانى هههه
انت اكشف على العربيه زيها زى عربيه تانيه ممكن تشتريها بس بعنايه ودقه اكتر واعمل حسابك ان البسيط فيها من وجهه نظرك بيبقى كبير وقت الشغل وطلاما انت مركبتش اوبل قبل كده يبقى احسنلك انك تاخد معاك واحد فاهم جدا يتفرجلك عليها
تنورنا والله يا عمرو باشا وتشرفنا
مهندس شريف من اسكندريه

[ehabnagip]

انا رأى المتواضع ان تكشف عليها فى التوكيل زى ما كل الناس رشحت و تجيب الشيت و تنزلة هنا و تاخد راى الناس فى كل حاجة بالتفصيل علشان بردو التوكيل بيبالغ ساعات فى التشخيص .. بس باجماع الاراء التوكيل هو احسن مكان للفحص و بردو باجماع الاراء خد بالك من موضوع التكييف دة لانة لو فى حاجة كبيرة هيكلفك كتير دا غير وجع القلب و راى انا بقى انك تشيك على الماف بتاع العربية لانة من اسواء الحاجات الى ممكن تواجها فى الاوبل و انشاء الله اخونا طنانى يفيدك فى موضوع الماف دا اكتر ..

[N.a.j.d]

المشكله انه التوكيل الاوبل فاشل !!!!!!