موش فاهم حاجه

[mazens]

السلام عليكم يا أحلى أوبلاوية

الموضوع غريب ، وبإختصار إنى جيت أدور العربية امبارح لقيتها بتخبط جامد والشكمان بيقطع وقالولى أنها كده بتعد تلاتة ، طب الحل إيه قالوا بوجيهات ؟!

غيرت البوجيهات والمشكلة فضلت زى ماهى ؟؟

والنهاردة قولت أمشى عليها كده لحد ما أوديها بكرة للمكانيكى لقيتها عملية صعبة جداً مع التخبيط الشديد اللى حاصل فيها ، واللى بيقبقى اشد لو برجع بالعربية لورا ؟


موش عارف اعمل ايه ، حد عنده فكرة عن السبب ممكن يكون ايه وربنا يستر ؟

أرجو الرد والإفادة لحسن انا استويت

[emadhero]

شوف الموبينه

[mazens]

شوف الموبينه

توضيح الله يكرمك لانى موش فاهم

[emadhero]

هيا لمبة التشيك نورت جوا ولا ايه لوكده روح اكشف عليها كمبيوتر

والموبينه هي هي احدى المكونات الكهربائية بالسيارة وهي تقوم باستقبال وتكرير الـ12 فولت القادمين من البطارية وتحويلهم الى الاف الفولتات التي تحول اخيراً الى الاسبيراتير ومنة الى البوجيهات لحرق مخلوط البنزين والهواء بداخل الموتور.

اما بالنسبة لاعراض تلف الموبينة، فمنها التاخير في الدوران والتقطيع او وجود لخبطة في عملية الحرق وعدم التجميع...

منقول

[mazens]

لا لمبة التشيك موش منورة

والعربية فيكترا ايه موديل 95 اتوماتيك ( لو هتفرق )

وهى بتدور بسرعة موش بتاخر وبتطلع دخنه بسيطة سودا من الشكمان ، وبتترج جامد جدا مع الغيارات


وفيه افتاءات قالتلى انه ممكن يكون الشميز مكسور او البستم نفسه مكسور ؟؟؟ وده مخلينى فى حاله برجله موش عارف

والمشكلة ان النهاردة الاحد


والف شكر يا باشا على الاهتمام والتوضيح

[eslamspirit]

اعتقد ان المشكلة في سلوك البوجيهات و تقدر تكشف عليهم بفكهم واحد واحد و تقرب السلك من اي معدن في العربية لو فية شرارة يبق السلك تمام اما لو قاطع خالص يبقي تغير السلك فورا جرب و قوللي

[emadhero]

استنى رأي الخبراء وانا بدعوهم للتدخل سريعا يلا يارجاله............

[ehabnagip]

لا لمبة التشيك موش منورة

والعربية فيكترا ايه موديل 95 اتوماتيك ( لو هتفرق )

وهى بتدور بسرعة موش بتاخر وبتطلع دخنه بسيطة سودا من الشكمان ، وبتترج جامد جدا مع الغيارات


وفيه افتاءات قالتلى انه ممكن يكون الشميز مكسور او البستم نفسه مكسور ؟؟؟ وده مخلينى فى حاله برجله موش عارف

والمشكلة ان النهاردة الاحد


والف شكر يا باشا على الاهتمام والتوضيح

انا كان عندى نفس المشكلة و طلعت سلوك بوجيهات بعد مدخت .. جرب تغير سلوك البوجيهات او حتى تشترى طقم من بتوع اللانوس ب 35 جنية تجرب بية بس خد بالك انة لو اشتغل سلوك بوجيهات اللانوس مش هتسحمل معاك كتير يعنى تمشي بيها كام يوم لحد متجيب طقم استيراد و الله اعلم

[mazens]

الف شكر يا رجاله على الردود


بس ياريت لو حد عنده فكرة عن سعر سلوك البوجيهات بتاعت الأوبل يقولى يبقى كتر خيركم

[eslamspirit]

اسلاك الاوبل بتكون في حدود 100 جنية تقريبا و تقريبا برضة بيبقوا اربعة بس مش خمسة من غير بتاع الموبينة و فية منها كذا نوع
و علي فكرة اسلاك اللانوس هتشتغل تمام بس خد بالك من الاطوال بتاعتها لان ممكن تلاقي سلك او اتنين اقصر من اللي عندك و ممكن توفق اتنين شغالين من اللي عندك علي اتنين من بتوع اللانوس

[tamertamer]

صوت الشكمان عالى اوى

[mazens]

صوت الشكمان عالى اوى

لا موش اوى ، صوته متوسط بس تحس انه بيقطع

[فادى محمد]

سيدي الفاضل ,مشكله التتليت دي اسبابها لا تخرج عن..
1- بوجيه من ال4 حالته وحشه مش بيحرق (سهل اكتشافه بالملاحظه)
2-سلوك البوجيهات (دور الموتور وابدا شيل السلوك بالترتيب ولاحظ الموتور ,السلك اللي تشيله العربيه تطفي او تهتز بزياده ده سلك سليم ,انما السلك اللي تخلعه من البوجيه والموتور زي ماهو ده السلك البايظ) الطقم اللي يركب للفيكترا ب185 جديد انما ممكن تشوف سلك استعمال (كابل واحد)
3-وش الاسبراتير ممكن يكون فيه شرخ بيهرب كهربا او فحماته الداخليه عاوزه تتغير-بص برده علي شاكوش الاسبراتير اللي جوه وربنا يوفقك

[mmffor]

جرب السلوك اللي عندك قبل ما تشتري سلوك لو سلك قاطع ساعتها غير لو سلك مش قاطع يبقى في بستم فاصل جوه الموتور -

[tananybasha]

مسطره كهربه الرشاشات مش راكبه كويس من ناحيه الكاتينه . دوس عليها العربية هتشتغل زي الفل