فعلا شابوه للاوبل

[o.boshra]

انا كنت ماشى على طريق الغردقه القاهره سرعه 160-180 وحجر صغير قوى فى نص الطريق هب خبط فى الجنط كسر منه حته و قطع الكاوتش العربيه وطيت لتحت و ماشيه عادى مفيش غير صوت الكاوتش على الاسفلت سنه فرامل نزلت السرعه الى 120و سبتها شويه لغايه 80 و ركنت عادى بعد ما وقفت تخيلت انه فى عربيه تانى كانت راحت يمين و شمال ومش بعيد اتقلبت الحمد لله .

بالنسبه للناس الى بتفكر تغير الاوبل او تروح لحاجه من الجديد العمر مش بعزقه حتى لو اعطالها اكتر بس تهون فى موقف زى ده
و ربنا يسلم الجميع

[NeeMoo]

أولا الحمد لله إن ربنا ستر عليك ...... وعاشت لأوبل .

بس فى حاجة غريبة .... أنا كنت فى الغردقة فى شهر فبراير اللى فات ..... ومشوفتش الحجر الصغير ده ..... شكلى كنت سارح وقتها ...... هههههههههه

[o.boshra]

أولا الحمد لله إن ربنا ستر عليك ...... وعاشت لأوبل .

بس فى حاجة غريبة .... أنا كنت فى الغردقة فى شهر فبراير اللى فات ..... ومشوفتش الحجر الصغير ده ..... شكلى كنت سارح وقتها ...... هههههههههه

:018a1d~146:
شوف يا باشا هو ابيض ويعمل بتاع نص كيلو على بعد 5 كم من الغردقه و عموما كان فى عربيه نقل واقفه هناك خلى بالك منه المره الجايه هههههههههههه

[mera11]

حمد لله على سلامتك

[tananybasha]

الف سلامه عليك
و قدر الله و ما شاء فعل
حصلت معايا على الدائرى
وربك الستار

[cayman69300]

ايوة الحجر الابيض اللى جنب السحلية البنى المنقطة
هههههههههههه
على فكرة كل واحد حلو بتاع عربية نقل لما ييجى يغيير كاوتش يحط وراه 7 : 8 حجارة و لما يتوكل على الله و يغور فى داهية مبيشيلهمش
و دة منتشرة جدا بسبب سواقين النقل

[MOUSTAFA_SAAD]

يعنى فردة الكاوتش ضربت والعربيه ماعومتشى منك على السرعه العاليه دية بصراحه كلام مش مقنع ابدا
الاوبل عربيه محترمه زى الامانى كله بس اى عربيه فى الموقف ده غالبا تتقلب بالسرعه دية
اكيد كنت ماشى على سرعه 80 ولاحاجه ساعت الخبطه تحديدا
انا شوفت مرسيدس ادام عينى الفرده الخلفيه ضربت والعربيه قعدت يمين فى شمال لغاية لما ضربت فى الحاجز الخرسانى

[فادى محمد]

يعنى فردة الكاوتش ضربت والعربيه ماعومتشى منك على السرعه العاليه دية
الاوبل عربيه محترمه زى الامانى كله بس اى عربيه فى الموقف ده غالبا تتقلب بالسرعه دية
اكيد كنت ماشى على سرعه 80 ولاحاجه ساعت الخبطه تحديدا
انا شوفت مرسيدس ادام عينى الفرده الخلفيه ضربت والعربيه قعدت يمين فى شمال لغاية لما ضربت فى الحاجز الخرسانى

اهلا بيك ياا مصطفي...هو الاخ بيقول انه كان ماشي بسرعه 160كم مش 80 ,المفروض يكون عندنا حاجه اسمها حسن الظن بالغير لان الغير ده بيحكي تجربه لا يهدف من وراءها اي شيء وبعدين ده ربنا قادر علي كل شيء فماينفعش نقول بصراحه كلام مش مقنع ابدا ,ارجو انك ماتضايقش من كلامي وتحياتي لحضرتك .

[MOUSTAFA_SAAD]

اهلا بيك ياا مصطفي...هو الاخ بيقول انه كان ماشي بسرعه 160كم مش 80 ,المفروض يكون عندنا حاجه اسمها حسن الظن بالغير لان الغير ده بيحكي تجربه لا يهدف من وراءها اي شيء وبعدين ده ربنا قادر علي كل شيء فماينفعش نقول بصراحه كلام مش مقنع ابدا ,ارجو انك ماتضايقش من كلامي وتحياتي لحضرتك .

انا مش متضايق من كلامك ابدا ابدا
ومش باكدب الراجل لاسمح الله
بس ممكن يكون كان مهدى ساعتها تحديدا وده الكلام اللى انا قولتهوله ومش واخد باله من العداد لان الشعور بالسرعه فى الالمانى معدوم تقريبا
يعنى ممكن تمشى 80 وتزود ل160 وبرده العربيه ماتحسش ان سرعتها زادت لانها عربيات ثابته جدا
بس برده انا باحكى عن تجربه شوفتها ادامى لعربيه مرسيدس موديل اول ال80 او اخر ال70 وانت عارف المرسيدس وضعها ايه حتى لو كانت قديمه والعربيه اتبهدلت رغم انه كان ماشى 90 وخبط فى الحاجز الخرسانى ولو عربيه تانيه زى عربيات اليومين دول من عربياتنا سواء لوجان او غيرها كان عليه العوض فيه لكن الراجل الحمد لله طلع سليم تماما

اظن مشاركتى كانت واضحه من الاول بس حضرتك ماقريتهاش كويس انا مكدبتهوش فى حاجه قولت بس تلاقيك مش واخد بالك
انت اللى معندكشى حسن ظن بيا
وربنا يكفينا جميعا شر الحوادث وانفجار فرد الكاوتش

[elmkaneeki]

rear Tyre for sure

[فادى محمد]

انا مش متضايق من كلامك ابدا ابدا
ومش باكدب الراجل لاسمح الله
بس ممكن يكون كان مهدى ساعتها تحديدا وده الكلام اللى انا قولتهوله ومش واخد باله من العداد لان الشعور بالسرعه فى الالمانى معدوم تقريبا
يعنى ممكن تمشى 80 وتزود ل160 وبرده العربيه ماتحسش ان سرعتها زادت لانها عربيات ثابته جدا
بس برده انا باحكى عن تجربه شوفتها ادامى لعربيه مرسيدس موديل اول ال80 او اخر ال70 وانت عارف المرسيدس وضعها ايه حتى لو كانت قديمه والعربيه اتبهدلت رغم انه كان ماشى 90 وخبط فى الحاجز الخرسانى ولو عربيه تانيه زى عربيات اليومين دول من عربياتنا سواء لوجان او غيرها كان عليه العوض فيه لكن الراجل الحمد لله طلع سليم تماما

اظن مشاركتى كانت واضحه من الاول بس حضرتك ماقريتهاش كويس انا مكدبتهوش فى حاجه قولت بس تلاقيك مش واخد بالك
انت اللى معندكشى حسن ظن بيا
وربنا يكفينا جميعا شر الحوادث وانفجار فرد الكاوتش

لا سمح الله يا باشا .اسلامنا بيدعونا لحسن الظن بالغير الي ان يثبت العكس ..وبعدين ده انا من اشد المعجبين بتوقيع حضرتك ومتابعك في الاجتماعي ..تحياتي مره تانيه ومنور العصابه بتاعتنا .

[MOUSTAFA_SAAD]

لا سمح الله يا باشا .اسلامنا بيدعونا لحسن الظن بالغير الي ان يثبت العكس ..وبعدين ده انا من اشد المعجبين بتوقيع حضرتك ومتابعك في الاجتماعي ..تحياتي مره تانيه ومنور العصابه بتاعتنا .

العصابه منوره باهلها ياباشا
ادعيلى ان ربنا يكرمنى وانضم للعصابه فى يوم من الايام
انا من عشاق الاوبل رغم ان عمرى ماسوقتها بس عربيه تدخل القلب على طول حتى موديلاتها بتاعت التسعينات

[فادى محمد]

ربنا يكرم اصلك وان شاء الله تبقي رئيس العصابه كمان .الاوبل عربيات مالهاش حل بحبها جدا والحمد لله حفظت كل مسمار فيها.

[o.boshra]

شاكر ليكم كل الردود والحمد لله وربنا يسلمنا جميعا ........ بس فى حاجه للاستاذ مصطفى بالنسبه للاوبل فعلا و الله انا كنت ماشى على السرعه دى
بس المشكله ان فى حوادث كتير بتختلف كتير رد فعل السائق فى حسن التصرف لان مش الاوبل بس اللى ممكن يحصل فيها كده الموضوع حصل مع واحد صاحبى مع هوندا سيفيك 2007 وكان على 180 و نفس القصه فانا بيتهيالى ان العامل المشترك بين العربيات دى هى ارتفاع السياره من الارض + وزن السياره + حسن التصرف فى التحكم فى الموضوع ده.
وطبعا دى اقدار بس انا ركبت عربيات كتير من 128 و حتى بى ام 320 2006 اللى وصلتله فى الاخر حاجه واحده

* انك مش مهم انت راكب ايه و النوع ايه المهم انك تكون عارف امكانيات عربيتك وممكن تتعامل معاها ازاى ما تطلبش منها اكتر من امكانيتها .
* وعشان تتاكد اكترمن قيمه العربيه اللى معاك بمساله بسيطه لو رجعت لسعر العربيه فى وقتها و حسبت فرق الدولار فى الفتره دى ( 5.97 - 3.40 )هتلاقى ان الاوبل المفروض هتعدى 300000 جنيه شوف ممكن يجيبوا ايه انهارده

[MOUSTAFA_SAAD]

ربنا يكرم اصلك وان شاء الله تبقي رئيس العصابه كمان .الاوبل عربيات مالهاش حل بحبها جدا والحمد لله حفظت كل مسمار فيها.

الله يخليك ياباشا

التوقيع كان ناقصه بس بشار الاسد وزين العابدين علشان تبقى الشله كملت
ححاول احطهم بالفوتوشوب
هههههههههههه

شاكر ليكم كل الردود والحمد لله وربنا يسلمنا جميعا ........ بس فى حاجه للاستاذ مصطفى بالنسبه للاوبل فعلا و الله انا كنت ماشى على السرعه دى
بس المشكله ان فى حوادث كتير بتختلف كتير رد فعل السائق فى حسن التصرف لان مش الاوبل بس اللى ممكن يحصل فيها كده الموضوع حصل مع واحد صاحبى مع هوندا سيفيك 2007 وكان على 180 و نفس القصه فانا بيتهيالى ان العامل المشترك بين العربيات دى هى ارتفاع السياره من الارض + وزن السياره + حسن التصرف فى التحكم فى الموضوع ده.
وطبعا دى اقدار بس انا ركبت عربيات كتير من 128 و حتى بى ام 320 2006 اللى وصلتله فى الاخر حاجه واحده

* انك مش مهم انت راكب ايه و النوع ايه المهم انك تكون عارف امكانيات عربيتك وممكن تتعامل معاها ازاى ما تطلبش منها اكتر من امكانيتها .
* وعشان تتاكد اكترمن قيمه العربيه اللى معاك بمساله بسيطه لو رجعت لسعر العربيه فى وقتها و حسبت فرق الدولار فى الفتره دى ( 5.97 - 3.40 )هتلاقى ان الاوبل المفروض هتعدى 300000 جنيه شوف ممكن يجيبوا ايه انهارده

ممكن استاذ o.boshra
انا معايا اللوجان مابحاولشى اطلب منها اكتر من امكانياتها لان زى ما الانسان ليه طاقه وحدود برده العربيه ليها طاقه وحدود
ربنا يسترها على الجميع ويكفينا شر الحوادث والحمد لله انها عدت على خير معاك