فيكترا 91

[vooooo]

فيه اوبل فيكترا موديل 91 2000 Cc معروضه ب 42000 جنيه
و ماشيه 135000
فيها كل الكماليات ماعدا التكييف
فهل ده سعر معقول

و لو عايز اكشف عليها فين؟؟؟

[Ahmad Allawy]

مشكلة العربية دي..
مش هتلاقي ليها قطع غيار تقريبا خالص..ولا حتي في التوكيل..
ولو لقيتها هتكون استيراد و قليلة و هتكون غالية قوي..
لأنها مختلفة عن الشكل اللي بعدها الللي هو 94..
نصيحة لوجه الله ابعد عنها احسن.. هتتعبك معاها,.,.
اما لو عايزها خلاص و استخرت.. يبقي تكشف عليها في احد الاماكن..
منصور الكيلو 4.5 الصحراوي..
اوبل شارع الطيران اللي في مجطة موبيل..
مقار البحوث..
اوتو ماستر مدينة نصر الحي السادس..

[vooooo]

شكرآ يا أستاذ أحمد

[hazem_khidr]

اعتقد يا احمد باشا ان هيا نفس الشكل 94
لان الشكل دا من 88 الي 96.
هيا كده حتبقي الماني و الاختلاف بس حيبقي في لشبكه و علامه اوبل حتبقي علي الكبود مش الشبكه.
بس انا بقول انها غاليه لان مافيهاش تكييف و كمان سوق الاوبل فيكترا واقع اوي.
و بعديت ازاي عربيه موديل 91 و عامله 13500 كيلو بس.
دا انا عربيتي ال 2008 عامله 8000 كيلو حاليا:D.

[Ahmad Allawy]

حازم بك..
انا عارف انها نفس الشكل و نفس الشاسيه..
بس الموضوع هو هل نفس العفشة..؟؟
نفس الموتور ؟؟
اشك في الكلام ده.. مش متأكد عشان كده باقول اشك..
كون ان مفيهاش تكييف فده عشان العربية دي مستوردة.. مش نازلة مخصوص للسوق الشرق اوسطي زي اللي بعدها.. يعني الكورسا كانت كلها بتنزل كده..
انا عربيتي كده.. مش بيحتاجوا تكييف.. مكانش بينزل فيها.. تركيبه هيتكلف حوالي من 4.5 لحد 5 الاف جنيه.. و هيبقي جديد..
العربية تقريبا ماشية 135 الف ممكن ولا حاجة يمكن في صفر واقع..

[vooooo]

هو قالى انها موديل 94 لكن داخله مصر سنه 91
و انا مافهمتش كلامه و قولتله هى الرخصه فيها سنه كام فقالى 91 فقولتله يبقى احنا بنتكلم فى عربيه موديل 91 مش 94
و العربيه بتاعو خاله و دخلها مصر علشان هو معوق و معاه الأفراج الجمركى بتاع العربيه
و فعلآ قليل قوى العداد يمكن كان مش مشغله ولا صفره فى مره مثلآ والله اعلم
انا هسافر إن شاء الله القاهره بعد شويه و هنزل سوق السيارات و برضه ممكن ابص عليها
والله لو لقيت حاجه كويسه هتكل على الله و لو مالقتش هرجع بخفى حنين

الأوبل فكترا واقع لكن اسعار المستعمل عالى مش عارف ليه

نفسى بجد الاقى عربيه فولفو موديل بعد منتصف التسعينات ب 40000 مثلآ
و تكون 740
طبعآ ده حلم

[vooooo]

موضوع الموتور و العفشه ده ممكن أسأل فيه التوكيل لما اكشف عليها لو ربنا سهل
انا برضه سمعت الكلام ده قبل كده و مش متأكد

[hazem_khidr]

هو قالى انها موديل 94 لكن داخله مصر سنه 91

نعم نعم
يعني ايه الكلام دا ؟؟؟؟؟
ايه موديل 94 و نازله سنه 91 هيا العربيه بقت بتيجي مصر قبل ما تتصنع في مصنعها ب 3 سنين .
اهو انا بقي ما بحبش الكلام سوري يعني الاهبل دا في الشرا(مش قصدي عليك طبعا انا قصدي علي البايع).
و بعدين الفيكترا اسعارها واقعه جدا لان قطع غيارها غاليه و الكل متجه للياباني.
حاول بس تدور علي حاجه نضيفه و ربنا يوفقك و ابعد عن الفولفو و لعربيات مجهوله الهويه و اللي مالهاش قطع غيار

[vooooo]

طبعآ كلامه ماكنش مقنع علشان كده ماروحت اشوفها

و على فكره النهارده كنت فى القاهره صد رد و رحت سوق السيارات لأول مره و لسه راجع دلوقتى حالآ

و مالقتش حاجه مناسبه بس كان فيه عربيات كتير تعبانه و عربيات قليله قوى كويسه بس برضه اسعارها عاليه

شوفت فكترا 94 2000 Cc اوتوماتيك طالب فيها 51 الف ( ازاى بقى سعرها واقع )

بحاول فعلآ اشوف حاجه لقطه و كويسه و ماتتعبنيش لكن هيبقى صعب شويه

اينعم انا هموت على عربيه لكن برضه مش اى عربيه و السلام

و ايه ابعد عن الفولفو دى؟؟؟؟؟؟؟؟؟؟؟؟؟؟؟؟؟؟ ماتزعلنيش منك
ده انا الفولفو و الفولفو انا

[Ahmad Allawy]

مشكلة الفولفو انها هتتعبك قوي في قطع الغيار.. و مش هتكون رخيصة..
العربية يعني..
يعني عشان تجيب حاجة حديثة نسبيا هتكون غالية قوي.. فوق ال50 مرتاح يعني..
و المبلغ ده ممكن تركب بيه حاجات كتير اوروبي محترمه..
عموما انا كمان من عشان الفولفو بس للأسف صعب قوي ركوبها هنا في مصر..