صنايعية اوبل بناء على موضوع تامر نصر

[hdmi]

اخي في الله احسن واحد في مصربيصلح تكيف الاوبل عن تجربه وثقه حسام اوبل صقر قريش طريق الاوتوستراد اتجاه المعادي هيصلحلك التكيف من اول مره وهيديك ضمان علي التكيف واسعاره كويسه جدا وامين جدا بس عيبه باشا بينزل الشغل متاخر شويه
رقمه 0105155265جرب والله هتدعيلي

[hdmi]

حسام اوبل اصل الاوبل 0105155265

[tananybasha]

شكراً يا باشا على النصيحة

[hell_maker2000]

في واحد جربته مره واحده واسمه محسن اوبل , وده في فيصل - في شارع متفرع من شارع كفر طهرمس عند هاني اوبل بتاع قطع الغيار .
الراجل ده مهندس اصلا و سمعت انه كان في مقار و بيهتم بالعميل وبيشتغل بنظام التوكيل بس اسعاره اقل شويه مش كتير عن التوكيل. هو ميكانيكا و كهربا و عفشه وبيبقى عنده قطع الغيار الجديده بدل ما تروح تجيبها من بره و تروح و تيجي كتير و دي ميزته و مواعيده مظبوطه

[tananybasha]

مهندس محسن
اللى جنب هانى اوبل
اللى جوه فى الشارع على الشمال
جايز

[HASSAN SERRY]

أحمد و محمد عبد الراضى فى صقر قريش فى المعادى بجد ناس محترمه و ناس تحابيبك تتعامل معاهم , انا كنت رايحلهم من طرف اتنين اصحابى عارفنهم قوى كان عندى العربية بترجرج فى السالانسيه بحكيلوا قالى من غير ما يكشف على العربية الكاتينه عندى فيها مشكلة مش مظبوطة اخد العربية تلت ساعة و خلص فك السير و و ظبط التقسيمه و ركبه فى تلت ساعة و قالى دور و شوف , ادور العربية مفيش فيها هزه و كله تمام اللى عجبنى بجد انهم ناس فاهمه مش بتاع حوارات و حركه تانية بيعملها بياخد رقم العربية و يعملك ملف للعربية عنده على الكمبيوتر عشان يكون عارف تاريخ العربية و الحاجات اللى محتاجة تتغير فيها و الحاجات اللى عملها فيها . و انا هناك فى التلت ساعة اللى كنت واقف فيها طبعا لازم اصلى نفسى فاتصاحبت على كام واحد هناك و اتكلمت معاهم على محمد عبد الراضى فعلا مفيش واحد هناك مشكرش فيه .
بصراحة كيفنى على الأخر

[wama00]

ياريت عنوانهم بالتفصيل يا باشا وياسلام لو رقم تليفون كمان لو امكن

[HASSAN SERRY]

ياريت عنوانهم بالتفصيل يا باشا وياسلام لو رقم تليفون كمان لو امكن

بص و انت على الأتوستراد اتجاه المعادى اول ما توصل صقر قريش يعنى بعد ما تعدى من تحت كوبرى الدائرى هتلاقى الطريق بقى حارتين امسك الحارة اليمين و ادخل اول يمين هتمشى بتاعى 50 متر هتلاقى اليفطة بتعتهم على اليمين
و رقم تليفون محمد عبد الراضى هوه 01003486261
هوه بيفتح على 12 بس عايز أقولك ان كمية العربيات اللى شفتها عندوا أكتر من اللى شفتها عند منصور

[caboo_1]

وائل أوبل..ليسانس حقوق جامعة حلوان -هاهاهاها كل واحد وقف عنده عربيتين اوبل يسمى نفسه اوبل
العزبه البحريه-حلوان
دماغه نضيفه و بيفكر
أهم حاجه عنده عدة الأوبل-فى حلوان ده كويس جداً
فك و تقفيل ممتاز للشغل-ولا مسمار باظ ولا مخ حلق
معندوش كومبيوتر انما بيعرف يشخص أعطال كويس
خلى بالكم-بيربط مع واحد اسمه محمد اوبل هاهاهاهاهاها برضو اوبل..وده بتاع قطع غيار اوبل الوحيد فى حلوان
بطىء بطىء بطىء !!!!!!!
نظام افتح كذا عربيه وقعد الزبون
مصنعيات أقل بكتير من محمد عبد الراضى
بيفتى لكن قليل . لازم تكون صاحى ومركز معاه

كان هيلبسنى فى قواعد موتور بصراحة مرتحتلوش مع انه صاحب صاحبى وواحد اخلاق اوى هو واخوه محمد فيبر

[hzyn]

عن نفسى اتكلم عن الناس اللى اتعاملت معاهم خصوصآ لسه طالع من عمرة :
بالنسبة لتجار قطع الغيار الجديد :
رقم واحد فى الاسكندرية خميس رويدا نهاية صلاح الدين قبل شريط الترام اخر شارع شمال قبل شارع الخديوى من ناحية صلاح الدين ...
اهم ما يمتاز به هذا الرجل الصدق والامانة وعدم الجشع عنده يبقى عنده وسعر واحد ولازم اقل من السوق كلة ويوضح ان كانت قطعة الغيار اصلى ولا تيوانى ولا صينى ولا ..... صادق ومجربة اكثر من 15 20 مرة ..
بالنسبة لتجار الاستيراد :
احسن واحد عنده بضاعة كتيرة على لادا فى بحرى عند باب واحد شغال معاه واحد مشاركة اسمة رضا وهم يعتبروا احسن من غيرهم فى الاسعار وقطع الغيار بس لازم فصال كتير معاهم ...
وفى عباس اوبل فى السيوف كويس اسمع انه معقول فى اسعارة بس لم اتعامل معاه .
وفى احمد الشيخة واخوه حوده الشيخة اسعار غير عادية لو تحب ترجع حاجة مش نافعه مفيش ترجيع تاخد بيهم بضاعة ..
اما بالنسبة للمكانيكا:
محمد ابو الحمد فى المطار قبل البنزينه بشارعين 15 سنه خبره فى توكيل مقار فى العربيات الاوبل وهو ماشاء الله عليه فاهم كويس جدآ فى الاوبل بالذات وبيرفض الشغل فى اى عربية غير الاوبل ولما بسأله ليه بترفض قال الاوبل عربيتى وتخصصى ليه اسيب اللى انا بارع وممتاز فيه بعدين انا بحب العربيات الاوبل بشتغل فيها بمزاج ...
وهو ميكانيكى وبتاع عفشة برضوا للأوبل بس ومعملته محترمة جدآ جدآ وممكن يسيب ورشته لو الواحد عطلان فى مصر او الطريق الصحراوى وحصل معايا وجالى لغاية مكانى بعربتة ومعاه قطع غيار لغاية ما العربية دارت ...
اسعاره اقل من ناس كتير شغل السرفيس كله غيار زيت وفلتر وفلتر بنزين وفلتر هوا وتغير سير الدينمو وسير الكاتينه 25 جنيه ..فهو احسن من تعاملت معاهم
واهم من كل ده الامانه اللى شايفه فى العربية بيقول عليه خالى بالك فى كذا ممكن يمشى معاك قد كده بس لازم تغيره ..ربنا يكتر من امثاله ..
اما كهربائى السيارات :
فى اتنين فى اسكندرية ابراهيم خليل فى الازريطة امام بتاع الورد من ناحية مساكن سوتر ... وفى نبيل صبرى فى شارع الازالة الوكالة ..
والاتنين تخصص اوبل وافهمانين كويس فى الاوبل واسعارهم كويسه مش عالى ..
وفى سكر فى صلاح الدين بس دايمآ زاحمه وشغل بعد اربع خمس ساعات انتظار ..



دى تجاربى مع الاوبل من يوم ما اشتريتها من سنتين اتمنى ان اكون افدتكم بالذات الاخوه اللى فى اسكندرية

ياريت الوصف الدقيق للميكانيكي اللي في المطار
حضرتك بتقول قبل البنزينة بشارعين اي بن زينه بالضبط اللي قبل المطار ولا اللي بعده وعلى صف المطار ولا ايه ياريت الوصف الدقيق علشان عاوز اغير تيل الفرامل واجيبة منين واي نوع وبكام معلش اسئلتي كتيرة
جزاك الله كل خير

[mohamedgbrel]

مهندس محسن
اللى جنب هانى اوبل
اللى جوه فى الشارع على الشمال
جايز

واضيف برضو في كفر طهرمس في المساكن نفس منطقة هاني اوبل
وليد اوبل بصراحة احسن من محسن بكتير يا طناني وجه نظر

[tananybasha]

ما انا باقول كده
.........

[darsh009]

انا معايا اوبل كورسا سيدان
احسن واحد اتعاملت معاه اسمه محمد كان شغال في منصور
فاهم اوي و ميكانيكي نظيف
فاتح ورشه ورا سوق السيارات في مدينة نصر
و رقمه 01221972492

[hanihashem]

انا رحت النهارده لمحمد عبد الراضى
بجد شخص محترم جدا وفاهم
مشكلته الوحيدة الشغل كتير جدا ( ما شاء الله ) ربنا يزدهم
انما فعلا خلق و مهارة
شكرا يا رجالة الاوبل على المعلومات و الخبرات
دعائى لكم جميعا بالصحة و الستر

[etm]

يا جماعه ليه مفيش حد بيكتب عن ميكانيكى كويس فى الأسكندريه وعنوانه او رقمه؟؟؟؟؟؟؟؟؟؟؟؟؟؟؟؟؟؟