بخصوص الاسترا 2004

[mahamedaraby]

كنت عايز اسئل عن الاوبل الاسترا 2004 او 2005 اتوماتيك ايه رايكم فى العربيه دى

وسعرها العادل كام علشان انا ان شاء الله ناوى اشتريها

وياريت اى حد عنده تجربه او معلومه عن العربيه دى يقولها من ميزاتها او عيوابها

[HNaga]

عربية حلوة
زيها زى العربيات الألمانى تقيلة وراسية - قطع سواء المانى او برازيلى غالية بالمقارنة العربيات الكورى و الصينى
إستهلاك البنزين أكثر من اليابانى - تكييف -لو مشاويرك قصيرة مش هتحس بيه أصلا

ماقابلنيش فيها مشاكل لحد دلوقتى
قطع الغيار اللى غيرتها كانت الطبيعى فلاتر و سيور و تيل و قواعد يعنى كله فى الصيانة الدورية

عن نفسى بحب فيها إتزانها و بكره فيها سخونيتها

[محمد المصرى]

عربية حلوة
بكره فيها سخونيتها

ممكن افهم معنى الكلمة ده

اقصدك العربية بتسخن ؟؟؟؟؟

[mahamedaraby]

بخصوص السخونيه ايه نظامها

ومتعرفش متوسط سعرها كام فى السوق علشان انا شفت واحد ب65 واوحده ب 72 فمش عارف سعرها كام فى السوق

[HNaga]

ممكن افهم معنى الكلمة ده

اقصدك العربية بتسخن ؟؟؟؟؟

هى طبيعتها سخنة - مش مشكلة فيها

[HNaga]

بخصوص السخونيه ايه نظامها

ومتعرفش متوسط سعرها كام فى السوق علشان انا شفت واحد ب65 واوحده ب 72 فمش عارف سعرها كام فى السوق

ايه الأسعار دى؟؟ دى السنة اللى فاتت كانت ب 80

[Ahmad Aboul Fotouh]

السلام عليكم
انا شايف ان العربيه دي ملهاش سعر محدد لانها مش منتشرة في السوق,فكل واحد بيبيعها بمزاجه , انا عن نفسي سمعت فيها اسعار كتير اوي لدرجة اني مش عارف اعرض عربيتي علي كام .
بس هيه بصراحه الموديل ده محترم اوي. ويا ريت كان ينزل منها سيدان في 2008

[HNaga]

هو فعلا موديل محترم و كان واخد أحسن تصميم

فيه منه سيدان بس مانزلش مصر