Tweet
امبارح وانا راجع من الشغل وعند كوبرى مسطرد حوالى الساعة 5 مساءاً لقيت شابين راكبين فسبه وبيخبطولى على شنطة العربية من ورا بصيت فى المراية لقيت واحد راكب الفسبة والتانى ماشى جنبه وماسك رجله وبيقولى خبطنا وجاى يتخانق ، رحت مزعق معاه وانا بتحرك بالعربية موقفتش وقلتله انت جاى من ورا متستهبلش ، ومخدتش فى بالى ومشيت على طول ودخلت فى شارع زحمة يمين ، ولقيت تاكسى جاى من ناحية اليمين وراكب معاه تلاتة وبيكلمنى ويقولى خللى بالك العيال دى شكلها حرامية وهما جايين وراك انت موبايلك معاك رديت عليه وقلتله انا موش معايا موبايلات وكملت طريقى ، والشارع كان زحمة وفية مطب يوبك وانا بعدى عليه لقيت اللى بيرمى نفسة ادام العربية وانا كنت مهدى فوقفت لحظة لقيته جاى وبيزعق من ناحية الشمال وبيقولى ياسطة انت هتدوسنى وكنت هتدوسنا اول الشارع وفى المراية شايف بتاع الفسبة جاى من ورا زعقت معاه وبلمح بطرف عينى لقيت الباب اليمين جنبى بيتفتح واللى بيدخل منه رحت بضهر ايدى ومديله فى وشة راح منطور بره فشديت الباب قفلته وبكوعى على السنتر قافلة وازحت بالعربية وقعدت ابص فى المرايات ملقتلهومش اثر .
والحمد لله ربنا سترها ومعرفوش ياخدوا حاجه لانى بكنف الموبايل فى حته متتشافش.
المصيبة ان الشارع زحمة جدا عربيات وناس وفى عز النهار لكن ستر ربنا الحمد لله
نصيحة لكل الاعضاء :-
1. ازازك مقفول.
2. مسوجر العربية وانت ماشى.
3. متحطش اى حاجه مطمع فى مكان ظاهر بالعربية ( الكرسى اللى جنبك او الطابلوه مثلا )
4. لو حد حك فى عربيتك او محاولات لافتعال مشكلة معاك وانت لوحدك طنش وزوغ حتى لو حصل حاجه للعربية هيبقى ضررها اخف.
5. حاول يكون فى حاجه تقيله حاططها جنبك تدافع بيها عن نفسك لو لزم الامر ومفيش مفر
والحمد لله ربنا سترها ومعرفوش ياخدوا حاجه لانى بكنف الموبايل فى حته متتشافش.
المصيبة ان الشارع زحمة جدا عربيات وناس وفى عز النهار لكن ستر ربنا الحمد لله
نصيحة لكل الاعضاء :-
1. ازازك مقفول.
2. مسوجر العربية وانت ماشى.
3. متحطش اى حاجه مطمع فى مكان ظاهر بالعربية ( الكرسى اللى جنبك او الطابلوه مثلا )
4. لو حد حك فى عربيتك او محاولات لافتعال مشكلة معاك وانت لوحدك طنش وزوغ حتى لو حصل حاجه للعربية هيبقى ضررها اخف.
5. حاول يكون فى حاجه تقيله حاططها جنبك تدافع بيها عن نفسك لو لزم الامر ومفيش مفر
وربنا يسترها معانا جميعاً
Comment